Ipilu 8:3 - Ata New Testament

³ Xaixai noxi'a tapilisiti tatatila mukalusi a so ine'enu mimi lexe noxou Mosinge xe ane so i'elaxu ulai noxou. Laso anu axone noxou pilisiti tatila na'a nenge. Anu kalumo so une'enu mi vile laixe lexe noxou Mosinge.

Ipilu 8:3 Referans Kwoze

Ipilu 5:1

Ioxe, vote'isou itema uxali pilisiti tatatila aloxo 'o. Mosinge uilounu no taine'i tamenexu ukalu laso utulusou. La xaixai noxou ne so usosovosi'a tamitema no anu mi ma'ia i'oxonu so ulai noxou Mosinge. A loxo tamitema ipilixinu mimi se'i so lexe ulai noxou Mosinge o ine'ene'i tamisoposi mo so pilisiti uvau so usu'asou susu noxi'a.

Epesusi 5:2

Mo ngasexelangenge ngato'o a loxo Kalaisiti musexe­lanenge. Xo anu molu mupilixinu mauli noxou so singe. Mupilixinu mauli noxou mo musoli axone la Mosinge mu'osasou. Mu'osasou a loxo mi u'ela mo tuma'u lailaixe uxali noxou.

Ipilu 9:14

Ioxe, anene vote'i so malemalenga tei. Ia loxo sialuxu Kalaisiti la lailaixe mo uua'ulixu anene laso xaixai no anu uua'ulixu ane tei avile kalumo. Xo Ulenu ane kaluxusou uasi mupa­muxanu so mupilixinu maulixu malemalenga noxou Mosinge. Laso sialuxu uxaxaisou vasime­ngesi uasi, ulai avile no tanenge so u'uinu mo u'oxonu uai laixe. Mo so tatalo no anu xaixai ane mauli no anu uasi mo ta'oxonu xaixai noxou Mosinge e umamauli.

Ipilu 7:27

Xo loxo tapilisiti tatiatila olele la voxovoxo utotomu ilavusou ine'enu mimi lexe noxou Mosinge so usu'asou susu noxi'amo xe susu noxi'a tamitema. Ia loxo noxou Iesua la susu uasi laso tava'u so u'oxo axone uasi. Anu molu mupilixinu mauli noxou so susu noxi'a tamitemasi, mo alaxu vilesisi.

Taitusi 2:14

Anu mu'italonu maulixu so mulotonu lakolisou ili'ilixo noxinge mukalusi ane muxolaxola'u lo noxou Mosinge. Xe mu'ulosinge so texali tamitemaou malemalenga mu'isa­lili. Laso maixene oponenge utata­ma so ta'oxonu ili'ilixo ane laixesi.

Tioni 6:51

La pileti umamauli e molu no tualasou Mosinge mulu'e ne a eni 'osi. Loxo itema ena'ei u'ani no anu pileti ano'o la uxolu umauli kaluxu uasi. Pileti ane apilixinu so uxalisou mauli no anu ne a vasimelo 'osi. Xe loxo apilixinu la anene vote'isi'a tatemanu lialia mukalusi kalumo so ixalisou mauli.

Lomu 4:25

Xo mi anenesi, laso Mosinge mupilixinu Iesua no anu soli, so ulotonu susu noxinge. Xe mutu­lusou no anu soli so umoxo'inge tamalemalenga no iou.

Lomu 5:6

Xo aloxo 'o. Tei la nenge pakia'inge uasi so talu'enu Mosinge tanu. Nenge texolu va'axu avile mo ta'oxonu ilixo vile laixe no iou uasi. Ia no voxo loxo Mosinge molu musosovosou, la Kalaisiti musoli­singe.

Lomu 5:8

Anene ilixo noxinge, ia noxou Mosinge iou vilemo manina. Anu musexela­nenge misevile. Xo no voxo loxo oponenge mututulu no anu sususio, la anu mupalusou Kalaisiti musoli so mupamaulinenge.

Xalesia 2:20

Xo loxo mililixu Kalaisiti no ovu valautu so musoli la eni kalumo ane. Laso no anu xoluxoluxo alavua 'o la enisi uasi, Kalaisiti a upolonu maulixu noxilo 'o. Mo so no anu xolu­xoluxo so lialia 'o la eni alopala noxou Mosinge Olusi e muse­xelaxo ka mupilixinu maulixu so silo.

Ipilu 2:17

Laso no anu su'ulisi'a tavimovimou ne la vote'i vilesisi, anu uxali u'isalili aloxo ane'i nesi. Mo so axone la anu muxali pilisiti tatila ane tanuxa'a mo muxalixu nene'axu xaixai e Mosinge mupilixinu noxou. Xaixai anene so ulotonu tina'u so susu noxi'a tamitema.

Ipilu 3:1

Ioxe tavivilo, Mosinge muxolu no tualasou la mu'avalinge so ukali­palangengi lexe ngingi tano­xou mu'isalili. Laso ngaxolu tangengi utaxunu Iesua. Anu apo­seli xo anu musosovosou Mosinge noxinge. Xe anu Pilisiti Tatila xo anu usosovosinge noxou Mosinge mo so no anu lopala noxinge talemolu, la anu uvalaxu.

Ipilu 8:4

Xe loxo anu uxoxolu no lialia la anu so pilisiti uasi ane. Xo ane'i so lialia a ixoxolu mo imulinu lo so ixalixu mimi lexe noxou Mosinge.