Ipilu 4:2 - Ata New Testament

² Xo manina nenge telomusou votovoto so vaikala laixe a loxo ane'i tatei ne. Ilomusou vaikala laixe, ia usu'uline'i uasi xo ipitanu no anu lopala so ilomuxu uasi.

Ipilu 4:2 Referans Kwoze

1 Tesalonaika 2:13

Ioxe, laso utotomu nexi tavikala laixe noxou Mosinge aloxo 'ola. Ngingi ngelomusou Mosinge vaikalaou noxixe la ngeno'u loxo tamitema vaikalai'a uasi. Ngela­mana no anu lexe anene vaikalaou Mosinge u'isalili ane. Xe ngelo­palanu laso maixene vaikala anene muxaxaisinge.

Ipilu 11:6

Xo loxo no anu lopala uasi la umomomo uasi manina so Mosinge u'osasou itema. Laso loxo itema umasaxau ulavusou Mosinge la masi ulopala tei lexe Mosinge uxolu. Mo ulopala lexe tamitema ta'ei tane'i u'oxoxu Mosinge la anu ukolinu mo u'oxone'i laixe.

Ipilu 3:12

Laso tavivilo ngalaxa'ingenge laixe xo loxova, masi se'i no taingengi isusu no opone'i so ilopala uasi mo ixiunu tumali'aou Mosinge e umamauli.

1 Timoti 4:8

Xo loxo ta'ekisasaisi so vasi­menge uno'u xavi la anu usu'ulinenge sevile. Ia loxo ta'isalilinoxu xolu­xolunenge no anu masaxa noxou Mosinge la nenge tano'u su'ulisou tatila. Su'uli anene so xoluxolu vaimomo 'o xe no anu ane ili'i kalumo.

Lomu 2:25

Mo vile aloxo 'o. Mosinge mulosinge sosovo noxou so ngaxo­tonu vasimenge. Anu laixe, xo loxo ngalomuxu lo, la anu sosovo ne temanu. Ia loxo ngalomuxu uasi, la anu mi vitanisi.

Ta'aposeli 13:46

La Polu ilou Vanavasi mivikala pakia'u noxi'a tatiatila ne aloxo 'o, “Anu masaxa noxou Mosinge so nexi tapala'anixu vaikala laixe ano'o noxinge ngingi Taiuta tei. Ia ngingi a ngaxiunu tumalinge no anu vaikala ano'o mo ngingi menge ngemaxa'u lexe xoluxolu kaluxu uasi 'o la opongengi uxililousi. Laso ngingi ngalomu, vaimomo 'o nexi noxou taa'alomengila uasi. Nexi tapala'anixu vaikala laixe ano'o noxi'a tamitema noale'alesi.

Tiemisi 1:21

Laso ili'ilixo nuni'u iouiou xe ili'ilixo masumasua ane ulavusou ulolutusi la ngapilixinusi. Io ngalu'engengi so opongengi uloxu vaikalaou Mosinge e mutounu no opongengi xo anene so pamaulisinge ane.

Ipilu 4:6

Laso ane. Ane'i ane milomusou votovoto so vaikala laixe tatei ne i'unalai no anu tanixu ma'ila noxou Mosinge uasi xo ilopala uasi. Ia ma'ila ne a uxoxolusi laso vote'i uxolu so tamitema mose'i i'unalai no anu vaimomo 'o.

1 Kolini 13:3

O loxo eni ano'u mixemixeli mukalusi mo aiti'a ta'oloxola. Mo kalumo loxo tami­tema iveloxu xaixai noxou Mosinge so asoli avile mo i'elaxu vasimelo. Loxo apilixinu mimi­xeli ilou vasimelo axone ia loxo no opoleli manina asexelaxa'a tami­tema uasi la apulelisi ane.

1 Pita 1:12

Ia Mosinge mupela'a lexe vaikala milemolu ne anu so si'a uasi. Pamauli e milemolu ne anu so uxali noxinge a vaimomo 'o. Laso maixene Mosinge mupa­lusou Ulenu Laixe molu no tualasou mulu'e, xe no anu xavi noxousi la tamitemaou mine'e milanu vaikala laixe noxinge. La ane'i ta'angelo talaixe kalumo imasaxau manina so ilamana no anu mimi ane Mosinge mu'oxonu noxinge ne.

1 Tesalonaika 1:5

Xo vaikala laixe tene'enu noxinge ne, vaikala vitanisi uasi. Telanu vaikala ne la no anu xavi, xo Ulenu Laixe mu'isalilinoxu. Mu'isali­linoxu laso mupalasi noxinge lexe maninasou ane. Xe xoluxolu noxixe no taingengi la mupala'a no iengi kalumo. Taxolu noxinge la tava'u vilela uasi, a so tasu'uli­ngengisi.

Xalesia 3:8

Xo vaikala no anu lavukuou Mosinge mulosi mu'uli la mulemolu mi ane muxali mukalu 'oe. Mi e so tamitema noale'ale ixaxali talapu no iou no anu vote'i so lopalasi. Xo no anu vaikalaou ne mulemolu lumamo noxou Apala'amu aloxo 'o, “Noxine la Mosinge uxalixu su'ulisi'a tamitema no anu lailaili mukalusi.”

Xalesia 4:13

Ngingi a ngexavutalanusio? Tatei ne etavulenu tu'umaxu no vasimelo la anene muxalixu vote'i so ene'e noxinge alaxu tei ka elanu vaikala laixe ne.

Ta'aposeli 3:26

Pita mulemolu Mosisi vaikalaou axone mukalu la muvi­kala lexe, “Laso maixene Mosinge mutulusou itema so xaixai noxou mo mupalusou muxali noxinge tei so uxiungengi no anu vote'i so susu ngamulinu 'o.”

Lomu 3:3

Ia manina, Taiuta mose'i ilomuanu mo ilopala uasi. Laso axova, nenge tavikala lexe Mosinge vaikalaou nene'axu uasi?

Xalesia 3:2

Eni tali'i vile so atali'isinge aloxo 'o. Ngingi ngemu­limulinu lo kaso ngexalisou Ulenu Laixe? Uasi, ngingi ngexalisou no anu vote'i e so ngelomuxu vaikala laixe ka ngelopalanu, ne?