Ipilu 3:2 - Ata New Testament

² Xo Mosinge mutulusou no anu xaixai anene la muxalixu nene'axu ane. Xe noxou Mosisi la anu axonesi. Xo laili noxou ane'i loxo tasou Mosinge. Laso loxo mutulusou Mosisi so usaxila'u la mu'oxonu laixesi.

Ipilu 3:2 Referans Kwoze

1 Timoti 3:15

Ia talavu uasi, masi mi vile utanuxo so axali palea noxine uasi. Laso maixene ekaukavu 'o so nalavu lexe xoluxoluxa'a Mosinge ta'olu laixe axova. Xo tamitemaou Mosinge ne ane'i tasou ane. Mo pita noxou Mosinge ane umauli ne anu utulu pakia'usi xo anu loxo posi so utavulenu vaikala manina.

Epesusi 2:22

Xe ngingi la Ulenu a uxoxolu noxinge kalumo. Laso maixene anu mupitangengi mo a upamupamuxangengi no anu tasou Mosinge ne.

Ipilu 2:17

Laso no anu su'ulisi'a tavimovimou ne la vote'i vilesisi, anu uxali u'isalili aloxo ane'i nesi. Mo so axone la anu muxali pilisiti tatila ane tanuxa'a mo muxalixu nene'axu xaixai e Mosinge mupilixinu noxou. Xaixai anene so ulotonu tina'u so susu noxi'a tamitema.

Tioni 17:4

Nepalusilo xe exolu no lialia 'o la epala'anixu uala mu'uli'uli noxine xo emomomosou xaixai e nepi­lixinu noxilo so a'oxonu.

1 Timoti 1:12

Eni alemolu laixe noxou Kalaisiti Iesua anu Tatananenge. Anu mutilovosilo lexe xaixai ma'ia upilixinu noxilo la eni opoleli ututuluousi. Laso anu molu mu'oxo pakia'ilo mo mumulaxo no anu xaixai noxou.

Tioni 15:10

Eni 'o la emulinu voto noxou Mamilo mukalusi mo a atalupexa avile no anu sexelasilo noxou. La anu axonesi noxinge, ngingi ngamulinu voto noxilo mo so ngatalupexa avile no anu sexelasinge noxilo 'o.

Tioni 8:29

Xe anu ane mupalusilo ene'e 'o ne a uxoxolu noxilo. Anu uxexesilo so enisisi axolu uasi xo utotomu eni a'oxonu mi ane u'osasousi.”

Tioni 7:18

Anu ena'ei loxo ulanu vaikala ane molu muxa­lixusi, la anene anu molu umasaxau u'itinumo ane. Ia ena'ei ane umasaxau u'itinu ualasou anu ane mupalusou mune'e, la anu ne anu maninasi mo mi vile ukilikalu uxolu noxou uasisi.