Ipilu 3:1 - Ata New Testament

¹ Ioxe tavivilo, Mosinge muxolu no tualasou la mu'avalinge so ukali­palangengi lexe ngingi tano­xou mu'isalili. Laso ngaxolu tangengi utaxunu Iesua. Anu apo­seli xo anu musosovosou Mosinge noxinge. Xe anu Pilisiti Tatila xo anu usosovosinge noxou Mosinge mo so no anu lopala noxinge talemolu, la anu uvalaxu.

Ipilu 3:1 Referans Kwoze

2 Timoti 1:9

Xo Mosinge mupamaulinenge mo mu'avalinge so ukalipalanenge lexe nenge tanoxou u'isalili. Anu mi so xaixai noxinge to uasi, muxali no anu masaxa noxousi. La anene nene'axu iaiama noxou ane mupilixinu noxinge no anu vote'i e noxou Kalaisiti Iesua tei tei manina loxo voxovoxo usoko'u uao.

Pilipai 3:14

Eni asoa so axali no anu lamaki so axalisou palaisi. Palaisi e ava noxou Mosinge mupolonu noxou Kalaisiti Iesua. Mua'avalilo so atelai axolu laixe noxou.

Ipilu 7:26

Laso ane, Iesua anu laixe umomomo so anu uxolu no anu tanixu pilisiti tatila na'a nenge. Xo anu malemalenga mo ulapu no iou Mosinge. Mi vile nuni'u noxou uasi, uxolu ukalipala avile noxi'a tamitema so susu mo a uxolu teitexi no tualasou Mosinge.

Epesusi 4:1

Ioxe loxo elemolu, eni Polu a. Eni e'oxonu xaixai noxou Tatananenge laso maixene ekalavususou 'o. Xaixai noxilo so elanu vaikala ane Mosinge molu mu'avalinge no anu. Ngelomuxu ava ne laso atama pakia'u noxinge lexe xoluxolu noxinge ulovou ava anene.

1 Pita 2:9

Ia loxo ngingi ne, Mosinge muilongengi so ngexali laili noxou mu'isalili. Xe ngaxolu tapilisitisou tasou kingi mo lasilili ane malemalengasi mo tamitema ane musosovosinge lexe tanoxou mu'isalili. Laso ngingisi a so ngapala'anixu ilixo lailaixe mu'u­li'uli avile noxou e mu'a­valinge ngela no anu isivoxo so nge'una no anu lamanaxu lailaixe ne.

Ipilu 2:17

Laso no anu su'ulisi'a tavimovimou ne la vote'i vilesisi, anu uxali u'isalili aloxo ane'i nesi. Mo so axone la anu muxali pilisiti tatila ane tanuxa'a mo muxalixu nene'axu xaixai e Mosinge mupilixinu noxou. Xaixai anene so ulotonu tina'u so susu noxi'a tamitema.

Ipilu 10:21

Xe nenge pilisiti tatila so usaxila'inge nenge tatemanu tasou Mosinge.

Epesusi 4:4

Xo vasimolu Kalaisiti vilesisi mo Ulenu vilesisi mo ngalopalanu ngaxomaiou mi vilesisi kalumo. Mosinge molu mu'avalinge so ngalopalanu ngaxomaiou mi vilesisi e voxo lailaixe ili'io.

1 Tesalonaika 2:12

Tetatama noxinge lexe muamua'i noxinge la laixe mo ulovou ilixo noxou Mosinge. Xo anu molu mu'avalinge lexe no anu voxo so anu molu u'uli laxune'i tamitemaou la ngingi ngaxoxolu ne no anu iaxusi.

1 Kolini 9:23

Opoleli ututulu so alanu vaikala laixe so Kalaisiti axone, mo so nenge nenge'a mukalusi taxalisou vaikala ne nene'axu lailaixe.

2 Timoti 2:7

Taneni utaxunu latilovo e elemolu 'o laixe laso Tatananenge molu upalasinoxu laxulaxu mukalusi noxine.

1 Timoti 6:12

No anu sipoti la tamosou isoa so lexe ena'ei uuini. Ioxe no anu lopala noxine la xavineniou axone mo so mi vile uua'ulixene uasi. Xo mala'o nini nevikala laixe so nepala'anixu lopala noxine no ie'i tamitema latala. Laso natulu pumuxene no anu xoluxolu kaluxu uasi e Mosinge mu'avalinexu ne.

Lomu 15:8

Xo Kalaisiti mune'e la anu itema so xaixai. Anu muxaxaisi'a Ta'isi­laeli so mupalasinoxu vavalima noxou Mosinge e mu'oxonu tatei noxi'a ta'ilusune'i. Mupalasinoxu vavalima ne so ilavu lexe anu manina.

Ipilu 2:11

Ta'olu ne, Iesua ukalipalane'i lexe ane'i tanoxou Mosinge mu'isalili. Ioxe, anu xe ane'i ne ixolu Mami'a vilesisi laso maixene anu u'osa so uleme'a lexe tavimo­vimou ane, uxamulinu maila no anu uasisi.

Tioni 20:21

La Iesua muvika­lane'ila lexe, “Amasaxau lexe opongengi uai se'isisi. Aloxo Mamilo mupalusilo ene'e 'o la axone kalumo eni apalusinge so ngalailaisi.”

Iuti 1:1

Eni Iuti a. Eni amitema so xaixai noxou Iesua Kalaisiti mo eni avimou Tiemisi a. Eni akaukavunu lapasi ano'o ulai noxinge tami­tema ane Mosinge molu mu'ava­linge. Ngingi ne Mosinge anu Maminge usexelangenge misevile xe Iesua Kalaisiti a u'oxo lato­losinge.

Ipilu 3:14

Ia nenge ane lopala na'a nenge manina musoko'u no tava'u mo uxolu avile umo­momo no anu telexu olele, la nenge tamitemaou Kalaisiti maninasou ane.

1 Timoti 6:2

Xe tamitema tasilevi ane tatanane'i Mosinge ta'olu kalumo la mamu so i'oxo lexe, “Ai, anene vivilo no anu lopalasi, laso eni alomuxu to uasi.” Ivikala axone uasi, ivikala aloxo 'o. “Eni masi xavileliou xaixai noxou vivilo 'o so asu'ulinu. Eni asexelaxu xo anu kalumo ulopala noxou Tatana­nenge ane.” Vaikala ano'o navotone'i Mosinge ta'olu mo napelototosi'a laixe no anu.

2 Tesalonaika 2:14

Xo anu umasaxainge lexe ngingi ngaxali mo ngaxolu no anu iaxu Tatananenge Iesua Kalaisiti. Laso maixene anu mu'avalinge no anu vaikala laixe ane ngelomusou noxixe.

2 Tesalonaika 1:11

Ioxe, loxo nexi tapilixingengi noxou Mosinge la utotomu tali­ngausinge aloxo 'o kalumo. Lexe anu usu'ulingengi so xoluxolu­ngenge ulovou ava noxou. Xe mi ma'ia laixe ngamasaxau so nga'o­xonu la uxalixu nene'axu. Xe xaixai noxinge aneva la ngalopa­lanu mo so ulosinge xavi so nga'oxonu.

1 Tesalonaika 5:27

Xe alinga pakia'u noxinge no anu ualasou Tatananenge lexe nga'itisou lapasi ano'o noxi'a tavivinge mukalusi.

Kolosi 3:12

Tamitema ane Mosinge mui­loune'i mo mukalipalane'i lexe tamitemaou ane usexelaxa'a, a ngingi to ne. Laso nga'oxo ilixo aloxo 'o. Tangengingenge ngato'o mo nga'oxonu alaunasinge mo ngalu'engengi mo opongengi lexa mo opongengi u'avuti noxi'a tamenexinge palea uasi.

Kolosi 1:22

Ia vaimomo 'o no anu soli no anu vasimolu Olu la Mosinge mukalusou kalipala mo mulivunixinge so ngaxolu opo­ngengi vilesisi noxou. Mo so loxo utulusinge no iou la usaxisou xoluxolungenge lexe ulapu mo malemalenga mo lamanasi.

2 Kolini 1:7

La nexi telopala avile lexe ngingi ngatulu pakia'inge ane. Xo telavu lexe loxo ngingi ngapita no anu tu'utu'umaxu noxixe 'o la no anu vote'i anenesi ngapita no anu mamatola noxixe kalumo.

1 Kolini 1:2

Lapasi ano'o so ulai noxinge no anu pita noxou Mosinge no tuala ne Kolini. Ngingi ane mu'avalinge mo mupitangengi noxou Kalaisiti Iesua. Mupitangengi laso mukali­pala­ngengi lexe ngingi tanoxou mu'isa­lili. Ngingi ngoli'a tatemanu tuatuala aneva ilavusou i'itinu ualasou Tatananenge Iesua Kalaisiti. Anu Tatanane'i xe Tata­nanenge.

Lomu 15:27

Mipitanu lamoli axone la laixe xo anu loxo ikoline'i Ta'isilaeli. Xo Ta'isilaeli ne ane'i vote'i so su'ulisi'a tamitema noale'ale no anu ulene'i. Laso laixe loxo ikoline'i Ta'isilaeli sevile mo isu'uli no anu mimi so vasime'a.

Lomu 11:17

Ovu ne anu ovu olivi ane evile usaxila'u. Usaxila'u xe umaisou lexe avo'avolu se'i uxa­loxalo la uxotosou uxexe. Uxoto­sou uxexe la uno'u ovu olivi samele avolu. Uno'u ukalu la utoxosou no tanixu ane muxotosou muxexe. Utoxosou ne la anu uxolu mo tava'u ovu ne ulosou leme laixe.

Lomu 9:24

Nenge ane mu'avalinge so taxalisou iaiama noxou ne, nenge so laili noxi'a Taiutasi uasi. Nenge ane so laili noale'ale kalumo.

Tioni 20:27

Mukalu la muvikalanu Tomasi aloxo 'o, “Nane'e namulaxu avone simisou 'o mo namaisou avolo 'o. Xe namulaxu avone u'una no vaimelo 'o. Mamu so oponeni tamei, nalopalasi.”

Mupala'a 18:20

Ane'i tamitema mitamasou Vaviloni axone ia loxo ngingi no tualasou Mosinge xe tamitemaou u'isalili xe ta'aposeli xe tapolopeti, ngingi nga'osa'ilasi. Xo Mosinge mutilovosou mi ma'ia mi'oxonu noxinge la a mukolinu 'oe.”

Mupala'a 17:14

La ane'i i'otoxu Sipisipi Ilie. I'otoxu ia anu oli'a tamitemaou ane mu'avali'a xe musosovosi'a xe milopalanu ne, iua'ulixa'a. Iua'ulixa'a tauluaou Sipisipi Ilie xo anu Tila manina noxi'a tatiatila xe anu Kingi manina noxi'a takingi.”

1 Tioni 1:3

Nexi temaisou mo telomusou laso maixene tapala'anixu noxinge kalumo. Mo so axone la ngingi ngaxolu opongengi vilesisi noxixe xo nenge nenge'a taxolu oponenge vilesisi noxou Maminge ilou Olu Iesua Kalaisiti.

1 Pita 5:10

Mo ngalavu aloxo 'o kalumo. Mosinge e mosou iaiama mu'avalinge mupitangengi noxou Kalaisiti mo so ngingi kalumo nga'una no anu xoluxoluxu iaxu e kaluxusou uasisi. Laso ngingi ngatavulenu navunavu voxo ataxu se 'osi ka so ili'i la anu uxalixinge ulomotele mo pumungenge mo pakia'inge mo so ngasasalo uasi.

1 Pita 5:1

Ioxe, eni pelototo so alemolu noxi'a tamitema so saxila'u no taingengi ne. A eni kalumo amitema so saxila'u mo aa'aloxu navunavu noxou Kalaisiti e emaisou no ieli 'o. Mo nenge nenge'a taxalisou mimi lailaixe Mosinge uvelununenge no voxo loxo Kalaisiti upala'a no iaxu avile. Laso eni apelototosinge ngingi tamitema so saxila'u aloxo 'o.

1 Pita 3:5

Tatei la tasema ane mipilixinu mauli noxi'a noxou Mosinge ka milopalanu mixomaiou nene'axu vavalima noxou la mi'oxo axonesi. Ane'i mivilasine'i no anu ilixo e so milu'ene'i noxi'a tamului'a.

Ipilu 9:11

Ia vaimomo 'o Kalaisiti muxali mukalu mo anu mutulu pilisiti tatila no anu mimi lailaixe ane muxali. Xo loxo anu la mu'unalai avile mukalu no anu tani ane muua'ulixu mo lailaixe manina no anu tani tei. Xo tani ne muxali no avo'a tamitema uasi, anu mi so lialia 'o to uasi.

Ipilu 6:20

Iesua mu'unalai ne la anu mu'uli noxinge ane. Xo anu muxali pilisiti tatila so umulinu tanixu Melikisateki ulai ulai kaluxu uasi.

Epesusi 3:6

Mi e mutalume tatei ne aloxo 'o. Ngingi tamitema noale'ale ne, ngelomusou vaikala laixe so Kalaisiti Iesua laso ngingi kalumo ngexalisou nene'axu vavalimasou. Mo axone la ngingi kalumo ngexali loxo pa'usou vasimolu. Mo ili'i la ngingi kalumo ngaxalisou mimi lailaixe e muvavalimasou lexe noxinge ta'olu.

1 Kolini 10:17

Nenge tavu'alo ia ta'ani no anu pileti vilesisi. Laso no anu vote'i anene tapita vilesisi xo vasimolu Kalaisiti.

Tioni 17:3

La mauli kaluxu uasi ne xinu aloxo 'o, a so tamitema ilavusine nini Namosi'a maninasou vilesisi, mo ilavusilo eni Iesua Kalaisiti e nepa­lusilo 'o.

Ta'aposeli 1:15

Ioxe, no voxo anene la navasi'a tamitema loxo milopala noxou Iesua mumomomo no anu 120. La Pita mutulu no taine'i la muvikalane'i lexe,

2 Kolini 9:13

Laso no anu su'uli noxinge ne la upala'anixu ilixo laixe noxinge no ie'i tamitema. Xo anu upalasi noxi'a lexe anene nene'axu vaikalamengi ngalemolu lexe ngelomuxu vaikala laixe so Kalaisiti. Xe ane'i imaisou avonge temanu ulai noxi'a xe noxi'a leviani ne la ane'i i'itinu Mosinge ualasou noxinge.

Ipilu 3:12

Laso tavivilo ngalaxa'ingenge laixe xo loxova, masi se'i no taingengi isusu no opone'i so ilopala uasi mo ixiunu tumali'aou Mosinge e umamauli.

Ipilu 7:28

Aloxo 'o. No anu lo la musosovosi'a tapilisiti tatiatila ane tamitemasi, laso pelesi'asi. Ia vaikala so vavalima Mosinge mulemolu muxali ili'i no anu lo mo anu usosovosou itema vitanisi uasi. Anu mutulusou Mosinge Olu ane uxoxolu laixe loloni kaluxusou uasi.

Ipilu 9:15

Laso ano'o tava'u so Kalaisiti utulu nonixi mo uvalaxu konitalaki alavua. Mo so ane'i ane Mosinge mu'avali'a la ixalisou nene'axu vavalima ane uxolu kaluxu uasi. Mi ne umomomo uxali xo susu ane tamitema mi'oxonu no anu koni­talaki tei la anu soli noxou mulotonu. Laso maixene anu vote'i uxolu so ixolu lalavulusi.

Ipilu 10:19

Ioxe laso tavivilo, ta'unalai no anu ngiou noxou Mosinge u'isalili mo ta'ume uasi xo no anu vote'i so sialuxu Iesuasi.

Ipilu 10:23

Xe mi ane nenge tapala'anixu lexe talopalanu taxomaiou la tasasalo no anu uasi, takamakulunu pakia'u. Ia xo ma'i, xo anu ane muvavalimasou la utotomu uxalixu nene'axu vaikalaou ane.

Ipilu 13:22

Ioxe, atama noxinge lexe ngalomuxu pelototo no anu lapasi ekaukavunu 'o xo alapunu veveni malaxo uasi.