Ipilu 13:3 - Ata New Testament

³ Xe tange­ngixa'a tavivinge ikalavusu a loxo ngingi menge ngaxolu ngakalavusu ne. Xe ane'i ane taxilili ilosi'a tu'umaxu la tangengixa'a a loxo ngingi ngatavulenu tu'umaxu no vasimenge kalumo.

Ipilu 13:3 Referans Kwoze

Matiu 25:36

Mo eni lava­lava uasi la ngingi ngeitixeli. Mo pipiena mukasilo la ngingi ngesaxi­la'ilo. Mo exolu no lakala­vusu la ngene'e ngekiloloilo.'

Ipilu 10:34

Xe loxo mikalavusune'i se'i noxinge la tangengixa'a mo nge'oxone'i laixe. Xe loxo taxilili mi'umenu mimi noxinge la nga'apisou uasi. Nge'osa so ngepi­lixinusi xo ngelavu lexe mimi­menge lailaixe ane kaluxusou uasi a mulalaxisinge.

Lomu 12:15

Xe loxo tamitema i'osa la ngoli'a nga'osa ane. O loxo tamitema itama la ngoli'a ngatama.

1 Kolini 12:26

Mo loxo vasimenge pa'usou uxamulinu navunavu la vasimenge loloni uxamulinu navunavu ne. Xe loxo tavu'ulinu pa'usou no anu la vasimenge loloni uxamuli lexe umauli laixe.

Kolosi 4:18

Eni Polu melo akaukavunu aso noxinge no avolo 'o. Ngingi tangengixo xo eni axolu no lakalavusu 'osio. Eni amasaxau lexe ngaxamulinu iaiama noxou Mosinge. Anu anesi.

1 Pita 3:8

Ioxe, telexu vaikalaxeli aloxo 'o. Ngingi mukalusi ngaxolu opo­ngengi vilesisi mo tangengingenge xe ngasexelangenge ngato'o xo ngingi tavivinge no anu lopalasi ane. Xe nga'oxonu alaunasi'a tamitema mukalusi mo ngalu'e­ngengi noxinge ngato'o.

Matiu 25:43

Mo exolu asila la nga'avalilo so a'una no tasinge uasi. Mo eni lavalava uasi la ngingi ngaitixeli uasi. Mo pipiena muka­silo mo exolu no lakalavusu la ngane'e ngakiloloilo uasi.'

Ta'aposeli 24:23

Mukalu la muvikalanu tila noxi'a ta'ami 100 so ukala­vusunu Polu. Muvikalanu lexe ukalavusunu ia u'okinu malamenge malaxo uasi. Mu'oxo lexe loxo tamenexu Polu ilosou la'ilali o isu'ulinu la mi vile uasi.

Epesusi 4:1

Ioxe loxo elemolu, eni Polu a. Eni e'oxonu xaixai noxou Tatananenge laso maixene ekalavususou 'o. Xaixai noxilo so elanu vaikala ane Mosinge molu mu'avalinge no anu. Ngelomuxu ava ne laso atama pakia'u noxinge lexe xoluxolu noxinge ulovou ava anene.

Ta'aposeli 27:3

Telutu telai xo xe loxo ne'iela la te'axa ne Saitoni. La Tiuliusi tanuxu Polu laso mu'ita­lonu mulai noxi'a tamenexu so misu'ulinu no anu la'ilali xe mi se'i.

Ipilu 11:37

Xe milealeaxa'a no anu lavo'o so ive'a isoli mo mixotonu vasi­me'a no anu laso so muxali mautunu tamei mo mive'ave'a misoisoli no anu laviso so oto. Xe se'i noxi'a lavalava uasi, misakinu sipisipi ilou koti sosousi. Xe ane'i mixolu loxo ta'oloxola mo mita­vulenu navunavu mo tu'umaxu no avo'a tamitema.