Ipilu 12:3 - Ata New Testament

³ Ioxe, ngaxavutala laixe noxou Iesua. Xo tamitema so susu mixililiou mu'oki ia anu mutulu pumuxusi. Laso ngingi kalumo ngatulu axone, ngatatosa uasi mo opongengi u'olo'olo uasi.

Ipilu 12:3 Referans Kwoze

Xalesia 6:9

Laso oponenge utotosa so ta'oxonu alauna uasi. Xo loxo kalakalanenge no anu ilixo laixe uasi la nenge taxalisou nene'axu laixe no anu voxosou u'isalili.

2 Kolini 4:16

Laso maixene nexi tatatosa uasi. Xo no anu xoluxoluxu vasimexe la mupelepelesi ia no anu xoluxoluxu tanexi la uxalixali alavua voxovoxo utotomu.

Mupala'a 2:3

La ngata­vulenu tu'umaxusou ualasilo xo tamitema ito'omengexu ia ngatulu pumu­ngenge mo kalakalangenge uasi.

1 Kolini 15:58

Laso tavivilo ane asexela­ngenge ne. Ngaxolu pumunge­ngesi, nga­vaxa ngane'e no anu lopala noxinge uasi. Mo loxo nga'oxonu xaixai noxou Tatana­nenge la xavinge­ngiousi. Xo ngalavu lexe ngaxolu noxou Tatananenge laso xaixai noxinge ne ulapau vitanisi uasi.

Ipilu 12:2

Tasaxi noxou Iesuasi xo anusi tava'u lopala na'a nenge mo anusi uxalixu nene'axu mi e talopalanu taxomaiou. Anu ne mutavulenu maila ia uxavutalanu uasi xe no ovu valautu la mu'italonu so musoli no anu xo oponu mu'oxoxu osa ane uxalisou ili'i 'o. Laso maixene anu a utalupexa no anu sia kingi noxou Mosinge no avolu tema.

Ipilu 3:1

Ioxe tavivilo, Mosinge muxolu no tualasou la mu'avalinge so ukali­palangengi lexe ngingi tano­xou mu'isalili. Laso ngaxolu tangengi utaxunu Iesua. Anu apo­seli xo anu musosovosou Mosinge noxinge. Xe anu Pilisiti Tatila xo anu usosovosinge noxou Mosinge mo so no anu lopala noxinge talemolu, la anu uvalaxu.

2 Kolini 4:1

Ioxe, Mosinge mu'alaunanexi la mupilixinu xaixai ano'o noxixe laso nexi talavusou tatatosa no anu uasi.

Tioni 5:16

La no voxo ne tatiatila noxi'a Taiuta misoko'u so mixililiou Iesua xo tava'u a so mu'oxonu mimi axone no anu Voxo so Ma'ila.

Ipilu 12:5

Xo axova, masi tangengivu­lusiou pelototo e Mosinge mu'oxo pakia'inge ngingi ta'olu no anu aloxo 'o, “Alixeli, loxo Tatana­nenge u'oxonu mi vile so ulovo­nixine la naxavutalanu lexe mi vitanisi mamu. Mo loxo upilixinu mi vile so upamuxaneni la oponeni kalaua uasi.

Luku 14:1

Ioxe, mune'e no anu Voxo so Ma'ila vilela la Iesua mulai mu'ani no anu tasou tila vile noxi'a Tapalisi. Xe ane'i tamitema mixolu miutitiou laixe.

2 Tesalonaika 3:13

Mo tavivixe, mamu so kalaka­langenge no anu ili'ilixo laixe.

Tioni 18:22

Muvi­kala axone mukalu sila itema so latolo vile mutulu alai ne musavalou Iesua mo mu'oxo lexe, “Anene vote'i to e laixe so nakolinu tali'i noxou tilasi'a tapilisiti?”

Tioni 8:52

Taiuta milomu axone la mivi­kalanu aloxo 'o, “Anu ane, nexi telavu manina lexe angelo masua uxolu noxine. Xo Apala'amu muxolu xo la musoli xe tapolopeti axone kalumo. Ia nini to ne ne'oxo lexe itema ena'ei ulomuxu vaika­lameni la uxamulinu soli uasisi.

Tioni 8:59

Milo­mu­sou vaikalaou ne sila mitoki­tokinu lavo'o so lexe ileaxu Iesua no anu. Ia anu mutalumexa'a mole mula no tasou Mosinge avile.

Tioni 8:13

Ia Tapalisi milomu­sou la milivuxu lexe, “Nini mene a nalalanu vaikala so navalaxene tomo. Ninisi napala'anixene axone la masi nakakalavoi ane.”

Tioni 7:12

Xe tamitema tavu'alo musuku e mixoxolu mipita ne la mivivikala piena mo mimunu­munusou. Se'i lexe, “Anu ne itema laixe ane.” Xe leviani lexe, “Uasi to, anu ukalavoine'i tamitemamo.”

Luku 16:14

Ioxe, ane'i Tapalisi ne ane'i tamitema so i'osasou lamoli misevile. Laso loxo milomusou Iesua muvikala axone la ane'i mimolo sukusou.

Luku 15:2

La Tapalisi oli'a tamitema so lavulavu no anu lavuloto opone'i tu'umaxu mo mimunumunuxu lexe, “Itema ano'o uvaitami noxi'a tamitema so ili'ilixo masumasua mo oli'a ipita i'ani'ani to!”

Luku 5:21

Ia tamitema so lavulavu no anu lavuloto oli'a Tapalisi milomu axone la mitatali'i no opone'i lexe, “Anu u'oxo lexe anu ena'ei to? Xo vaikala e so noxou Mosinge u'isalili la itema ano'o ulemolu vuluvulusi. Mosinge anusisi umomomo so ukalusou tina'u so susu.”

Luku 2:34

Mukalu la Simioni muvikala laixe so xoluxoluxa'a mo muvika­lane keakea nenu Malia aloxo 'o, “Nalomu, noxou molomolo soxu e Mosinge musosovosou 'o la Ta'isi­laeli tavu'alo ixalisou mamulo xe tavu'alo ixalisou pamauli. Mosinge musosovosou ia ane'i latala ixili­liou.

Matiu 22:15

Xe mune'e la Tapalisi milai mipitanu xavutalai'a lexe i'oxo loloxu axova no anu vaikala so loxo u'amo no anu.

Matiu 21:46

La opone'i ialuxu manina so lexe itetelisou ia vote'isi'a uasi. Ane'i mi'ume'a tamitema latala ne xo mitaxanu Iesua lexe anu polopeti.

Matiu 21:23

Ioxe, Iesua mulutu xo xe mu'unalai no tasou Mosinge la muvotovoto ne. Muvotovoto la tatiatila noxi'a tapilisiti oli'a tatiatila noxi'a Ta'isilaeli mine'e mitali'isou lexe, “Nini neno'u xavi ne'ei so na'oxonu ilixo te'o? Xo axova, evile mutulusine so naxali natiatila aloxo 'o?”

Matiu 15:2

“Axova so tatisaipelimeni imulinu ilixo noxi'a tatiatila noxinge tatei uasio? Xo loxo ane'i a so i'ani la i'uinu avo'a tei to uasi.”

Matiu 12:24

Ia loxo Tapalisi milo­musi'a la mi'oxo lexe, “Uasi, itema anene ukusai'a ta'angelo tamasua no anu xavi noxou tila noxi'a ta'angelo tamasua e Velisevuli tosi!”

Matiu 11:19

Mo vaimomo 'o Itema ane molu noxou Mosinge a muxali mo u'ani mo uie. Sila ngingi ngevikalasou lexe, 'Ngamaisou anu itema so vune mo ulavusou usipaki. Xe anu vaitami'a tamitema so itaxusou taxisi oli'a tamitema so susu to!' Ngingi ngalavusou ngavikala axone ia tamitema ane ilomuxu vaikalasou lavulavu u'asi'asi noxou Mosinge la xaixai noxi'a umaxa'u lexe vaikala ne manina ane.”

Tioni 9:40

Xe Tapalisi se'i mixolu alai noxou Iesua ne milomu axone la mitali'isou lexe, “Xo axova, na'oxo lexe nexi taxolu iexi selevenu kalumo, ne?”

Tioni 10:20

Xo tavu'alo noxi'a mi'oxo lexe, “Angelo masua uxolu noxou mo xavutalaou muxo­vulaulau ane. Xo ma'ia ngalolomu noxou?”

1 Pita 2:23

Mo loxo tamitema mipupuiou la anu ukoline'i no anu vaikala axone uasi. Xe anu a utatavulenu navunavui ne la uvavaxa'a no anu mamulo uasi. Anu mupilipilixinu noxou anu ane so Tiasi e latilovo noxou ulapusi.