Ipilu 11:3 - Ata New Testament

³ Mo xo no anu lopalasi laso talamana lexe lialia ilou loxotolo muxali no anu vaikalaou Mosingesi. Mo talavu lexe mimi ane tasaxisou no pa'upa'umenge la muxali no anu ane tasaxisou no ienge uasi.

Ipilu 11:3 Referans Kwoze

2 Pita 3:5

Ivikala axone xo ane'i me'a ixavutala no anu mi vile aloxo 'o uasi. Tei manina la Mosinge muvikalasi ka loxotolo mupa xe no anu vaikalaou la lialia mukalipala no anu lexa mo muxali no anu lexa nesi.

Tioni 1:3

No anu vote'i e noxou Vaikalasi la mimi mukalusi muxali. Mi vile uxali no anu vote'i vilemo to uasi, mimi mukalusi muxali a noxousi.

Lomu 4:17

Xo loxo Mosinge vaikalaou mulemolu lexe, “Eni exalixene mami'a laili tavu'alo.” Laso maixene no anu iou Mosinge la anu maminge ane. Anu Apala'amu ne anu oponu mututu­luou vavalima noxou Mosinge. Xo mulavu lexe Mosingesi anu umomomo so uxalixu mauli no anu soli. Mo nenge loxo ta'oxo lexe mi vile uxolu uasi, la anu umomomo so ukoi ane.

Ta'aposeli 17:24

Mosinge anu ane mukoikoinu lialia ilou temanu ne anu anusisi Tatananu loxotolo ilou lialia. Anu a uxoxolu no tatani ane tamitema mi'oxonu uasi.

Mupala'a 4:11

“Nini Tatananexi mo nini Mosixe. Ninisisi nalaixe so tami­tema i'itinu ualasine mo ia'aloxu ilixo noxine laixe mo itoxu xavi noxine. Xo nini nekoinu mimi mukalusi, mo muxali no anu masaxa noxinemo.”

Ipilu 1:2

Ia vaimomo 'o no anu kaluxusou voxovoxo 'o, la Mosinge mupolonu vaikalaou noxou Olusi mo so uxali noxinge nenge'a. Olu ne musoso­vosou so upilixinu mimi mukalusi noxou. Mo noxou, la Mosinge muxalixu lialia mukalusi.

Ta'aposeli 14:15

“Ai tami­temao, loxova so nga'oxonu mi ane xo ne? Nexi 'o nexi tami­temasi, nenge nenge'a ienge vilesisi. Nexi noxou tene'e so taa'alomengixu vaikala laixesi mo so ngapilixinu ili'ilixo vuluvulusi aloxo nga'oxonu 'o. Ngapilixinu mo ngaxiungengi noxou Mosinge ane anusisi a uxoxolusi. Anu Mosinge ane mu'oxonu loxotolo ilou lialia xe luaki oli'a tatemanu.

1 Kolini 2:7

Xo lavulavu noxou Mosinge u'asi'asi ne, a mutalume tatei. Loxo tautau ie usoko uao la anu mulalaxinu vote'i so xoluxo­lunenge iaxusi lumamo. Mula­laxinu lumamo ia muxolu mutalumesi.

1 Timoti 4:5

Laso loxo ta'ou la nenge tavikala laixe noxou tei. Xo no anu vaikalaou muvikala lexe mimi mukalusi ne laixe no iousi.

Ipilu 6:5

Mo milomusou vaikalaou Mosinge tu'axu xe mimaisou sosovo so xavi noxou Mosinge ane upala'a no anu voxosou ili'i.