Ipilu 1:3 - Ata New Testament

³ Xe anu a upala'anixu iaxu Mosinge xo lamanaxu molu noxousi. Mo anu iou vilesisi loxo Mosinge u'isalili. Xe no anu xavi no anu vaikalaou la utetelisou mimi mukalusi so uxolu ulovosi. Ioxe, anu muxalixu vote'i so ukalusou tina'u so susu mo uxalixa'a tamitema tamalemalenga. Mu'oxonu xe mukalu la anu a utalupexa no anu avolu tema Kingi Tatila ane uxolu teitexi.

Ipilu 1:3 Referans Kwoze

Mupala'a 4:11

“Nini Tatananexi mo nini Mosixe. Ninisisi nalaixe so tami­tema i'itinu ualasine mo ia'aloxu ilixo noxine laixe mo itoxu xavi noxine. Xo nini nekoinu mimi mukalusi, mo muxali no anu masaxa noxinemo.”

Tioni 1:14

Anu Vaikala ne muxolu itema no anu vasimolu, mo mune'e muxolu no tainexi. La temaisou xoluxolu noxou lailaixe mo xaviou misevile la mupala'a lexe anu Olu e vilesisi anu molu noxou Mami­nge. Anu mosou iaiama ilou vaikala anu temanu manina.

2 Kolini 4:4

Xo ane'i ane ilopala uasi ne, mosou lialia 'o mutomunu xavutalai'a. Laso lamanaxu vaikala laixe so iaxu Kalaisiti ne isaxisou uasi. Kalaisiti anu pikisa so umaxa'u Mosinge noxinge ia ane'i, la itongonu uasi.

Ipilu 12:2

Tasaxi noxou Iesuasi xo anusi tava'u lopala na'a nenge mo anusi uxalixu nene'axu mi e talopalanu taxomaiou. Anu ne mutavulenu maila ia uxavutalanu uasi xe no ovu valautu la mu'italonu so musoli no anu xo oponu mu'oxoxu osa ane uxalisou ili'i 'o. Laso maixene anu a utalupexa no anu sia kingi noxou Mosinge no avolu tema.

Tioni 1:4

Anu ne a tava'u maulisi, mo mauli ne anu lamanasi'a tamitema.

Ipilu 10:12

Ia noxou Kalaisiti la alaxu vilesisisi mupilixinu mi vilesisi so lapesou susu. Mupilixinu mukalu la mutalupexa no anu Mosinge avolu tema.

Iuti 1:25

Mosinge anu mosou pamauli­singe xo muxalixu a noxou Iesua Kalaisiti anu Tatananenge. Laso nenge ta'itinu ualasou xo anusi iaxu mo anu kingi u'uli'uli mo xaviou ilou ualasou uua'ulixu mimi muka­lusi. Tei no anu voxovoxo la anu uxoxolu, xe uxoxolu vaimomo, xe uxoxolu ili'i kaluxu uasi. Vaikala ano'o maninasi. Anu anesi.

Ipilu 9:26

Xo axone la anu masi utavulenu tu'umaxu utotomu musoko'u no voxo loxo Mosinge mukoinu lialia xo mo muxali vaimomo 'o. Ia uasi, xo vaimomo 'o mi ne kaluxusou voxovoxo a mune'e alaisi 'oe la Kalaisiti muxali mupala'a. Muxali alaxu vilesisi so upilixinu mauli noxou mo so uxexenu susu.

1 Tioni 1:7

Anu a uxoxolu no anu lamanasi, laso loxo nenge tamua­mua'i no anu lamana anenesi la nenge nenge'a taxolu oponenge vilesisi, xe sialuxu Olu Iesua u'uinenge no anu susu mukalusi.

Ipilu 4:14

Ioxe, pilisiti tatila na'a nenge u'uli'uli avile ne mu'unalai no anu tasou Mosinge mukalu. Anu Iesua e Mosinge Olu. Laso lopala na'a nenge talemolu la tatetelisou pakia'u.

1 Tioni 3:5

Mo loxo ngelavu, Kalaisiti mune'e mupala'a so ukalusou susu xe noxou la anu susu vile uasi.

2 Pita 1:16

No voxo loxo tepela'inge lexe Tatananenge Iesua Kalaisiti une'e no anu xaviou tatila la tamulinu a'alo ane tamitema me'a ixalixu no anu lavulavu noxi'a to uasi. Xo nexi texolu mo temaisou xavinu lamanaxu so uxolu Mosinge no iexi lavo'onu 'osi.

1 Pita 3:22

Xe vaimomo 'o Kalaisiti ne a mu'u­nalai no tualasou Mosinge mukalu mo a uxoxolu no anu avolu tema noxou Mosinge. Mo ane'i ta'angelo xe ta'ulenu ane xavine'i xe tami ma'ia xavine'i musuku ixolu no laxu xaviou Kalaisiti.

1 Pita 1:21

Mu­su'ulingengi la ngingi a ngelopala noxou Mosinge e mutulusou Kalaisiti no anu soli kaio mulosou uala ane u'uli'uli. Laso maixene lopala noxinge utulu pumuxu noxou Mosinge mo ngingi a ngalopalanu ngaxomaiou mimi e muvavali­masou.

Ipilu 8:1

Ioxe, tava'u vaikalamenge mukalusi 'o aloxo 'o. Nenge pilisiti tatila axone a uxoxolu. Anu ane mutalupexa no avolu tema no anu sia noxou Kingi Tatila e no tualasou.

Maki 16:19

Ioxe, Tatananenge Iesua mupelototosi'a mukalu la anu mutelai muxali no tualasou Mosinge. Muxali, la mutalupexa no avolu Mosinge tema.

Mupala'a 3:21

Noxi'a tamitema ane iua'uli la alaixi'a so noxi'a tatalupexa no sia kingi noxilo. Iou vilesisi aloxo eni eua'uli mo a noxou Mamilo tatalupexa no anu sia kingi noxou.

Ipilu 7:27

Xo loxo tapilisiti tatiatila olele la voxovoxo utotomu ilavusou ine'enu mimi lexe noxou Mosinge so usu'asou susu noxi'amo xe susu noxi'a tamitema. Ia loxo noxou Iesua la susu uasi laso tava'u so u'oxo axone uasi. Anu molu mupilixinu mauli noxou so susu noxi'a tamitemasi, mo alaxu vilesisi.

Ta'aposeli 2:33

Mosinge mutulusou no anu soli ka mulaixu mo mutalupexasou no avolu tema so u'itinu. Mo mulosou Ulenu Laixe la munixi'u noxixe vaimomo 'o aloxo ngingi ngasaxisou mo ngalomusou.

Tioni 1:29

Xe no voxo loxo nei'ela la Tioni mumaisou Iesua a umuamua'i une'e noxou la Tioni muvikala lexe, “Ngamalei, anene Sipisipi Ilie noxou Mosinge ane! Anu mosou e so uxexenu susu noxi'a tatemanu lialia.

Kolosi 3:1

Ioxe, Mosinge mutulusou Kalaisiti no anu soli la ngingi ngoli'a ngetulu ne. Laso opongengi u'oxoxu mimi ane so teiteximo. Xo teitexi ne, Kalaisiti a utalupexa no anu sia kingi noxou no anu Mosinge avolu tema.

Lomu 8:34

Laso ena'ei uto'omenge lexe tina'unenge so susu uxolusio? Uasi manina. Xo Kalaisiti Iesua musoli mo mutulu ne. Mo vaimomo 'o a utalupexa no anu Mosinge avolu tema so uvalanenge noxou lexe mukolinu tina'u so susu noxinge mukalu.

Ta'aposeli 7:56

La Sitiveni muvikala aloxo 'o, “Ai, ngamalei. Eni amaisou loxotolo mukisi. Mo Itema ane molu noxou Mosinge a ututulu no anu Mosinge avolu tema.”

Lomu 1:16

Eni amama'u so alanu vaikala laixe ne uasi. Xo anene vote'i so xavi noxou Mosinge so upamau­line'i tamitema ane'i ane ilopalanu. Anene vote'i so Taiuta xe tamitema noale'ale kalumo ixalisou pamau­lisi.

Ipilu 9:16

Xo aloxo 'o. Loxo itema uxavutala no anu mimiou lexe ena'ei so uxalisou loxo usoli la ukaukavunu lapepasou a loxo konitalaki. Ia temanu lapepa ne uxali no anu soli noxousi.

Matiu 22:24

“Tisa, lavuloto vile Mosisi mulemolu aloxo 'o, 'Loxo itema vile upala uasi ia usoli la vimou utaula'ixe ou ne mo ukolinu vimou e musoli ne so uxalixu olu noxie.'

Taitusi 2:14

Anu mu'italonu maulixu so mulotonu lakolisou ili'ilixo noxinge mukalusi ane muxolaxola'u lo noxou Mosinge. Xe mu'ulosinge so texali tamitemaou malemalenga mu'isa­lili. Laso maixene oponenge utata­ma so ta'oxonu ili'ilixo ane laixesi.

Ipilu 1:13

Mo aloxo 'ola. Tatei la Mosinge muvikalanu Olu lexe, “Nini natalupexa no anu avolo tema xo mo eni amaluxa'a tauluameni no laxene so namaloxo'a no anu tava'ine.” Anu ulemolu mi ne noxi'a ta'angelou? Uasi to!

2 Pita 1:17

No voxo ne Mosinge anu Maminge muxolu no anu iaxu xoluxoluxu no tualasou la muvikala laixesou ilixou Kalaisiti mo mu'itinu ualasou lexe, “Ano'o alixeli ane asexelaxu, eni a'osasou misevile.”