Ipilu 1:2 - Ata New Testament

² Ia vaimomo 'o no anu kaluxusou voxovoxo 'o, la Mosinge mupolonu vaikalaou noxou Olusi mo so uxali noxinge nenge'a. Olu ne musoso­vosou so upilixinu mimi mukalusi noxou. Mo noxou, la Mosinge muxalixu lialia mukalusi.

Ipilu 1:2 Referans Kwoze

1 Kolini 8:6

Ia nenge talavu lexe Mosinge vilesisi. Anu Maminge xo anu tava'u mimi mukalusi mo xoluxolu noxinge 'o a noxousi. Xe Tatananenge vilesisi e Iesua Kalaisitisi. Mo anu kalumo tava'u mimi mukalusi mo tava'u xoluxolu noxinge.

Tioni 1:3

No anu vote'i e noxou Vaikalasi la mimi mukalusi muxali. Mi vile uxali no anu vote'i vilemo to uasi, mimi mukalusi muxali a noxousi.

Tioni 1:14

Anu Vaikala ne muxolu itema no anu vasimolu, mo mune'e muxolu no tainexi. La temaisou xoluxolu noxou lailaixe mo xaviou misevile la mupala'a lexe anu Olu e vilesisi anu molu noxou Mami­nge. Anu mosou iaiama ilou vaikala anu temanu manina.

1 Pita 1:20

Tei manina loxo Mosinge ukoinu lialia uao la musovosou Kalaisiti lumamo no anu xaixai ane so ulotongengi ngalivu noxou. Laso vaimomo 'o no anu kaluxusou voxovoxo 'o la anu mupala'a so usu'ulingengi.

Matiu 28:18

Xe Iesua mune'e alai noxi'a la muvikalane'i lexe, “Mosinge mulosilo xavi so a'uli laxunu mimi mukalusi no lialia xe no tualasou.

Tioni 13:3

La Iesua mulavu lexe Maminge mupilixinu mimi mukalusi no avolu so u'uli laxunu. Mo mulavu lexe anu molu noxou Mosinge mune'e xe anu a so ulivu noxou Mosinge.

Matiu 17:5

La Pita a uvikalasio sila sauma vile muvalukeasi musuasi'a. Laso xoli vile molu no sauma ne muvikala lexe, “Ano'o alixeli ane asexalaxu, eni a'osasou misevile. Ngingi ngalomuxu.”

Ipilu 11:3

Mo xo no anu lopalasi laso talamana lexe lialia ilou loxotolo muxali no anu vaikalaou Mosingesi. Mo talavu lexe mimi ane tasaxisou no pa'upa'umenge la muxali no anu ane tasaxisou no ienge uasi.

Lomu 8:17

Ioxe vaimomo 'o nenge taxolu Mosinge ta'olu. Laso ili'i la nenge taxalisou mimi lailaixe. Xo mi ma'ia so anu ulosou Kalaisiti la anu ulosinge kalumo. Vaimomo 'o nenge tatavulenu tu'umaxu a loxo anu a utavulenu. Ia ili'i la nenge noxou taxolu no anu xoluxolu iaxusi.

Tioni 3:16

Xo Mosinge musexelaxa'a tatemanu lialia misevile, laso anu mupilixinu Olu e soxu vilesisi. Mupilixinu mo so ane'i ta'ei ilopala noxou la imamulo uasi, ixalisou mauli kaluxu uasi.

Matiu 26:63

Ia Iesua muxolu tasiausi. Laso tatila noxi'a tapilisiti muvikalanu lexe, “Io, eni atali'isine no anu ualasou Mosinge umamauli mo nini navikala maninasi. Nini ane so Kalaisiti? Nini Mosinge Olu, ne?”

Matiu 21:38

Xe olu mulai ia loxo tamitema so isaxila'u xai mimaisou la mivikalane'i ngato'o lexe, 'Ano'o ne mosou xai olu a. Ili'i la anu uxalisou mimiou momu mukalusi. Laso nenge tavau aliku 'o usoli mo so nenge menge tamosou xai ano'o.'

Ipilu 5:8

Xo manina anu Mosinge Olu. Ia mutavulenu navunavu axone laso lavulavu so umulinu masaxa noxou Momu ne a mupala'a noxou avile.

Epesusi 1:10

Ia nene'axu mi ne uxali loloni uao. Xo anu umasaxau lexe voxosou u'isalili uxalii, laso mimi mukalusi upita la kisou vilesisi noxou Kalaisiti. Anu molu u'uli laxunu mimi ane uxolu teitexi xe no lialia mukalusi.

Ipilu 7:3

Itema ne Mosinge vaikalaou upela'ingexu uasi laso anu loxo momu uasi xe nenu uasi xe nanasou uasi. Anu tava'u uasi mo kaluxusou uasi. Maulixu muxali a loxo noxou Mosinge Olu xo anu uxoxolu no anu tanixu pilisiti ane kaluxu uasi.

Ipilu 2:3

Anene tatei, ia vaimomo 'o vote'i so pamauli lailaixe a mupala'a. Laso loxo tataxanu uasi mo ta'oxo lexe mi vitanisi la tamaxalexu la'ia noxou Mosinge axova? Xo Tatananenge molu mupala'anixu tei xe ane'i ta'ei milomuxui laso mipela'ingexu ili'i.

Ipilu 1:5

Xo tatei la Mosinge muvikalanu lexe, “Nini na'alixeli, vaimomo 'o eni so amamine a.” Xe muvikalasou kalumo lexe, “Eni axolu amomu xe anu uxolu alixeli ane.” Ia axova, vaikala anene mulemolu so si'a ta'angelo? Uasi to!

Epesusi 3:9

Xo tatei Mosinge e mukoinu mimi mukalusi ne, mulalaxinu oponu so lexe u'oxonu mi vile ili'io. Mulalaxinu oponu axone ia mutalumeusi. Mutalumeu ia vaimomo 'o mulosilo xaixai so apala'anixu mi ne avile.

Xalesia 4:4

Ia loxo voxo e Mosinge musosovosou u'isalili muxalii laso ane, mupalusou Olu. La sema vile mivo'onu kaio muxolu no laxu lo.

Ta'aposeli 10:36

Ngingi ngelavu no anu vaikala laixe noxou Mosinge anu mulosixe nexi Ta'isilaeli. Vaikala laixe ne aloxo 'o. Iesua Kalaisiti anu Tatananenge mukalusi. Xo anu anusisi vote'i so nenge taxolu lalavulusi.

Tioni 15:15

Loxo itema e so silevi la mi ma'ia tilasou u'oxonu la upalasi noxou uasisi. Laso maixene eni amoxo'inge lexe tasilevi la uasi, amoxo'inge lexe tamenexilosi xo mimi mukalusi ane elomusou noxou Mamilo la epalasinoxu noxinge mukalu.

Iuti 1:18

Ane'i mipela'inge lexe, “No anu kaluxusou voxo la tami­tema so imolo suku ixali la ixiunu tumali'aou masaxa noxou Mosinge kaio imulinu masaxa masua noxi'amo.”

Lomu 1:4

Mo anu Mosinge Olu manina kalumo xo Ulenu Laixe mupela'ingexu no anu xavi noxou. Mupela'ingexu no anu vote'i e so mutulusou mu'umenu Iesua Kalaisiti anu Tatananenge no anu soli.

Ta'aposeli 2:17

'Mosinge muvikala aloxo 'o, Alai no anu voxo so lialia ukalu la eni akalanu Uleleli uxali noxinge tamitema. La ta'ilinge tamulu xe tasema ipela'axu vaikalaxeli. Xe tamaulumengi xe tatiatilamengi iai isaxi.

Tioni 17:2

Xo nepilixinu xavi noxou so u'uli laxune'i tatemanu lialia mukalusi. Mo so noxi'a tamitema mukalusi e nepilixine'i so lexe tanoxou, la anu ulosi'a mauli kaluxu uasi.

Tioni 16:15

Mimi muka­lusi noxou Mamilo ne eni na'a xeli kalumo. Laso maixene evikala lexe anu Ulenu Laixe uno'u vaikala noxilo kaio upala'anixu noxinge.”

Maki 12:6

Mupalupalusi'a xo mole kaluxusi'a soxu vilesisi a muxolu. Kaluxusi'a ne olusi, e musexelaxu misevile. Mosou xai muxavutala no oponu lexe, 'Apalu­sou alixeli soxu 'o xo ane'i ilomuxu ane.'

Maki 1:1

Ano'o soko'u no anu vaikala laixe so Iesua Kalaisiti anu Mosinge Olu.

2 Pita 3:3

Ia mi vile mutiatila so ngalamana no anu aloxo 'o. No anu kaluxusou voxovoxo tamitema so imolo suku ixali mo imulinu masaxa masua no opone'isi. Ane'i imolo suku aloxo 'o.

Ipilu 1:8

Ia no anu Mosinge vaikalaou la muvikalasou Olu aloxo 'o, “Mosinge, nini naxolu no anu tanixene so kingi ne ulai ulai kaluxu uasi. Mo napamuxane'i tamitemameni no anu vote'i mulapusi.

Ipilu 9:26

Xo axone la anu masi utavulenu tu'umaxu utotomu musoko'u no voxo loxo Mosinge mukoinu lialia xo mo muxali vaimomo 'o. Ia uasi, xo vaimomo 'o mi ne kaluxusou voxovoxo a mune'e alaisi 'oe la Kalaisiti muxali mupala'a. Muxali alaxu vilesisi so upilixinu mauli noxou mo so uxexenu susu.

Tioni 3:25

Tioni muxolu ukelenixa'a tami­tema la no voxo ne tati­saipeliou oli'a Iuta vile mi­pelesou anaxa'a no anu vote'isou tamitema ixali tamalemalenga.

Matiu 3:17

Sila xoli vile molu no loxotolo mulu'e lexe, “Ano'o eni alixeli asexelaxu ane. Eni a'osasou misevile.”

Matiu 13:39

Xe itema uluaou ane mupeinu laxalasi masua sesenu no xai ne a Mosinge Uluaou. Xe voxo so mi'elesou uiti lingamo ne a kaluxusou lialia. Xe tamitema so mi'elesou ne a ta'angelo talaixe 'osi.

Maki 12:7

Ioxe, olu mulai xe tamitema so isaxila'u xai mimaisou la mivikalane'i ngato'o lexe, 'Ano'o ne mosou xai olu. Ili'i la anu uxalisou mimiou momu mukalusi. Laso nenge tavau aliku 'o usoli mo so nenge menge tamosou xai ano'o.'

Tioni 1:10

Ioxe, laso anu ane ualasou lexe Vaikala a muxolu 'o no lialia e muxali noxou ne, ia tatemanu lialia itongonu to uasi.

Tioni 5:26

Xo Maminge anu tava'u mauli xe mulosou Olu tanixu anenesi so anu kalumo uxolu tava'u mauli.

Tioni 5:27

Anu ne Itema ane molu noxou Mosinge, laso Maminge mulosou xavi no anu tanixu e so utilovosou kaio ukolinu susu noxi'a tamitema.

Tioni 9:29

Nexi telavu lexe Mosinge mupilixinu vaikalaou a noxou Mosisi, ia itema anene molu a ne'ei? Nexi talavusou to uasi.”

1 Kolini 2:7

Xo lavulavu noxou Mosinge u'asi'asi ne, a mutalume tatei. Loxo tautau ie usoko uao la anu mulalaxinu vote'i so xoluxo­lunenge iaxusi lumamo. Mula­laxinu lumamo ia muxolu mutalumesi.

Ipilu 3:6

Ia noxou Kalaisiti la anu Mosinge Olu mo loxo Mosinge mutulusou so u'uli laxunu tasou la anu mu'oxonu lailaixe manina. Tasou ma'ia ne? A nenge ta'ei loxo oponenge utulu pakia'u no anu mi e ananenge ulemolu lexe talopa­lanu. Xe mi ane ta'oxo lexe talo­palanu taxomaiou la oponenge pumuxu no anusi.

Ipilu 4:14

Ioxe, pilisiti tatila na'a nenge u'uli'uli avile ne mu'unalai no anu tasou Mosinge mukalu. Anu Iesua e Mosinge Olu. Laso lopala na'a nenge talemolu la tatetelisou pakia'u.

Ipilu 7:28

Aloxo 'o. No anu lo la musosovosi'a tapilisiti tatiatila ane tamitemasi, laso pelesi'asi. Ia vaikala so vavalima Mosinge mulemolu muxali ili'i no anu lo mo anu usosovosou itema vitanisi uasi. Anu mutulusou Mosinge Olu ane uxoxolu laixe loloni kaluxusou uasi.

Tioni 13:32

Mo loxo Mosinge ualasou utila no anu mi ma'ia Itema ne u'oxonu, la anu u'itinu ualasou Itema ne kalumo no anu mi ma'ia Mosinge molu u'oxonu. La alala'e se'osi Mosinge a so u'itinu ualasou Itema ne.