2 Timoti 4:2 - Ata New Testament

² Xavineni so navotovo­tosou Mosinge vaikalaou. Mamu so nakalipalanu voxo se'i lexe taimusou u'isalili xe voxo se'i lexe taimusou uasi. Naxolu nalalaxi so nalanu no anu voxovoxo mukalusi. La nale­molu vaikala ane so uto'o­molu opone'i tamitema so susu noxi'a mo ane so uxiunu opone'i. Naxolu oponeni se'isisi manina noxi'a so napelototosi'a mo na'isali­linoxu Mosinge vaikalaou noxi'a.

2 Timoti 4:2 Referans Kwoze

1 Tesalonaika 5:14

Mo tavivixe, nexi tamasaxau ta'uvutinixinge aloxo 'o. Ta'ei noxinge ane loxo ipolo va'axu la ngalovonixi'a. Xe ane'i ane opone'i kalaua sevile la ngamamatolane'i. Xe ane'i loxo mamalaxa'a no anu lopala la nga'oxonu pakia'a. Xe noxi'a tavivinge mukalusi la opongengi tu'umaxu noxi'a palea uasi, nga'oxonu se'isisi noxi'a.

Taitusi 2:15

Laso utotomo nalemolu mimi ano'o noxi'a tamitema. Napeloto­tosi'a xe loxo se'i ipolo va'axu la nalovonixi'a no anu xavisi. Masi oponeni lexe ilomuxene uasi, ia mamu so namama'u, navikalasi.

1 Timoti 4:13

No anu pita noxinge ne la nga'itisou vaikala no anu lavukuou Mosinge mo ngavotovoto mo ngapelototo. Eni ane'e noxinge ia ngatalo no anu mimi anene uasi, nga'oxonu xo mo axali noxinge.

Mupala'a 3:19

Loxo eni asexe­laxa'a ta'ei la alosi'a tu'umaxu so alovonixi'a. Laso xavingengi so ngaxiunu opongengi so susu noxinge mo nga'isalilinoxu.

Taitusi 1:13

Vaikala ano'o manina. Laso napelototosi'a Mosinge ta'olu pakia'u mo so lopala noxi'a utulu pumuxusi.

2 Timoti 2:21

Ioxe, loxo itema u'uinu no anu ili'ilixo masua ane telemolu mukalu 'oe, la anu uxolu loxo lisi ane ikalipalanu so xaixai laixesi. Uxolu ulalaxi so Mosou uno'u ka upamuxanu no anu xaixai aneva laixe mukalusi.

Xalesia 6:6

Mo aloxo 'o, itema e uxoxolu so uno'u lavulavu no anu Mosinge vaikalaou la uveluvelunu mimiou laixe noxou tisaou ne.

Lomu 12:12

Ngaxolu opongengi ulu'e mo ngalopalanu voxo so osa'ila ili'i. Xe loxo tu'umaxu uxali la ngatulu pakia'ingesi. Mo opongengi ututu­lusi so ngavikala noxou Mosinge.

2 Timoti 3:10

Ia nini la nemulileli no anu vote'isou epela'axu Mosinge vaikalaou noxi'a tamitema xe no anu ili'ilixoleli xe no anu mi ane taleli u'oxoxu so a'oxonu. Mo neutitiieli no anu lopala ilou sexela noxilo xe no anu vote'i so opoleli pakia'uou xaixai mo loxo tu'umaxu uxali la atavulenusi.

1 Timoti 5:20

Ngalo­muxu xe loxo manina la ngalemolu susu noxou mo ngavikalanu pakia'u no ie'i tamitema. Mo so axone la ane'i Mosinge ta'olu latala imama'u no anu susu kalumo.

Kolosi 1:25

La Mosinge molu mutulusilo so axaxaisou pita noxou. Mutulusilo so asu'uli­ngengi xo anu xaixai noxilo so alanu vaikala noxou loloni.

Lomu 10:15

Ia laixe, xo Mosinge upalupalusi'a se'i so ivotovoto. Loxo ulemolu no anu vaikalaou, “Tamitema i'osasi'a ane'i ane ine'enu Vaikala e so mimi lailaixe.”

Ta'aposeli 20:7

Texolu xo xe no anu voxo tei la tepita noxi'a talopala so tavelunu pileti. La Polu muvotovoto noxi'a tamitema xo voxo loxo ne'iela la anu so ulai. Muvotovoto muvoto­voto xo la muxali no olovoxo lixinu.

Ta'aposeli 16:13

Texolu xe no Voxo so Ma'ila la tela no aitengaxu vimelusou tuala mo telai no lexa pa'umolu. Telai ne xo tekamulinu tanixu e Taiuta ipita so ivikala noxou Mosinge. Texali ne la tasema se'i mixolu mipita ne laso nexi tesoko'u so tavikala noxi'a.

Luku 9:60

“Ia Iesua muvikanu lexe, “Tamitema ane misoli mukalu la me'a i'asixa'a tamenexi'a isoisoli. Ia loxo nini la naxixao no tuatuala so navikala lamana no anu voxo ane Mosinge molu u'uli laxune'i tamitemaou.”

Luku 7:4

Ioxe, ane'i milutu xo xe mixali noxou Iesua la milinga mo mitama noxou lexe, “Itema tila ne anu ilixo noxou laixe umomo so nasu'ulinu.

1 Tesalonaika 5:20

Mo ngata­xanu vaikala so pela'a mukalusi.

Luku 7:23

La anu laixe noxou itema aneva ulopalaleli mo usasalo uasi.”

2 Timoti 2:25

Mo ane'i tamitema so xilili la uxaxaisi'a se'isisi so ulovonixu xavutalai'a. Xo axone la Mosinge masi uxalixu vote'i so ixiunu mo i'isalilinoxu opone'i so susu noxi'a kaio vaikala manina upalasi noxi'a.

Ipilu 13:22

Ioxe, atama noxinge lexe ngalomuxu pelototo no anu lapasi ekaukavunu 'o xo alapunu veveni malaxo uasi.

Ta'aposeli 28:16

Ioxe, texali ne Lomui, la tatiatila noxi'a Talomu imulaxu Polu no tasou lakalavusu uasi, anu muxolu no tani vitanisi xe ami vile mutuluxu ne.

Ta'aposeli 13:5

Ilou mixali no ailani Saipilasi la mi'unalai no tuala vile ne Salamisi. Ilou milai no tasou lavuloto noxi'a Taiuta so mia'aloxu vaikala laixe noxou Mosinge. La itema e ualasou lexe Tioni Maki ne anu oli'a so musu'uline'i no anu xaixai noxi'a.

Kolosi 4:3

La ngapilixinexi noxou Mosinge kalumo mo so anu ukisinu vote'isixe la talanu vaikalasou Kalaisiti. Vaikala ne mutalume tatei la vaimomo 'o a mupala'a 'o. Ia leviani ixililiou laso maixene akalavususou 'o.

1 Tesalonaika 1:6

Ioxe, texolu xe ngekasou vaikalaou lexe manina sila ngetavulenu tu'utu'umaxusou tavu'alo ne. Ngetavulenu tu'uma­xusou ia Ulenu Laixe mu'avutinoxu osa no opongengi. Laso ngingi ngeuanenexe noxi'a Tatananenge.