2 Timoti 3:2 - Ata New Testament

² Xo no voxo ne la tamitema me'a imasaxai'amo xe opone'i u'oxoxu lamolisi xe i'itine'i no anu vaivaikalai'a xe itoxa'a xe ipupui. Ane'i ilomuxa'a tamami'a taneni'a uasi xe loxo tamitema isu'uline'i axova la ilemolu laixesou uasi xe imatapianu mimi ane Mosinge u'osasou.

2 Timoti 3:2 Referans Kwoze

Pilipai 2:21

Io ane'i leviani la opone'i ututuluou mimi noxi'amo, ixavutalanu mimi noxou Iesua Kalaisiti so ixaxaisou uasi.

Iuti 1:16

Ane'i to ne tamosou kalapu xe mi ma'ia uxalisi'a la imunumunuxa'a tamenexi'a no anu. Mo masaxa masua no anu vasime'a loxo uxali la imulinusi. Ane'i ivikala vuluvulusi so i'itine'i xe loxo imasaxau mi ma'ia noxi'a tamitema la ilavusou ito'omolu kusine'ixu tosi.

2 Timoti 3:4

Mo aloxo 'ola. Loxo vaimomo 'o ivaitami noxou evile la masi ne'iela ixiunu tumali'aou. Ane'i ipalea ilai no anu xavutala vuluvulusimo xe ikalavoi lexe ane'i tatiatila manina. La imasaxau xalo u'ela no anu osa vitanisi, ia Mosinge, la isexelaxu to uasi.

1 Timoti 6:10

Masaxa so taxalisou lamoli ne anu tava'u susu tavu'alo to! Xo se'i opone'i ututuluou lamolisi ia no anu vote'i anene la ixiunu tumali'aou lopala na'a nenge. Ixiunu tumali'aou laso xoluxoluxa'a masua xo opone'i uto'oto'ome'asi.

2 Pita 2:18

Ane'i tamitema ne i'itine'i kaio anaxa'a ulexa no anu vaikala vuluvulusi. Xe ane'i ta'ei ane a isoko'u so ilala se no anu xoluxoluxa'a tamitema so isivoxo la tatisa kalavoi ne ipalea ilapune'i i'una imomomoxu masamasaxa nuni'u no vasime'ala.

Tiemisi 4:6

Ia Mosinge uiaiamasinge mise­vile. Laso maixene vaikalaou uvikala lexe, “Mosinge uxililiie'i tamitema ane i'itine'i. Ia noxi'a tamitema ane ilu'ene'i la uiaiama noxi'a.”

Kolosi 3:5

Laso ngavau masamasaxa no anu vasimenge so lialia usoli. Mimi loxo ilaixu vasime'a vitanisi xe ili'ilixo nuni'u xe opone'i u'ela xe opone'i usoliou susu xe isu'isu. Xo no anu isu'isu ne, oponenge ututuluou mi vile xo mole uxali loxo mosinge kalavoi.

1 Pita 5:5

La ngingi tamaulu kalumo, ngalu'engengi noxi'a tamitema so isaxila'inge ne. Mo ngingi muka­lusi ngalu'engengi so nga'oxonu xaixai noxinge ngato'o. Aloxo Mosinge vaikalaou ulemolu lexe, “Noxi'a tamitema ane me'a i'itine'i la Mosinge uxililiie'i ia noxi'a ane'i ane ilu'ene'i la uiaiama noxi'asi.”

1 Timoti 6:4

Tamitema ane xo ne ane'i itoxa'a mo xavutalai'a ulamana no anu mi vile uasi. Opone'i ututulu no anu talitali'i mo vaikala kitukitu, ia so ino'u lavulavu no anu uasi. Ilemolemolu xo i'osasou tu'umaxu mo oto no anu vaikalasi. I'oxo axone laso anu uxalixu isuisu mo la'ia mo vaikala masumasua mo xavutala masuai'a no opone'i ngato'o.

Luku 12:15

La Iesua muvikalane'i tamitema ne aloxo 'o, “Ngalaxa'i laixe so ngamaxalexu isu'isu iouiou. Xo itema vile masi mimiou ulolotusi ia maulixu temanu uxali no anu anene uasi.”

Mupala'a 16:11

Ane'i mitavulenu navunavu mo vasime'a xalevi kolesi ia ixiunu opone'i so ilixo masua noxi'a uasi. Mixolu milemolu vaikala masua so mipu­puiou ualasou Mosinge e uxolu no tualasou lailaixe.

2 Pita 2:12

Xo ane'i tamitema to ne xavu­tali'a uasi aloxo tamisoposi no lialia xo masaxa ma'ia no anu vasime'a la imulinusi. Mi ma'ia tamitema ne ilavusou uasi la ivikala masuaou vitanisi. Xe noxi'a tamisoposi la ixaxali so tatetelisi'a ka tave'a isoisolisi. La anu axonesi, tami­tema ne tava'u vile uasi, ixolu xo laso ixalisou mamulo aloxo tamiso­posi nesi.

2 Pita 2:3

Mo ane'i tamitema ne iisuxu mimimengi laso ito'omolu kusingengi mole itaxusousi. Ia tatei la Mosinge mulalaxinu mamulo so ukolinu susu noxi'a mo anu a uloloxa'a, anu uai uasi.

Tiemisi 4:16

Ia aloxo 'o la ngingi nga'itingengi mo ngatongenge no anu mimi lailaixe ane lexe nga'oxonu. Vaikala so ngatongenge vitanisi axone masua manina.

2 Tesalonaika 2:4

Upala'a ukalu la uxililiou mimi mukalusi ane tamitema i'oxo lexe momosi'a. Uxililiou mo u'itinu lexe anu uno'u tanitanixu mimi ne so tamitema ilotu noxoumo. Mukalu la utalu­pexa no anu tasou Mosinge mo uvikala lexe anu Mosinge ane.

Lomu 11:18

La ngingi tamitema noale'ale ne, ngingi loxo olivi samele avolu ane Mosinge motoxosinge no anu olivi tava'u. Laso mamu so ngingi nga'itingengi lexe ngingi talaixe noxi'a avo'avolu se'i no ovu noxou Mosinge ne. Xo anu ovu tava'u ne uno'u lemexu noxinge uasi. Ngingi ngano'u leme no anu tava'u.

Mupala'a 16:21

Mo kalumo uali loxo aisi mulapalapau mulu'e. La aisi vilevilesi ne tu'umaxu e tu'umaxu, mumomomo no anu 50 kilo. Aisi mulapalapau no loxotolo mulu'e xe mutuvusi'a tamitema la mitavulenu navuna­vusou mu'oki e mu'oki avile. Laso ane'i mivikala masuaou ualasou Mosinge so mupalusou tu'umaxu ne.

Tiemisi 2:8

Mo aloxo 'ola. No anu lavukuou Mosinge la mulemolu lavuloto ane mu'uli'uli aloxo 'o, “Ngingi ngasexelaxa'a tamenexinge aloxo ngingi menge ngasexelangenge ne.” Laso loxo ngingi ngamulinu la nge'oxo laixe ane.

1 Timoti 3:3

Mo aloxo 'o kalumo. Anu itema so usipaki uasi. Xe anu itema so la'iaxu palea uasi, uxolu oponu lexa noxi'a tamenexu mo uxalixu tu'utu'umaxu uasi. Xe anu itema so oponu ututulu no anu lamoli uasi.

1 Timoti 1:20

Xo Imeniusi ilou Alekisana mi'oxo axone. Laso eni epilixine'i ilou noxou Uluaou so upamuxane'i no anu masaxa noxou. Mo so loxo itavulenu navunavu no anu xoluxoluxa'a la masi ino'u lavulavu lexe i'oxonu masua no anu ualasou Mosinge mamu.

Ta'aposeli 5:36

Xo mala'o la itema e Teutasi mu'itinu lexe anu itema tila. La tamitema tavu'alo sevile loxo 400 mipita noxou so loxo anu tatilasi'a. Ia mune'e la tamitema mivau musoli. Mivau musoli laso tami­tema ane mipita noxou mipaxelele mo mi ne tasiaxu vitanisi.

Luku 16:14

Ioxe, ane'i Tapalisi ne ane'i tamitema so i'osasou lamoli misevile. Laso loxo milomusou Iesua muvikala axone la ane'i mimolo sukusou.

Mupala'a 16:9

La aso ialuxu mu'oki e mu'oki mo muxutu lala'a tamitema ia ixiunu opone'i mo so i'itinu ualasou Mosinge uasi. Ane'i milemolu vaikala masua so mipu­puiou ualasou xo mimi tu'utu'u­maxu ne muxali no anu xavi noxousi.

Mupala'a 13:1

Ioxe, emalei la emaisou mi vova vile mupa no luaki. Anu kisou 7 xe komonu 10. La ati aini loxo noxi'a takingi 10 mumomoxu komokonu. Xe no kisokisou la ualauala. Ualauala ne so anu ulu'enu Mosinge ualasou mo uxililiou no anu.

2 Kolini 5:15

Anu musolisinge mukalusi mo so nenge ta'ei texalisou mauli la ta'apisou lexe mauli na'a nengemo uasi. Tapili­xinu so lexe anu noxou anu ane musoli ka mutulu no taninenge.

Matiu 15:6

Mo no anu anene la ngatanuxu vote'i so tamitema itaxa­ne'i tamami'a tane­ni'a to! Laso ane, ngingi ngalu'enu vaika­laou Mosinge so nga'itinu lavuloto e ngingi menge ngexali­xumo.

Luku 6:35

Ia ngingi nga'oxo aloxo 'o. Ngasexelaxa'a taulua­mengi mo nga'oxonu alauna noxi'asi. Mo loxo tamitema ixalixu tina'u noxinge la mi vile uasi, ngalosi'a mi ma'ia imasaxau io opongengi ututuluou lakolisou uasi. Xo ngingi ngaxalisou lakolisou lailaixe ili'i ane. Mo ngaxolu Anu U'uli'uli ta'olu xo anu ilixo noxou alaunasi noxi'a tamitema tamasua ane ivikala laixe so su'uli noxou uasi.

1 Timoti 1:9

Tava'u ne aloxo 'o. Nenge talavu lexe Mosinge muxalixu lo so si'a tamitema tamalemalenga uasi. Anu muxalixu so si'a tamitema so ilixo masumasua mo xililisi. Tamitema anene imama'u noxou Mosinge uasi, opone'i utulu no anu sususi. Lo noxou Mosinge ne si'a tami­tema ane ilixo mo vaikalai'a nunu'iusi mo ane'i ane ive'a tamami'a taneni'a xe tamitema isoisoli.

2 Pita 2:10

La no anu ane so ukolinu susu, la u'oki noxi'a tami­tema e ilavusou ipilipilixinu vasi­me'a so imomoxu masaxa noxi'a nuni'u. Xe tamitema ane xo ne imatapianu xavi noxou Tatana­nenge so u'uli laxune'i. Ane'i tatisa kalavoi e ixali no taingengi to ne, ane'i tamitema so oxopai mo i'itine'i so imulinu masaxa noxi'amo. La ane'i imama'u uasi, ilemolu vaikala so pupuiaxi noxi'a ta'angelo e xavixavine'i musuku so tualasou Mosinge.