2 Timoti 1:7 - Ata New Testament

⁷ Xo nelavu, Mosinge mulosinge Ulenu la anu so u'oxonu oponenge kalaua uasi. Anu Ulenu so ulosinge xavi mo sexela xe usu'ulinenge so tapamuxanu xoluxolunenge laixe.

2 Timoti 1:7 Referans Kwoze

Lomu 8:15

Xo Mosinge ulosinge Ulenu so ukalavusunenge no anu umela uasi. Anu mulosinge Ulenu so muxalinenge ta'olu. Mo anu usu'ulinenge so takatu noxou Mosinge lexe, “Papao”.

1 Tioni 4:18

Xo ume u'avuti no anu ma'ia? A so oponenge kalauaou lako­lisou susu. Laso loxo ume uxolu noxou itema la anu upalasi lexe sexela uxali ulomotele noxou uasi ane. Io loxo sexela uxolu manina la ume uila no anu uasisi, xo loxo sexela uxali ulomotele no oponu itema la uxexenu ume avile.

Xalesia 5:22

Ia nene'axu xaixai noxou Ulenu no anu xoluxolunenge aloxo 'o. Ilixo so sexela mo osa mo xoluxolu lalavulusi. Xe anu upamuxanenge so tapalea no anu la'ia uasi mo ta'oxonu alauna ilou ilixo laixe noxi'a leviani. Xe ilopalanenge no anu xaixai ma'ia la ta'oxonu ulovosi.

Tioni 14:27

Eni loxo a'italongengi la apili­xinu xoluxolu lalavulusi noxinge. Apilixinu la anene xoluxolu lalavulusi noxilomo, anu kaini ane loxo tatemanu lialia i'oxe ilosinge 'o uasisi. Laso ngapili­xingengi so tangengi uavuavuti mo kalaua mamu.

Luku 10:19

Ngalomu, eni epilixinu xavi noxinge mukalu. Laso ngingi ngamomomo so ngataxapalisi'a tasineke tamasua xe tatanga la ivila'isinge uasi. Mo elosinge xavi so ngaua'ulixu xavi noxou Ulua­mengi la mi vile u'oxongengi masua uasi.

Ta'aposeli 1:8

Ia ili'i no voxo Ulenu Laixe uxali noxinge la ngingi ngano'u xavi so ngaa'a­loxo noxi'a tamitema. Ngaa'aloxo ne Ielusalemo mo no xale lia ne Iutea mo ne Samalia mo ulai avile no xale tuatuala ukalusi.”

Lomu 5:5

Xo lopala noxinge anu umomomo so ulapau vitanisi uasi, nene'axu uxali ane. Xo Mosinge mulosinge Ulenu Laixe mukalu. Mo no anu vote'i anenesi munixi'u sexela noxou no opo­nenge.

Ipilu 2:15

Xe ume no anu soli musakine'i tamitema no anu xoluxoluxa'a avile. Ia Iesua musoli kalumo so u'umene'i no anu mo so ume ne upamuxane'ila uasi.

Ta'aposeli 20:24

Ia eni opoleli lexe maulixo anu utiatila uasi, xo loxo tamitema ivelo la anu mi vitanisi. Eni a'oxonu latilovo aloxo 'o. Eni loxo alesisi, mo opoleli ututulu lexe axali avile no anu lamakisi. Lesisi ne, anu latilovosou xaixai noxou Mosinge. Mo eni opoleli ututulu lexe asivitanoxu xaixai ane Tatana­nenge mupilixinu noxilo e so alanu vaikala laixe so iaiama noxou Mosinge.

1 Kolini 2:4

Xe evotovoto la atovonu so axiunu opongengi no anu vaikalaxeli lailaixe o no anu lavulavu noxilosi uasi. Evotovo­tosi, sila Ulenu Laixe molu mupa­lasinoxu vaikala ne noxinge no anu xavi noxousi.

Luku 24:49

Mo ngalomu. Anu ane Mamilo muvavalimasou la eni a so apalusou une'e noxinge. Laso ngingi ngaxolu no taoni 'o xo mo xavi ane molu teitexi une'e usu'asinge.

Ta'aposeli 10:38

Ngingi ngelavu lexe Mosinge musosovosou Iesua so Nasaleti. Musosovosou no anu mi ne Ulenu Laixe muxolu noxou mo mulosou xavi. Mo anu muxixao so u'oxone'i tamitema laixe mo upamauline'i tamitema ane Uluaou mukasi'a. Anu mumaxa'u axone lexe Mosinge a muxolu noxou.

1 Pita 1:22

Ioxe, ngingi ngelomuxu vaikala ane temanu manina la no anu vote'i anene nge'uingengi ngexali tamalemalenga no iou Mosinge. Xe ngingi a ngasexelaxa'a tavi­vinge Mosinge ta'olu, laso xavingengiou so ngasexelangenge no opongengi manina.

Ta'aposeli 21:13

Ia anu muvikala lexe, “Loxova so ngatatama mo nga'oxonu opoleli tu'umaxu aloxo 'o? Anu mi vile uasi loxo ane'i isakileli. Mo loxo asoli ne Ielusalemo xe soli noxilo u'itinu ualasou Iesua la anu mi vile uasi. Axone la eni a'osasi, opoleli mulalaxisi.”

Kolosi 1:8

Anu mua'alo­mexi no anu sexela noxinge e Ulenu mu'avutinoxu no taingengi.

Ta'aposeli 6:8

Ioxe, Mosinge mu'oxonu iaiama noxou Sitiveni mo mulosou xavi so u'oxonu sosovo so xavi tiatila iouiou no taine'i tamitema.

Ta'aposeli 9:22

Ia Tatananenge mulosou xavi, mo mulemolu vaikala tu'umaxu noxi'a Taiuta so tuala Tamasikusi ne. Mupala'anixu lexe Iesua anu ane so Kalaisiti. Mupala'anixu axone mo vaikalaou tu'umaxu laso ane'i imomomo so ikoli uasi.

Luku 8:35

A'alosou mulailai xe tamitema mine'ene'e so lexe imalei. Mine'e­ne'e xe mixali noxou Iesua la mimaisou itema e ta'angelo tama­sua tapiena mixexesou ne a muxo­xolu no tava'u Iesua. Mimaisou la anu uxovulaulau loxo tei la uasi, xavutalaou mulamana mo anu a musakinu lavalava. Tamitema mimaisou aloxo ne la mimama'u manina.

Ta'aposeli 26:25

La Polu mukolinu lexe, “Uasi to! Tatilasixe laixe Vesitusi, eni axovulaulau uasi. Vaikalaxeli 'o manina mo avikala no anu xavutala mulapusi.

Luku 15:17

Sila xavutalaou mulamana la mu'oxo lexe, 'Ai tauokuvoiou mamilo olele ne la'ilali umomomo so ikalusou masaxa noxi'a avile. Ia eni 'o la axolu asolixo la masi akalu avile 'oe.

Ta'aposeli 26:11

Mo alaxu tavu'alo eni e'una'unalai no anu tatasou lavuloto so ekamuline'i talopala. Ekamuline'i xe exalisi'a la epilixine'i noxi'a tatiatila so ixalisou tu'umaxu. Mo ekamulinu vote'i so tamitemaou Iesua ivikala masuasou ualasou. Mo eni opoleli sixulai'a axone la ekakamuline'i no tuatuala nopaxapaxa kalumo.”