2 Timoti 1:6 - Ata New Testament

⁶ Laso eni amasaxau a'avutinixine no anu mi laixe e Mosinge mupilixinu noxinge no voxo loxo emulaxu avolo noxine tatei. Mupilixinu noxinge la aloxo navusi, laso nini natautauxu so uka alavuala.

2 Timoti 1:6 Referans Kwoze

1 Timoti 4:14

Xe loxo nini Timoti, Ulenu molu mulosine lavulavu so xaixai noxine ne laso kalakalaxene uasi. Mulosine mala'o loxo milemolu vaikala so pela'a so xoluxolu noxine mo tamitema so saxila'u mimulaxu avo'a no kisine.

1 Tesalonaika 5:19

Mo aloxo 'o. Loxo Ulenu upala­sinoxu mi ma'ia noxinge la ngaxililiou mamu.

2 Pita 3:1

Laso tavivilo ane asexelangenge, ano'o lapasixeli tameisou akauka­vunu ulai noxinge so u'avutini­xinge mo ulivunoxu xavutalamengi so uxolu ulapusi.

2 Timoti 4:2

Xavineni so navotovo­tosou Mosinge vaikalaou. Mamu so nakalipalanu voxo se'i lexe taimusou u'isalili xe voxo se'i lexe taimusou uasi. Naxolu nalalaxi so nalanu no anu voxovoxo mukalusi. La nale­molu vaikala ane so uto'o­molu opone'i tamitema so susu noxi'a mo ane so uxiunu opone'i. Naxolu oponeni se'isisi manina noxi'a so napelototosi'a mo na'isali­linoxu Mosinge vaikalaou noxi'a.

2 Pita 1:12

Xo manina, vaikala anu temanu manina ano'o ngelavusou mo a ngetulu pumungenge no anu mukalu. Ia amasaxau lexe tange­ngivulusiou uasi laso maixene utotomu alalaxinu vaikala so alivunoxu xavutalamengi no anu.

Ta'aposeli 19:6

Mi'oxo axone xe Polu mumulaxu avolu no kisi'a la Ulenu Laixe mune'e muxolu noxi'a. La ane'i mivikala no anu vaikala iouiou mo mipela'axu Mosinge vaikalaou.

2 Timoti 2:14

Ioxe, utotomu nalivunoxu xavu­talai'a Mosinge ta'olu no anu vaikala ano'o mo napelototosi'a pakia'u no iou Mosinge lexe mamu so ipelesou anaxa'aou laxu vaikala kitukitu. Xo ilixo axone uxalixu nene'axu to uasi, anu umasuane'i tamitema ane ixolu ilomusousi ane.

1 Timoti 4:6

Laso naxolu napela'a tavivinge ne so mimi elemolu 'o. Xo axone la nini namitema so xaixai laixe noxou Kalaisiti Iesua ane. La naxolu na'ani'ani no anu vaikala so lopala na'a nenge mo taneniou lavulavu pumuxu ane a namulinu ne so nano'u xavi no anu.

Luku 19:13

Ioxe, anu so ulutu la mu'avali'a tauokuvoiou 10 la mulosi'a 20 kina vilevilesi. Mo muvikalane'i lexe, “Ngingi ngaxa­xaisou lamoli ano'o so ngaxalixu nene'axu xo mo eni alivu axali noxinge 'o.”

Iuti 1:5

Mi se'i aloxo 'o ngelavusou mukalu ia alemolu so tange­ngioula. Tatei Tatananenge mupa­mauline'i mo mu'umene'i Ta'isilaeli no xale lia ne Isipi, xe ili'i la mumamulone'i ane'i tanoxi'a ane ilopalanu uasi.

Ipilu 6:2

Mo kalumo mi loxo lavuloto so ili'ilixo no anu ulo'ulo mo ane so tamulaxu avonge xe vaivaikalasou voxo so tatulu tamauli no anu soli mo voxo so tamitema ixalisou nene'axu ilixo noxi'a kaluxu uasi ne, mimi axone ta'oso'oso no anu uasi.

Ta'aposeli 6:6

Ane'i miilone'i mukalu la mine'ene'i noxi'a ta'aposeli 12. Mine'ene'i laso ta'aposeli mimulaxu avo'a no anu kisi'a tamulu 7 ne so isosovosi'a. Misosovosi'a mo milingau su'uli noxou Mosinge so xaixai noxi'a.