2 Timoti 1:5 - Ata New Testament

⁵ Xe eni taleliou lopala maninasou ane uxolu noxine ne. No anu lopala nesi la mutalupexa tei noxie xasine Loisi xe nenine Iunisi. Mo eni alavu manina no opoleli lexe anu a uxolu noxine kalumo.

2 Timoti 1:5 Referans Kwoze

1 Timoti 1:5

Ia loxo votovoto noxinge la anu tava'u aloxo 'o. Tava'u e so u'avutinoxu sexela no opone'i tamitema. Isexela axone xo opone'i malemalenga mo tane'i uai laixe mo lopala noxi'a maninasou.

Ta'aposeli 16:1

Ioxe, Polu ilou Sailasi milutu xo la mixali no tuala ne Tevi mo milai avile ne Lisitila. Xe no tuala ne la lopala vile a muxoxolu, ualasou lexe Timoti. Anu ne sema Iuta vile ilie xe momu so Kiliki. Nenu ne lopala vile kalumo.

1 Timoti 4:6

Laso naxolu napela'a tavivinge ne so mimi elemolu 'o. Xo axone la nini namitema so xaixai laixe noxou Kalaisiti Iesua ane. La naxolu na'ani'ani no anu vaikala so lopala na'a nenge mo taneniou lavulavu pumuxu ane a namulinu ne so nano'u xavi no anu.

2 Timoti 3:15

Mo tatei mi ne molomoloxenesio la nesoko'u so nalavulavu no anu lavuku so Mosinge vaikalaou mu'isalili. Lavu­ku ne xavinu so mulosine lavulavu u'asi'asi ane mulosoienixu vote'i so nalopala noxou Kalaisiti Iesua ka nexalisou pamauli noxou.

Lomu 15:14

Ioxe tavivilo, eni alavu manina lexe ngingi utotomu nga'oxonu ilixo laixe mo lavulavumengi mise­vile no anu vaikalaou Mosinge. Lavulavumengi misevile laso ngingi ngamomomo so ngapelo­totosinge ngato'o.

Ipilu 6:9

Tamaula, nexi telemolu vaikala ialuxu ano'o la masi muto'omenge. Ia nexi talopala lexe mi axone uxali noxinge uasi, xo no oponexi taxamulinu lexe nene'axu pamauli manina uxali no anu xoluxo­lungenge ne.

2 Timoti 1:12

Laso maixene atavulenu navunavusou 'o ia amailamulinu uasi. Xo anu ane alolopalanu la elavusou ilixou, mo elavu manina no opoleli lexe anu umomomo so uutululunu vaikalaou e mupilixinu noxilo 'o. Uutululunu uxolu laixe xo mo uxali no anu voxosou olele.

2 Kolini 6:6

Xe ilixomexi la no anu malemalenga mo lavulavusi. Mo tapalea so la'ianexe uasi, ta'oxonu alauna noxi'a tamitemasi. Ulenu Laixesi upamu­xanexi laso tasexelaxa'a no oponexi manina, takalavoi no anu uasi.

Lomu 8:38

Xo eni emaisou mo alavu manina lexe Mosinge usexelanenge misevile. Laso mi vile umomomo so utanuxu mi ne uasisi manina. Mi loxo soli o mauli o ta'angelo talaixe o tamasua o mi ane uxolu vaimomo 'o o mi so uxali ili'i o tami se'i loxo xavine'i o mi ane teitexi o mi ane no lia o mi ane no pa'upa'umenge 'o, mimi anene umomomo so ukalipalanenge no anu sexela noxou Mosinge uasi. Sexela noxou ne, tava'u ane Kalaisiti Iesua anu Tatananenge.

Lomu 4:21

Xo anu oponu mutulu lexe Mosinge xavinu so u'oxonu mi ane muvavalimasou ne.

Ipilu 11:13

Ioxe, tamitema ano'o mukalusi milopala noxou Mosinge umo­momo avile no anu soli noxi'a. Ane'i ixoxolusio la ixalisou nene'axu vavalima noxou Mosinge uao. Anu loxo mitulu mo misu'anu ie'iou mimi lailaixe ne a uxolu nopaxasio ia opone'i muleilaxu. Mo ane'i imama'u uasi so ivikala lamana lexe ane'i mutuxu tuala ano'o uasi, ane'i loxo taasila no lialiasi.

Lomu 14:14

Xo Tatananenge Iesua mulamananixu xavutalaxeli lexe ani'ani vile nuni'u no iou Mosinge uasi. Ia loxo tamitema se'i opone'i lexe ani'ani vile nuni'u la ane'i isusu loxo i'ou ane.

Lomu 14:5

Ioxe, mo vile aloxo 'ola. Ngingi se'i la opongengi ututuluou voxo se'i. Ngingi nga'itinu voxo loxo Voxo so Ma'ila o voxo so lavilelu lexe uua'ulixu voxo se'i. Ia ngingi se'i la opongengi lexe voxo mukalusi ne iou vilesisi. Ngingi vilevilesi ngailounu vote'isinge no anu mi anene. Mo ngatulu pakia'inge, opongengi uvaxa une'e uasi.

Ta'aposeli 26:26

Kingi Axilipa 'o anu mulamana no anu mimi ane elemolu, laso eni amomomo so avikala noxou. Eni elavu lexe mimi e'aloxu ne anu mulomusou mo mumaisou. Xo mimi ne anu utalume uasi muxali no taine'i tamitema latala.

Tioni 1:47

Xe Iesua mumaisou Natanieli unene'e mo a so uxali noxoui, la muvikalasou lexe, “Ngamalei, itema e unene'e 'o anu so Isilaeli kena, noxou la kalavoi sevile uasisi!”

1 Pita 1:22

Ioxe, ngingi ngelomuxu vaikala ane temanu manina la no anu vote'i anene nge'uingengi ngexali tamalemalenga no iou Mosinge. Xe ngingi a ngasexelaxa'a tavi­vinge Mosinge ta'olu, laso xavingengiou so ngasexelangenge no opongengi manina.