2 Timoti 1:3 - Ata New Testament

³ Eni alemolu laixe noxou Mosinge xo taleli uai laixe no iou so a'oxonu xaixai noxou aloxo ta'ilusuleli mi'oxonu tatei. Xe no anu vaivaikala ane alemolu noxou kakau olovoxo la utotomu axavuta­laneni so apilixineni kalumo.

2 Timoti 1:3 Referans Kwoze

Ipilu 13:8

Ilixo noxou Iesua Kalaisiti anu iou vilesisi tatei xe vaimomo 'o, la anu uxolu axonesi kaluxusou uasi.

Ta'aposeli 23:1

Ioxe, Polu mutulu no laxune'i tatiatila noxi'a Taiuta la iou mumatakisi'a. Mo muvikala aloxo 'o, “Ai tavivilo, eni taleli uai laixe no iou Mosinge uasi. xo emulinu vaikala noxou Mosinge tatei mo mune'e muxali vaimomo 'o.”

Ta'aposeli 24:14

Xe aloxo 'o. Ane'i ivikala lexe eni vile noxi'a ane'i e i'itinu Mosinge ualasou no vote'i nexi mexe texalixu. Manina lexe a'itinu no anu Vote'i alavua, ia Vote'i ne, anu molu mulosinge. Eni alavusou a'itinu Mosinge e Mosi'a ta'ilusu­nexi. Eni opoleli vilesisi no anu lo noxou Mosinge mo vaikalai'a tapolopeti.

1 Timoti 1:19

Natete­lisou lopala noxine ne mo taneni uai laixe xo nalavu lexe susu noxine muiasi mukalu. Xo se'i milopala aloxone ia mune'e la mixiunu tumali'aoula. La no anu lopala noxi'a ne la mimamulo aloxo lasipi umamulo no lipi.

1 Timoti 1:5

Ia loxo votovoto noxinge la anu tava'u aloxo 'o. Tava'u e so u'avutinoxu sexela no opone'i tamitema. Isexela axone xo opone'i malemalenga mo tane'i uai laixe mo lopala noxi'a maninasou.

Ta'aposeli 24:16

Laso utotomu opoleli ututulu pakia'u lexe a'oxonu mi vile so amaila no ie'i tamitema o no iou Mosinge uasi.”

Ta'aposeli 22:3

“Eni Iuta 'o. Atie mivo'oleli no tuala ne Tasusi e no xale lia ne Silisia. Ia eni ene'e ne Ielusalemo 'o mi ne molomoloxomo. La exolu esikulu noxou Xamalieli. Mo eno'u lavulavu laixe noxou so lavuloto noxi'a tatiatilasinge. Mo opoleli mutulu noxou Mosinge a loxo ngingi o'osi.

2 Timoti 3:15

Mo tatei mi ne molomoloxenesio la nesoko'u so nalavulavu no anu lavuku so Mosinge vaikalaou mu'isalili. Lavu­ku ne xavinu so mulosine lavulavu u'asi'asi ane mulosoienixu vote'i so nalopala noxou Kalaisiti Iesua ka nexalisou pamauli noxou.

2 Timoti 1:5

Xe eni taleliou lopala maninasou ane uxolu noxine ne. No anu lopala nesi la mutalupexa tei noxie xasine Loisi xe nenine Iunisi. Mo eni alavu manina no opoleli lexe anu a uxolu noxine kalumo.

1 Tesalonaika 3:10

La kakau olovoxo tama no oponexi noxou Mosinge lexe tamaisou iengela. Mo so nenge'a taxolu xe loxo lopala noxinge no anu ngiou vile mamalaxu sevile la ta'oxonu pakia'inge no anu.

Epesusi 1:16

Laso utotomu eni avikala laixe noxou Mosinge so vaikalasinge ne elomusou. Xe loxo avikala noxou Mosinge la alavusou alingau su'ulisinge.

Xalesia 1:14

La opoleli mututuluou mo mu'oxoxu ili'ilixo noxi'a tatiatila noxixe Taiuta so lexe amulinusi. La no anu vote'i anene eni e'uli noxi'a tamaulu Taiuta ane lasililinexe vilesisi.

2 Kolini 1:12

Ioxe, ilixoleli laixe vile a'osa so alemolu noxinge aloxo 'o. Eni taleli uai se'isisi xo mi ma'ia e'oxonu no taine'i tamitema la mulapusi mo mulamana. Ia eni melo eno'u lavulavusou mi ne no anu lialia 'o uasi, Mosinge molu muiaiamaxeli so muxalixu noxilo. La mua­mua'ixo no anu anenesi no taine'i tamitema xe no taingengi la anu axone u'isalili.

Lomu 9:1

Ioxe, eni axolu noxou Kalaisiti, mo avikala manina no anu mi 'o. Ngalomu laixe xo Ulenu Laixe mulavusou opoleli lexe akalavoi uasi.

Ta'aposeli 27:23

Eni amitemaou Mosinge mo eni alavusou a'itinu ualasou. Vaimomo 'o no olovoxo la angelou mutulu no pa'umelo mo muvikala lexe,

Ta'aposeli 26:4

Ane'i Taiuta tavu'alo milavusilo laixe. Xo no mi ne Atie mivo'oleli no tualasixe la eni exolu no taine'i. Xe ili'i ene'e exolu ne Ielusalemo la ane'i milavusou xoluxolu noxilo.

Luku 2:37

Mukalu la anu musoli ia ane mixolusi xo mo tau iexe muxali 84 'o. La Ana ne mixoxolu no tasou Mosinge, ilai noalela uasi. Mixolu opone mutuluou mimi noxou Mosingesi la utotomu i'apixe no anu la'ilali mo mivivikala noxou Mosinge.

1 Timoti 5:5

Loxo sema vile mulue musoli xe ta'ilie so isu'uline uasi la ane ixoxolu ilopala noxou Mosingesi. Ilopala, la ivikala mo ilingau su'ulisie noxou Mosinge kakau olovoxo.