2 Timoti 1:12 - Ata New Testament

¹² Laso maixene atavulenu navunavusou 'o ia amailamulinu uasi. Xo anu ane alolopalanu la elavusou ilixou, mo elavu manina no opoleli lexe anu umomomo so uutululunu vaikalaou e mupilixinu noxilo 'o. Uutululunu uxolu laixe xo mo uxali no anu voxosou olele.

2 Timoti 1:12 Referans Kwoze

2 Timoti 1:8

Ioxe, laso namaila so nalanu vaikalasou Tatananenge mamu. Xe eni amitema so lakalavusu xo noxou a, ia mamu so namaila­mulileli. Nini nano'u xavi noxou Mosinge so napita noxilo mo natavulenu tu'umaxusou vaikala laixe kalumo.

Iuti 1:24

Ioxe, Mosingesi umomomo so ulaxa'ingengi mo so ngatulaki ngalapau uasi. Mo anusi umo­momo so uxalixinge no anu tanixu iaxu no tualasou. Xe loxo ngatulu no iou ne la no anu osa'ilasi xo susu vile noxinge so usaxisou uasisi.

1 Pita 4:19

Laso ane, loxo tu'umaxu ane ulovou masaxa noxou Mosinge uxalisi'a se'i, la ipilixinu mauli noxi'a no avolusi. Xo anu molu mukoine'i mo anu laixe so ilopalanu xo anu u'oxone'i laixesi.

2 Timoti 4:8

La palaisi na'a xeli so itema uuini no anu lesisi a mulalaxi muai mukalu xo Mosinge mumoxo'ilo lexe eni alapu no iou. Xe Tatananenge e mosou tilovo mulapusi, la ulosilo palaisi ne no anu voxo olele. Ia enisi uasi, anu ulosi'a ane'i mukalusi ane opone'i u'oxoxu voxo so pala'axu kalumo.

Ipilu 7:25

Anu uxolu axone laso ta'ei ipolo noxou so ilai noxou Mosinge la anu upamauline'i. Upamauline'i la mi ne utalo uasi xo anu a uxoxolu uvalaxa'a noxou Mosinge kaluxu­sou uasi.

1 Timoti 6:20

Uo, Timotio, mi ane Mosinge mupilixinu noxine la nalaxa'inu laixe. Naxolu va'axu no anu vaikala vuluvulusi so lialia. Mo tamitema ane'i i'oxo lexe ane'i takeleva la ane'i i'oxonu vaikala anu uxililiou Mosinge vaikalaou, ia nalomuxa'a mamu.

Lomu 1:16

Eni amama'u so alanu vaikala laixe ne uasi. Xo anene vote'i so xavi noxou Mosinge so upamau­line'i tamitema ane'i ane ilopalanu. Anene vote'i so Taiuta xe tamitema noale'ale kalumo ixalisou pamau­lisi.

Matiu 24:36

Mo musolonu aloxo 'ola, “Ia evile ulavusou voxo o aso iou so mimi anene uxali uasi. Ta'angelo talaixe no tualasou Mosinge ilavu uasi kalumo. Mo eni a Olu kalumo alavusou uasi. A Mosinge anu Mamingesi ulavusou.

1 Pita 1:5

Ngingi ngelopala laso Mosinge u'oxonu latolosinge no anu xaviousi xo mo upalasinoxu pamaulisinge avile no anu kaluxu­sou voxo.

2 Timoti 1:18

Laso maixene alinga noxou Tatananenge lexe anu u'oxonu alaunasou no anu voxo olele. Mo ngingi kalumo ngelavu laixe no anu xaixai tatila ane mu'oxonu ne Epesusi so musu'ulileli.

Pilipai 3:21

No anu xavi noxousi la umulaxu mimi muka­lusi no laxu so u'uli laxunu. La no anu xavi anenesi uxiunu vasi­menge pelepelesou 'o uxali iou vilesisi loxo anu vasimolu lailaixe mo iaxu.

2 Timoti 2:9

Alalanu la anenesi tava'u so tamitema ilosilo tu'utu'umaxu. Ilosilo tu'u­tu'uma­xusou mole mikalavusuleli aloxo eni alasikelisi. Ia mi vile uasi, xo imomomo so ikalavusunu vaika­laou Mosinge uasisi.

Pilipai 3:10

La mi ane opoleli u'oxoxu a so alavusou Kalaisiti mo a'una no anu xavi e mutulusou no anu soli. Amasaxau so apita no anu tu'utu'umaxu e mutavulenu xe taleli uxali iou vilesisi noxou loxo musoli.

Pilipai 3:8

La anenesi uasi, loxo noxilo la mimi no lialia mukalusi anu mi so usu'asi. Xo eni atongonu lavulavusou Kalaisiti Iesua anu Tatanaleli lexe mi lailaixe mo uua'ulixu mimi ne mukalusi avile. Xo noxou Kalaisitisi, la esu'anu mimi ne mukalusi aloxo moso­moso 'osi mo so ateteli noxoumo.

1 Kolini 3:13

Itulusou ia ili'i xaixai noxi'a vilevilesi upala'a no voxo loxo Tatananenge utilovo­sou. Utilo­vosou aloxo 'o. No voxo anene la anu uvaxanu navu no anu xaixai noxinge vilevilesi mukalusi so loxo navu u'ou aneva. Mo so no vote'i so navu ne la utilovosou lexe xaixai noxinge aneva manina o kalavoi.

Tioni 17:15

A eni alinga lexe nini naxexene'i no anu lialia avile uasi, ia mi e alingausi'a ane so nalaxa'ine'i noxou mosou susu olele.

Matiu 12:21

La ane'i tamitema noale'ale ilopalanu ualasou mo ixomaiou.”

Lomu 9:33

Xo no lavukuou Mosinge la anu uvikala aloxo 'o, “Ngingi ngalomu. Eni esosovosou lavo'o vile so tasilo ne Saioni. Lavo'o ne tamitema itulaki no anu mo opone'i uxililiou. Ia ane'i ane ilopala noxou la itavulenu mailasou uasi.”

1 Pita 4:16

Ia loxo itema utavulenu tu'umaxu xo anu itemaou Kalaisiti la anu mi so umailamulinu uasi ane. Anu laixe so u'osasou ualasou Kalaisiti e utavulenu ne mo u'itinu Mosinge no anusi.

Ipilu 12:2

Tasaxi noxou Iesuasi xo anusi tava'u lopala na'a nenge mo anusi uxalixu nene'axu mi e talopalanu taxomaiou. Anu ne mutavulenu maila ia uxavutalanu uasi xe no ovu valautu la mu'italonu so musoli no anu xo oponu mu'oxoxu osa ane uxalisou ili'i 'o. Laso maixene anu a utalupexa no anu sia kingi noxou Mosinge no avolu tema.

Ipilu 2:18

Xe aloxo 'ola. Loxo tovotovo uxalisi'a ne la anu umomomo so usu'uline'i xo anu kalumo muxa­mulinu navunavu no anu tovo­tovo.

1 Tesalonaika 2:16

Ane'i itanutanunexe so talanu vaikala so pamauli noxi'a tamitema noale'ale uasi. Ane'i me'a isu'anu la'oluxu susu noxi'a la anu loxo uana'ana avile. Laso la'ia noxou Mosinge mumomomo mo mulalaxisi.

Pilipai 1:20

Mo mi ane alopalanu xe opoleli u'oxoxu aloxo 'o. A'oxonu mi vile so atavulenu maila no anu uasi. Mo loxo amauli o asoli la amama'u uasi. Mi ma'ia a'oxonu no anu vasimelo vaimomo 'o mo ili'i avile la so a'itinu ualasou Kalaisiti no anusi.

Ta'aposeli 21:13

Ia anu muvikala lexe, “Loxova so ngatatama mo nga'oxonu opoleli tu'umaxu aloxo 'o? Anu mi vile uasi loxo ane'i isakileli. Mo loxo asoli ne Ielusalemo xe soli noxilo u'itinu ualasou Iesua la anu mi vile uasi. Axone la eni a'osasi, opoleli mulalaxisi.”

Ta'aposeli 13:50

Ia Taiuta se'i mi'avutinoxu opone'i tasema Taiuta tatiatila ane opone'i mututulu no anu ili'ilixo so lavuloto noxou Mosinge. Xe mi'avutinoxu tatiatila no tuala ne kalumo. Mi'avutinoxu opone'i tami­tema axone laso ane'i misoko'u so ivikalasi'a Polu ilou Vanavasi masua. Mivikalasi'a masua xo xe mukalu la mikusai'a no xale lia noxi'a ne.

Ta'aposeli 13:46

La Polu ilou Vanavasi mivikala pakia'u noxi'a tatiatila ne aloxo 'o, “Anu masaxa noxou Mosinge so nexi tapala'anixu vaikala laixe ano'o noxinge ngingi Taiuta tei. Ia ngingi a ngaxiunu tumalinge no anu vaikala ano'o mo ngingi menge ngemaxa'u lexe xoluxolu kaluxu uasi 'o la opongengi uxililousi. Laso ngingi ngalomu, vaimomo 'o nexi noxou taa'alomengila uasi. Nexi tapala'anixu vaikala laixe ano'o noxi'a tamitema noale'alesi.

Ta'aposeli 9:16

La eni alosoiou lexe ua'aloxo axone mo utavulenu tu'umaxu xe navuna­vusou.”

Ta'aposeli 7:59

Ane'i a ivavau Sitiveni, la anu muvikala lexe, “Tatanaleli Iesua, uleleli a so ulai noxine.”

Tioni 6:44

Loxo itema anu molu la vote'i so une'e noxilo uasi. Ia loxo Mamilo e mupalusilo ene'e 'o ulapunu itema vile une'e noxilo laso ane, anu vote'i so une'esi. Xe loxo une'e la atulusou umauli no anu kaluxusou voxo.

Luku 23:46

Xe Iesua mu'ava tatila lexe, “Papao eni apilixinu uleleli no avone.” Sila tauxu mukalu so musoli.

1 Tesalonaika 5:4

Ia ngingi tavivixe, ngingi tamitema so isivoxo uasi. Laso loxo voxo ne uxali la ngingi ngakulukemolu loxo itema ukulu­kemolu itema so pakali uasi.

Luku 10:12

Ngingi ngavika­lane'i tatemanu taoni axone ia eni avikalangengi lamana aloxo 'o. No anu voxo so Mosinge ukolinu susu olele la tu'umaxu ane uxalisi'a tatemanu taoni ne la uua'ulixu anene so uxalisi'a Tasotomu.”

Matiu 7:22

Laso no voxo olele la tamitema latala ivikalaleli lexe, 'Tatananexi, Tata­nanexi. Nexi e te'oxonu xaixai so pela'a no anu ualasine a. Xe no anu ualasinesi tekusai'a ta'angelo tamasua mo te'oxonu sosovo so xavi a no anu ualasine nesi.”

1 Kolini 1:8

Anu molu utetelisinge pakia'u umomomo no anu kaluxu­sou voxosinge. Xo no anu voxo so lailivu noxou la itema vile umomomo so uto'omenge uasi. Ngingi ngaxolu tamalemalenga noxou ane.

2 Timoti 1:14

Laso mi lailaixe e Mosinge mupilixinu so nasaxila'u ne, la Ulenu Laixe e uxolu noxinge usu'ulineni so na'oxo latolosou.

2 Timoti 1:16

Ia loxo noxou Onesivolusi, la eni alinga noxou Tatananenge lexe anu u'oxonu alauna noxi'a oli'a tatemanu tasou. Xo alaxu tavu'alo anu Onesivolusi ne mune'e mu'oxonu taleli muai laixe mo anu umailamulileli so akalavusu 'o uasi.

Taitusi 3:8

Vaikala ano'o manina e maninasi. Laso loxo nalemolu la amasaxau lexe xavineniou. Mo so axone la tamitema ane ilopalanu Mosinge la ilaxa'i laixe so i'oxonu ilixo laixesi. Xo axone la ane'i latala ino'u su'uli laixe no anu.