2 Timoti 1:10 - Ata New Testament

¹⁰ Vaimomo 'o, Itema so Pamauli noxinge e Kalaisiti Iesua a mupa­la'a mukalu, laso no anu vote'i anene iaiama noxou Mosinge mupalasisi. Kalasiti Iesua mukalu­sou xavinu soli xe no anu vaikala laixe noxou la mulamananixu vote'i so tamitema ixalisou mauli manina mo xoluxolu kaluxu uasi.

2 Timoti 1:10 Referans Kwoze

1 Tioni 1:2

Xo Mauli ne mupala'a xe temaisou laso nexi taa'aloxu noxinge. Nexi tapala'anixu Mauli e soko'u mo kaluxu uasi ne xo muxolu noxou Maminge no tuala­sou kaio mune'e mupala'a noxixe 'o.

Lomu 16:26

Mupala'a avile xo vaikalai'a tapolopeti no anu Mosinge vaikalaou muxali lamana noxi'a tamitema no xale tuatuala. Mi ne muxali loxo Mosinge Kaluxu Uasi mulemolu. Xo tamitema mixali lamana laso milopala mo mi'oxonu ilixo ane anu u'osasou.

2 Pita 3:18

Ngingi ngexalisou iaiama noxou Iesua Kalaisiti anu Tatananenge xe mosou pamaulisinge mo ngingi a ngelavusou, ia amasaxau lexe iaiama mo lavulavu ne uleme noxingesi. Nenge ta'itinu ualasou vaimomo 'o xe voxo ili'i ulai ulai kaluxu uasi. Vaikala ano'o mani­nasi. Anu anesi.

Taitusi 2:11

Xo aloxo 'o. Iaiama noxou Mosinge mupala'a mukalu mo anu vote'isou pamauli noxi'a tamitema mukalusi.

1 Kolini 15:26

Umamulone'i tauluaou axone la ukalusou soli kalumo xo nenge tasolila uasi.

Lomu 2:7

La tamitema se'i ne, opone'i ututuluou ilixo laixe. Xo ane'i opone'i utatamasou vote'i so xoluxolu laixe no tualasou Mosinge. Xe imasaxau lexe anu uvikalasi'a laixe mo uvikala lexe isolila uasi. Laso tamitema axone la anu ulosi'a mauli kaluxu uasi.

2 Timoti 1:1

Eni Polu a. Eni aposeliou Kalaisiti Iesua xo no anu masaxa noxou Mosinge. Anu musosovosilo axone so apela'a tamitema no anu vavalimasou mauli e uxoxolu noxou Kalaisiti Iesua so ixalisou.

Epesusi 1:9

Xo aloxo 'o. Tatei la anu umasaxa so u'oxonenge laixe. Mumasaxa axone laso anu mupa­lusou Kalaisiti mune'e noxinge. Anu mune'e laso masaxa laixe noxou singe ne a mupala'a ne.

Tioni 14:6

La Iesua mukolinu lexe, “Eni enisisi vote'i mo tava'u vaikala manina mo tava'u mauli. Eni enisisi vote'i so tamitema ilai noxou Mosinge anu Maminge. Vote'i vilela so ipolo no anu uasi.

Mupala'a 22:17

La Ulenu olie Sipsipi Ilie semau mivikala aloxo 'o, “Nane'e 'o.” Xe ta'ei loxo ilomuxu vaikala ano'o la ane'i kalumo ivikala lexe, “Nane'e 'o.” Laso ena'ei usolixu lexa la une'esi. Une'e uie no anu lexa so mauli xo anu lapesou uasi.

Mupala'a 22:14

Ioxe, ane'i ane mi'uinu lavu­lutii'a la i'osa'ilasi xo ane'i imomomo so i'ani no anu ovu so mauli. Mo ane'i imomomo so i'unalai no anu aitengaxu taoni, evile u'apixa'a uasi.

Mupala'a 18:1

Ioxe, mukalu la emaisou angelo vilela molu no tualasou Mosinge mulu'e. Anu xaviou musuku mo iaxu mutalosou lialia.

Mupala'a 2:7

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita. Noxi'a tamitema ane so iua'uli, la apilixine'i so i'ani no anu ovu so mauli ane uxolu no xai noxou Mosinge no tualasou.”

2 Pita 3:2

Eni emasaxau lexe tangengiou vaikala e tapolo­petiou Mosinge milemolu tatei so lexe mi ma'ia uxali. Xe so ngaxavutalanu votovoto malema­lenga noxou Tatananenge anu Itema so Pamauli e ngelomusou noxi'a ta'aposeli ane mine'e noxinge.

2 Pita 2:20

Xo tamitema imuline'i ne a mino'u lavulavu noxou Iesua Kalaisiti anu Tatananenge e mosou pamauli mo a mi'umene'i no anu ilixo nuni'u so lialia 'o. Ia loxo ilivuou mo i'amo no anu xe uua'ulixa'ae la xoluxoluxa'a uma­sua avile mole uua'ulixu ane tei loxo ixiunu ilixone'i uao.

2 Pita 1:11

Mo axone la ngalavu lexe aitenga u'alixaisinge avile so nga'unalai ngaxolu no voxo loxo Iesua Kalaisiti anu Tatananenge mo anu Itema so Pamaulisinge u'uli laxune'i tamitemaou kaluxu uasi.

2 Pita 1:3

No anu xaviou Kalaisiti so uxolu Mosinge la muitimenge mimi mukalusi so taxolu muamua'inenge no anu ili'ilixou Mosinge u'isalili. Mu'itimenge axova? A no anu vote'i e so molu mupala'anixu noxinge so talavusou. Mupala'a­nixu noxinge xe temaisou lexe anu xoluxoluxu iaxu mo lailaixe mu'u­li'uli, la anene vote'i so mu'ava­linge.

Ipilu 10:32

Xe tangengiou voxo tatei e vaikala lamana muxali noxinge, xo ngetavulenu tu'umaxusou tatila ia ngetulu pakia'inge no anusi.

Taitusi 3:4

Texolu axone ia Mosinge anu mosou pamauli tanunenge misevile la sexela noxou singe tamitema mupala'a.

Taitusi 2:13

La taxolu tautitiou mi lailaixe e talopalanu taxomaiou. Mi e taxomaiou ne, voxosou Mosinge U'uli'uli anu Itema so Pamauli e Iesua Kalaisiti so upala'a no anu iaxu.

2 Tesalonaika 2:8

Mosou xilili ne upala'a avile. Ioxe, anu uxoxolu xo mole Tatananenge Iesua uvau no anu tauxu. Tatananenge uvau mo ukalusou avile no anu voxo so ulivu mo upala'a.

Epesusi 1:18

Mo eni alinga noxou lexe anu ulamananixu opongengi. Xo anu laixe so ngalavu lexe anu mu'avalingexu ma'ia, mo so ngalopalanu ngaxomaiou. Xe anu laixe so ngalavu lexe mimi lailaixe ma'ia anu musosovosou lexe noxinge tamitemaou mu'isalili.

Xalesia 5:4

Ngingi ta'ei nga'oxo lexe ngamulimulinu lo mo so Mosinge umoxo'inge lexe ngingi talapusi no iou, la ngexolu ngekalipala noxou Kalaisiti ne. Ngingi ngexexesou iaiama noxou Mosinge ane.

2 Kolini 5:4

Xo manina, nenge taxolu no anu tani alelaxu 'o la tatavulenu tu'umaxu mo taiele. Ia mi ane oponenge utatamasou ne a so tapilixinu mo taxolu vitanisi uasi. Tatama lexe ane alavua usu'asingesi mo so anu ane so soli 'o la uxiu uxali kaini so maulisi.

1 Kolini 4:5

Molu utilovosilo ia voxosou uao. Laso mamu so ngingi ngatilotilovo kolokolo. Ngaxolu ngaxomaiou voxo so Tatananenge une'e. Une'e la uno'u mimi a utatalume no isivoxo mukalusi ka umulaxu no lamana. Xe no anu masamasaxa no oponenge tamitema la anu upala'anixusi. Laso ane, no voxo anene Mosinge molu uvikala laixe so xaixai noxinge aneva u'osasou.

Lomu 6:6

Xo aloxo 'o. Nenge telavu lexe no voxo Kalaisiti mulili musoli no ovu valautu la tava'u susu no vasimenge mulili ne kalumo. Mulili ne la xavi no anu susu no vasimenge a musoli mo mukalu ne. Laso nenge tamitemaou susu mo so upalupalusinge vitanisila uasi.

Lomu 3:31

Laso axova? Loxo talopala noxou Iesua la anu ulu'enu lo lexe anu mi vitanisi? Uasi, lopala noxinge ne uvalaxu lexe maninasou.

Ta'aposeli 13:23

La Polu musolonu vaikalaou aloxo 'ola, “No anu laili noxou Teviti ne la Mosinge muxalixu itema vile mune'e noxi'a Ta'isilaeli. Itema ne anu Itema so Pamauli Iesua e Mosinge muvavalimasou tatei.

Ta'aposeli 5:31

Mo muno'u mulaixu mutalu­pexasou no avolu tema so uxolu Tiatilasinge mo tava'u pamauli. La uxolu ne so loxo nenge Ta'isilaeli taxiunu oponenge mo ta'isalilinoxu no anu vaikalaou la anu ukalusou tina'unenge so susu.

Tioni 20:31

Ia mimi ano'o mukaukavu muai aloxo 'o mo so ngingi ngalopala lexe Iesua anu ane so Kalaisiti e Mosinge Olusi. Xe loxo ngalopala la ngaxalisou mauli no anu ualasousi.

Tioni 5:40

ia ngingi opongengi u'osa to uasi so ngane'e ngaxalisou mauli noxilo.

Tioni 4:42

La mivivikala noxie sema olele lexe, “A tava'u so talopala aloxo xo no anu vaikalamenila uasi. Nexi mexe telomusou vaikalaousi laso telavu lexe anu ano'osi a Itema so pamaulisi'a tatemanu lialia.”

Tioni 1:9

Anu lamana e a mune'e no lialia ne, anu lamana maninasi. Anu so lamanasi'a tami­tema mukalusi.

Luku 13:7

Laso anu muvikalanu itema so usaxila'u xaixu ne lexe, 'Ai nalomu. Tau ie tatalu ene'e so lexe ano'u temanu ovu ano'o ia axalisou vile uasi. Laso naxeta'u usu'asi xo utanuxu lia so xai vitanisi a.'

Luku 11:36

Mo loxo vasimenge muka­lusi lamanaxusi la ngiou vile no anu isivoxo uasi. Mo axone la lamana nonano noxinge uiei aloxo lalamo utalosinge.”

Luku 2:11

Xo no anu taoni noxou Teviti la sema vile mivo'o mo ilie ne anu so upamau­lingengi. Anu ane Mosinge muso­so­vosou so Kalaisiti mo anu Tatananenge ane.

1 Tioni 4:14

Xe mi ane tesaxisou la tapala'anixu lamana aloxo 'o. Maminge no tualasou mupalusou Olu mune'e no lialia so uxali Itema so Pamauli si'a tatemanu.

2 Pita 1:1

Ioxe, eni Saimoni Pita a. Eni amitema so xaixai noxou Iesua Kalaisiti mo a aposeliou. Eni akaukavunu lapasi 'o ulai noxinge ngingi ane ngexalisou lopala manina iou vilesisi noxixe 'o. Vote'i so ngexalisou lopala ne a no anu ilixo mulapusi noxou Iesua Kalaisiti e Mosinge xe mosou pamaulisinge.

Mupala'a 20:14

Mutilovosi'a tamitema xo xe mukalu laso ane, musu'anu soli ilou tanixu soli mulu'elai no taxa so navu. Taxa so navu ne, anu tanixu soli tameisou ane.

2 Timoti 1:8

Ioxe, laso namaila so nalanu vaikalasou Tatananenge mamu. Xe eni amitema so lakalavusu xo noxou a, ia mamu so namaila­mulileli. Nini nano'u xavi noxou Mosinge so napita noxilo mo natavulenu tu'umaxusou vaikala laixe kalumo.

2 Timoti 4:1

No voxo ili'i loxo Kalaisiti Iesua une'e upala'a so ukingi la anu utongone'i tamitema muka­lusi, ane'i ane imamauli xe ane'i ane misoisoli. Laso no ie'i Mosinge ilou Kalaisiti Iesua la eni apelototosine pakia'u aloxo 'o.

2 Timoti 4:8

La palaisi na'a xeli so itema uuini no anu lesisi a mulalaxi muai mukalu xo Mosinge mumoxo'ilo lexe eni alapu no iou. Xe Tatananenge e mosou tilovo mulapusi, la ulosilo palaisi ne no anu voxo olele. Ia enisi uasi, anu ulosi'a ane'i mukalusi ane opone'i u'oxoxu voxo so pala'axu kalumo.