2 Timoti 1:1 - Ata New Testament

¹ Eni Polu a. Eni aposeliou Kalaisiti Iesua xo no anu masaxa noxou Mosinge. Anu musosovosilo axone so apela'a tamitema no anu vavalimasou mauli e uxoxolu noxou Kalaisiti Iesua so ixalisou.

2 Timoti 1:1 Referans Kwoze

Ipilu 9:15

Laso ano'o tava'u so Kalaisiti utulu nonixi mo uvalaxu konitalaki alavua. Mo so ane'i ane Mosinge mu'avali'a la ixalisou nene'axu vavalima ane uxolu kaluxu uasi. Mi ne umomomo uxali xo susu ane tamitema mi'oxonu no anu koni­talaki tei la anu soli noxou mulotonu. Laso maixene anu vote'i uxolu so ixolu lalavulusi.

Tioni 17:3

La mauli kaluxu uasi ne xinu aloxo 'o, a so tamitema ilavusine nini Namosi'a maninasou vilesisi, mo ilavusilo eni Iesua Kalaisiti e nepa­lusilo 'o.

2 Kolini 1:1

Eni Polu a. Eni aposeliou Kalaisiti Iesua xo no anu masaxa noxou Mosingesi. Nexi noxou vivinge Timoti a takaukavunu lapasi 'o so ulai noxinge tatemanu pita noxou Mosinge ne Kolini ne. Xe ulai noxi'a tamitemaou Mosinge u'isalili ta'ei ixoxolu no xale tuatuala no Akaia polovonisi.

Tioni 10:28

La eni alosi'a mauli kaluxu uasi mo ane'i imamulo uasisi xe evile utokine'i ixexe no avolo uasisi.

Taitusi 1:2

Mo asu'uline'i so ixolu ilopalanu mauli kaluxu uasi ane Mosinge muvavalimasou tatei loxo mi vile uxali uao. Xo loxo telavu, anu ukalavoi uasi ane.

Epesusi 3:6

Mi e mutalume tatei ne aloxo 'o. Ngingi tamitema noale'ale ne, ngelomusou vaikala laixe so Kalaisiti Iesua laso ngingi kalumo ngexalisou nene'axu vavalimasou. Mo axone la ngingi kalumo ngexali loxo pa'usou vasimolu. Mo ili'i la ngingi kalumo ngaxalisou mimi lailaixe e muvavalimasou lexe noxinge ta'olu.

Tioni 6:40

Xo masaxa noxou Mamilo aloxo 'o. Tamitema mukalusi ta'ei isaxi noxou Olu kaio ilopala noxou la ixalisou mauli kaluxu uasi. Xe uxali no anu kaluxusou voxo la eni melo atulusi'a imauli.”

1 Tioni 2:25

Xo mi e Kalaisiti muvavalimasou noxinge ano'osi, a so ulosinge mauli kalu­xusou uasi.

1 Timoti 6:19

I'oxo axone xo lakolisou ilixo ne la ixalisou i'li'i. Lakolisou ne mauli maninasou.

2 Kolini 1:20

Xo vavalima noxou Mosinge tavu'alo a uxolu laso noxou Kalaisiti la uvikala lexe, “Ani, eni axalixu nene'axu.” Laso maixene loxo talomusou vaikalaou Mosinge la ta'oxo lexe, “Ani, manina”, mo ta'itinu Mosinge ualasouxu.

1 Kolini 1:1

Eni Polu a. Eni aposeliou Iesua Kalaisiti a xo Mosinge mu'avalilo no anu masaxa noxou. Nexi noxou vivinge Sosotenisi taxolu 'o mo oponexi vilesisi no anu lapasi 'o.

Lomu 6:23

Laso anu ane. Loxo itema uxaxai no anu susu, la lapesou ane solisi. Ia Mosinge uiaiama noxinge so lexe taxolu noxou Kalaisiti Iesua anu Tatana­nenge, la tano'u mauli kaluxu uasi.

Lomu 5:21

Xo susu muxalixu soli laso mu'uli laxunenge. Ia vaimomo 'o iaiama noxou Mosinge anu mu'uli'uli avile. Xo no anu ilixo malemalenga noxou Iesua anu Tatananenge la Mosinge muxalixu mauli kaluxu uasi.

Lomu 1:1

Eni Polu a. Eni amitema so xaixai noxou Kalaisiti Iesua. Anu molu mutulusilo so axali aposeliou mo musosovosilo so alanu vaikala laixe noxou Mosinge.

Tioni 6:54

Ia itema ane u'ani'ani no vasimelo mo uiie noxilo la mauli kaluxu uasi uxolu noxou xe no anu kaluxusou voxo eni atulusou umaulisi.

Tioni 5:24

A avikalangengi manina e maninasi. Loxo itema ulomuxu vaikalaxeli mo ulopala noxou anu ane mupalusilo ene'e 'o la uxalisou mauli kaluxu uasi. Xe no anu voxo so tilovo olele la vaikala so mamulo usu'asou uasisi xo anu muvula mula no anu xoluxolu so soli mo a mu'unalai no anu mauli mukalu.

Xalesia 3:26

Xo ngingi mukalusi ngepita noxou Kalaisiti Iesua no anu vote'i e so lopalasi laso maixene ngingi Mosinge ta'olu ane.

Xalesia 3:28

Ngexolu noxou axone laso no iou Mosinge la ngingi loxo Taiuta xe Takiliki o tasilevi xe tamitema ixolu lalavulusi o tamulu xe tasemamo uasi. Mi vile ukalipalangengi axone la uasi, xo ngingi ngaxolu vilesisi noxou Kalaisiti Iesua.

2 Timoti 1:9

Xo Mosinge mupamaulinenge mo mu'avalinge so ukalipalanenge lexe nenge tanoxou u'isalili. Anu mi so xaixai noxinge to uasi, muxali no anu masaxa noxousi. La anene nene'axu iaiama noxou ane mupilixinu noxinge no anu vote'i e noxou Kalaisiti Iesua tei tei manina loxo voxovoxo usoko'u uao.

2 Timoti 1:10

Vaimomo 'o, Itema so Pamauli noxinge e Kalaisiti Iesua a mupa­la'a mukalu, laso no anu vote'i anene iaiama noxou Mosinge mupalasisi. Kalasiti Iesua mukalu­sou xavinu soli xe no anu vaikala laixe noxou la mulamananixu vote'i so tamitema ixalisou mauli manina mo xoluxolu kaluxu uasi.

2 Timoti 1:13

Timoti, nini taneniou vaikala lailaixe ane nelomusou noxilo la navulunu noxi'a tamitema axonesi. Mo nalanu no anu lopala ilou sexela ane taxalisou noxou Kalaisiti Iesua.

2 Timoti 2:1

Ioxe laso alixeli, utotomu na'ita­loneni mo so iaiama noxou Kalaisiti Iesua u'oxonu pakia'ine.

2 Timoti 2:3

Xe noxine, la na'una napita noxixe no anu oto 'o so nini kalumo natavulenu tu'umaxusou aloxo ami laixe noxou Kalaisiti Iesua.

2 Timoti 2:10

Laso maixene loxo mi ma'ia uxalisilo la alavusou a'oxo pakia'u opoleli lexe atavulenusi, xo amasaxau asu'uli­ne'i tamitema ane Mosinge muiloune'i lexe tanoxou. Amasa­xau lexe ane'i kalumo ixalisou pamauli e noxou Kalaisiti Iesua mo so i'una no anu xoluxoluxu lailaixe mo iaxu kaluxu uasi.

2 Timoti 3:15

Mo tatei mi ne molomoloxenesio la nesoko'u so nalavulavu no anu lavuku so Mosinge vaikalaou mu'isalili. Lavu­ku ne xavinu so mulosine lavulavu u'asi'asi ane mulosoienixu vote'i so nalopala noxou Kalaisiti Iesua ka nexalisou pamauli noxou.

Taitusi 1:4

Lapasi ano'o ulai noxine nini Taitusi. Lopala na'a nenge vilesisi mo nini na'alixeli no anu lopala ne. Eni amasaxau lexe nini naxamulinu iaiama mo xoluxolu lalavulusi noxou Mosinge anu Maminge ilou Kalaisiti Iesua anu Mosou Pamauli noxinge.