1 Timoti 6:5 - Ata New Testament

⁵ Mo voxovoxo utotomu ikusukusu'a no anu vaikalasi xo xavutalai'a vuluvulusi mo mi vile manina no anu uasi. Mo ikalavoi lexe loxo i'una no anu xaixai noxou Mosinge la anene vote'i so ixalisou lamoli xe mimi.

1 Timoti 6:5 Referans Kwoze

2 Timoti 3:5

Tamitema ane xo ne isaxi lexe imulinu ili'ilixo ane Mosinge u'osasou, ia mi ne no anu sosousi, temanu to uasi. Xo xavi manina no anu vaikalaou Mosinge la ixiunu tumali'aou. Laso na'umenu vasi­mene mo naxolu va'axu noxi'a tamitema ane xo ne.

2 Pita 2:3

Mo ane'i tamitema ne iisuxu mimimengi laso ito'omolu kusingengi mole itaxusousi. Ia tatei la Mosinge mulalaxinu mamulo so ukolinu susu noxi'a mo anu a uloloxa'a, anu uai uasi.

Taitusi 1:11

Ane'i ilavusou ixixaoxao mo ilanu vaikala masumasua so ima­suanu lopala noxi'a tatemanu tanitani. I'oxo loloxa'a axone xo ikamulinu vote'i so ixalisou lamoli o mimi so vasime'a. Laso pakia'ine so na'api­xa'a no anu vaikali'a ne lexe ixolu tasiausi.

2 Timoti 3:8

Anu tatei la Tianesi ilou Tiamivilesi mixililiou Mosisi la anu axonesi noxi'a tamitema ano'o so ixililiou vaikala temanu anu manina. Tamitema ne xavutalai'a xalusousi mo ixolu va'axu avile no anu lopala na'a nenge.

1 Timoti 6:6

Ikalavoi axone ia lamoli xe mimi ne anu vote'i so xoluxolu laixe uasi. Loxo nenge taxolu se'isisi mo ta'osa noxou Mosinge la anene vote'i so xoluxolu laixe.

1 Timoti 3:3

Mo aloxo 'o kalumo. Anu itema so usipaki uasi. Xe anu itema so la'iaxu palea uasi, uxolu oponu lexa noxi'a tamenexu mo uxalixu tu'utu'umaxu uasi. Xe anu itema so oponu ututulu no anu lamoli uasi.

Matiu 23:13

La Iesua musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Ngingi tamitema so vaikalamengi tamaxu vilemo no anu ilixomengi to ne. Xo ngingi ngatatuxa'a tamitema laso vote'i uasi so i'unalai ixolu no voxo so Mosinge molu u'uli laxune'i tamitemaou no tualasou. Ngingi menge nga'unalai uasi xe loxo tamitema a so i'unae la ngatanutanuxa'a to!

Matiu 12:33

Ioxe, Iesua mu'oxonu latilovo aloxo 'o, “Loxo ovu laixe la uxalixu nene'axu laixesi. Xe ovu ane masua la uxalixu nene'axu masuasi. Laso vote'i so tatongonu ovu lexe anu laixe o masua a no anu nene'axusi.

1 Timoti 1:6

Xo se'i la mipolo va'axu no anu votovoto ne ka mi'una mo a ipune'i no anu vaikavaikala ane nene'axu uasi ne.

Mupala'a 18:3

La ili'ilixo nuni'u so taoni ne a loxo uaini pakia'u. Mole ane'i tatemanu tuatuala mine'e mi'oxonu ili'ilixo nuni'u la loxo miie mo misipaki no anusi. Xe takingi so tuatuala no lialia kalumo milailai no anu ilixo olele. Mo tamitema so lailoto mixalisou lamoli tatila no anu mimi iouiou ane mumomomosou masamasaxa no anu vasime'a tatemanu taoni ne.”

Iuti 1:11

Anu uxali masua manina noxi'a. Xo mipolo no anu vote'i e noxou Kaini. Xe xavutali'a no anu lapesi laso mivaxasi mipita no anu susu noxou Valamu. Xe mi'oxo pai noxou Mosinge aloxo Kola mu'oxonu laso ixalisou mamulo­sou iou vilesisi loxo anusi.

2 Pita 2:15

Xo ane'i mipolopepenu vote'i manina mo mipolo va'axu mole misusususi. Ane'i mimulinu vote'i noxou Vala­mu e Veoli olu xo anu mu'oxonu ilixo masua so uxalisou lapesou no anu lamoli e oponu mututuluou.

1 Timoti 3:8

Mo axone kalumo noxi'a tami­tema so su'uli. Xo itema so su'uli ne anu uxolaxola uasi, anu oponu utulu no anu xaixai noxousi. Anu itema so uxiuxiunu vaikalaou uasi. Xe anu itema so usipaki uasi mo uisuisuxu lamoli uasi.

2 Tesalonaika 3:6

Ioxe tavivixe, no anu ualasou Tatananenge Iesua Kalaisiti tavikala pakia'u noxinge aloxo 'o. Loxo tavivinge se'i xoluxoluxa'a vuluvulusi mo ilomuxu vaikala ane tevulunu noxinge uasi la ngaka­lipalangengi sevile noxi'a.

Matiu 21:13

La anu muvikalane'i lexe, “Mosinge vaikalaou uvikala aloxo 'o, 'Anu tasilo 'o anu uxolu so tamitema ine'e ivikala noxilo.' Ia ngingi nge'oxonu muxali loxo tasi'a talasikelisi e so italumeu mimi ipakalinu.”

Mupala'a 18:13

Mo lakakoxa'a se'i aloxo 'ola. Lamalasini so la'ilali loxo sinamoni xe mi e ta'elaxu so tuma'u laixe xe pepiumu xe lapaula tuma'u lailaixe xe uaini xe ueli olivi xe palaua laixe xe uiti ngiaxu xe takau xe tasipsipi xe ta'osi ilou kalikali so ilapunu xe tasilevi ane tamitemasi. Anu ane, mimi anene evile so ulotonula uasi.

1 Kolini 11:16

Ia loxo se'i ixiliou pelototo ano'o la ilavu laixe lexe anenesi ilixo noxinge. Xe no anu pitapita noxou Mosinge mukalusi la ilixo noxi'a axone kalumo.

1 Timoti 4:7

Naxiunu tumalineou sitoli vita­vitanisi a loxo tatiatila milavu­sou mi'oxonu. Mo na'oxo aloxo 'o. Na'isalilinoxu xoluxoluxene no anu masaxa noxou Mosingesi.

1 Timoti 4:8

Xo loxo ta'ekisasaisi so vasi­menge uno'u xavi la anu usu'ulinenge sevile. Ia loxo ta'isalilinoxu xolu­xolunenge no anu masaxa noxou Mosinge la nenge tano'u su'ulisou tatila. Su'uli anene so xoluxolu vaimomo 'o xe no anu ane ili'i kalumo.