1 Timoti 6:4 - Ata New Testament

⁴ Tamitema ane xo ne ane'i itoxa'a mo xavutalai'a ulamana no anu mi vile uasi. Opone'i ututulu no anu talitali'i mo vaikala kitukitu, ia so ino'u lavulavu no anu uasi. Ilemolemolu xo i'osasou tu'umaxu mo oto no anu vaikalasi. I'oxo axone laso anu uxalixu isuisu mo la'ia mo vaikala masumasua mo xavutala masuai'a no opone'i ngato'o.

1 Timoti 6:4 Referans Kwoze

2 Timoti 2:23

Ia mamu so namulaxu sangali­neou vaikala vuluvulusi ane tamitema me'a ixavutalanusi. Xo mi axone uxalixu oto no anu vaikalasi.

2 Timoti 3:4

Mo aloxo 'ola. Loxo vaimomo 'o ivaitami noxou evile la masi ne'iela ixiunu tumali'aou. Ane'i ipalea ilai no anu xavutala vuluvulusimo xe ikalavoi lexe ane'i tatiatila manina. La imasaxau xalo u'ela no anu osa vitanisi, ia Mosinge, la isexelaxu to uasi.

1 Timoti 3:6

Loxo itema ane alavuaxu no anu lopala la utulu itema so saxila'u palea uasi. Xo masi u'itinu no anu la Mosinge ukusaou no anu xaixai noxou aloxo mukusaou Uluaou.

Iuti 1:10

Tamitema ane xo ne ilavusou ivikala masuaou mi ma'ia upalasi noxi'a uasi. Ane'i ne xavutali'a uasi aloxo tamisoposi xo masaxa ma'ia no anu vasime'a la imulinusi. Imulinusi xo mole mi e i'oxonu ne uxalixu mamulosi'asi.

2 Pita 2:12

Xo ane'i tamitema to ne xavu­tali'a uasi aloxo tamisoposi no lialia xo masaxa ma'ia no anu vasime'a la imulinusi. Mi ma'ia tamitema ne ilavusou uasi la ivikala masuaou vitanisi. Xe noxi'a tamisoposi la ixaxali so tatetelisi'a ka tave'a isoisolisi. La anu axonesi, tami­tema ne tava'u vile uasi, ixolu xo laso ixalisou mamulo aloxo tamiso­posi nesi.

2 Timoti 2:14

Ioxe, utotomu nalivunoxu xavu­talai'a Mosinge ta'olu no anu vaikala ano'o mo napelototosi'a pakia'u no iou Mosinge lexe mamu so ipelesou anaxa'aou laxu vaikala kitukitu. Xo ilixo axone uxalixu nene'axu to uasi, anu umasuane'i tamitema ane ixolu ilomusousi ane.

Iuti 1:16

Ane'i to ne tamosou kalapu xe mi ma'ia uxalisi'a la imunumunuxa'a tamenexi'a no anu. Mo masaxa masua no anu vasime'a loxo uxali la imulinusi. Ane'i ivikala vuluvulusi so i'itine'i xe loxo imasaxau mi ma'ia noxi'a tamitema la ilavusou ito'omolu kusine'ixu tosi.

2 Pita 2:18

Ane'i tamitema ne i'itine'i kaio anaxa'a ulexa no anu vaikala vuluvulusi. Xe ane'i ta'ei ane a isoko'u so ilala se no anu xoluxoluxa'a tamitema so isivoxo la tatisa kalavoi ne ipalea ilapune'i i'una imomomoxu masamasaxa nuni'u no vasime'ala.

1 Timoti 1:7

Ipune'isi xo me'a imasaxau lexe ixali tatisa so lo noxou Mosinge. Mo itulu ivikala pakia'u lexe, “Lo uvikala aloxo 'o, mo aloxo 'o.” Ilanu vaikala pakia'u axone ia ane'i me'a ilavusou laxu to uasi!

1 Timoti 1:4

Mo laixe so ipilixinu ilixo so ingalo mo inana kakau olovoxo ne. Xo loxo 'o io uxalixu tu'utumaxu no taine'i tamitema. Vaivaikala axone usu'u­line'i tamitema so ilopala no anu xaixai noxou Mosinge no taine'i uasi.

Tiemisi 1:19

Ioxe ngingi tavivilo ane asexelangenge misevile, tange­ngiou vaikala ano'o laixe. Nga­palea no anu lolomusi, ia no anu vaivaikala xe la'ia la ngapalea no anu mamu.

Taitusi 3:9

Ioxe, anene su'uli laixe. Ia mi loxo oto'oto vitanisi no anu vaikala xe nana vuluvulusi xe so ipelesou anaxa'a no anu vaikala kitukitu so lo, la usu'ulinenenge axova? Mi axone nene'axu laixe uasi.

Ta'aposeli 15:2

Ia Polu ilou Vanavasi milomusou vaikalai'a ne la ilou mixiliie'ixu la oli'a mi'oto no anu vaikala. Mi'oto xe imomomo so ilovonixu mi ne uasi laso talopala mipalusi'a Polu ilou Vanavasi xe tamitema se'i milai ne Ielusalemo. Mipalusi'a ilai so ipilixinu mi ne noxi'a ta'aposeli oli'a tamitema so saxila'u mo so itilovosou.

Mupala'a 3:17

Xo ngingi nga'oxo lexe ngingi ngaxolu no latanu lamoli xe lavuluti mo ngakamulinu mi vilela uasi. Ia uasi, ngingi ngalavu uasi ia loxo manina la xoluxolungenge masuasi. Ngingi loxo ta'oloxola so ngasolingenge xe ienge selevenu xe pangapanga'ingesi.

2 Tesalonaika 2:4

Upala'a ukalu la uxililiou mimi mukalusi ane tamitema i'oxo lexe momosi'a. Uxililiou mo u'itinu lexe anu uno'u tanitanixu mimi ne so tamitema ilotu noxoumo. Mukalu la utalu­pexa no anu tasou Mosinge mo uvikala lexe anu Mosinge ane.

Kolosi 2:18

Mo loxo evile u'itinu no anu mi vile u'oxo lexe umaisou no anu aisaxi ka uvikala lexe ngalu'e­ngengi mo ngamaxa'u mama'u noxi'a ta'angelo la mamu so ngalomuxu. Itema loxo umalo­xo'inge axone la anu umulinu xavutala no anu vasimolusi so u'itinu vitanisi axone.

Pilipai 2:14

No anu mi ma'ia so nga'oxonu la no anu osasi. Ngakalapusou uasi mo ngapelesou anangenge no anu uasi.

Pilipai 2:3

Mamu so nga'oxonu mi vile no anu masaxa noxingemo o so ngaxalixu ualasinge utila no anu. Ngingi vilevilesi ngalu'engengi no anu opongengi mo ngasaxisinge lexe ngingi tami vitanisi no taine'i tamenexinge.

Pilipai 1:15

Xo manina, se'i iisuxo mo opone'i tu'umaxuilo so ivotovo­tosou Kalaisiti. Ia leviani la masaxa no opone'i mulovo laixesi so ilanu vaikala ne.

Xalesia 6:3

Xo loxo itema vile uxavutalanu lexe anu mi lailaixe ia loxo manina anu mi vitanisi, la anu molu mukakalavoinu moe!

Xalesia 5:26

La nenge ta'itinenge mo takusukusu'inge mo taisuisunenge ngato'o mamu.

Xalesia 5:15

Ia loxo ngingi nga'oxo loxo tamisoposi so nganga­ngasinge mo ngateatea­ngengi nga­to'o la ngalaxa'i laixe. Xo loxo 'o io ngingi ngamamulo­ngengi avile ane.

2 Kolini 11:20

Xo loxo itema vile ulapungengi so ngaxali tasileviou o u'inge no anu mimi o uua'ulingenge no anu kalakalavoi o molu u'itinu o usava­savalinge no anu vaikalaou la ngingi ngalavusou nga'italongengi so u'oxongengi no anu masaxa noxousi.

1 Kolini 11:18

Vaikala ane tei so mi ne aloxo 'o. Sivo muxali noxilo lexe no voxo so ngapita no anu pita noxinge la ngaxolu ngaka­likalito­tongengi mo ngakusu­kusuinge ngato'o. Elomusou sivo ne la axa­mulinu lexe masi temanu sevile.

1 Kolini 11:16

Ia loxo se'i ixiliou pelototo ano'o la ilavu laixe lexe anenesi ilixo noxinge. Xe no anu pitapita noxou Mosinge mukalusi la ilixo noxi'a axone kalumo.

1 Kolini 3:18

Ioxe, ngingi menge ngaka­lavoingengi uasi. Loxo itema vile no taingengi lavulavuou so lialia 'o la anu ulu'enusi. Ulu'enu mo uxali loxo kaulongusi mo so loxo no anu masaxa noxou Mosinge la ulosou itema ne lavulavu noxou e u'asi'asi.

1 Kolini 3:3

Xo aloxo 'o. No anu xoluxolungenge la ngingi vasime­ngesi upamuxangengisio. Xo isu'isu ilou tu'utu'umaxu a uxolu no taingengi to ne, laso talavu lexe ma'ia upamuxangengi ne? Anu vasimengesi ane. Xe no anu muamua'ingenge ne la loxo tamitema so lialia 'osi.

Lomu 14:1

Ioxe, ane'i tavivinge Mosinge ta'olu se'i ne lopala noxi'a pakia'u malaxo uasi. Ane'i opone'i tamei. Tavivinge axone ngato'omea no anu vaikala uasi, nga'oxo laixe noxi'a mo so ngoli'a ngaxolu ngapita. Ngaxolu ngapita la ngakusukusu'inge no anu vaikala ngato'o uasi.

Lomu 13:13

Ngingi masi ngamuamua'i ulovo loxo tamitema ane imua­mua'i no anu lamanasi, ngapakisi loxo ane'i so isivoxo uasi. Loxo ngaxolaxola mo ngasipaki uasi. Xe ngingi nga'oxonu vasimenge vuluvulusi mo ilixo nuni'u uasi. Xe nga'avutinoxu tu'umaxu mo ngaisu'isu uasi.

Lomu 12:16

Ilixo noxinge iou vilesisi noxi'a tamitema mukalusi. Nga'itingengi so ngaxi­xao noxi'a tamitema tatiatilasi uasi. Ngalu'engengi mo ngaxixaosi'a tamitema vitanisi kalumo. Mamu so nga'itingengi mo nga'oxo lexe, “Ai, eni amosou lavulavu a.” Nga'oxo axone uasi.

Lomu 2:8

Ia tamitema se'i ne, ixavutalane'isi mo ixiunu tumali'aou vaikala manina. Ane'i imulinu ili'ilixo masuasi. Tamitema axone ixalisou nene'axu la'ia toxoxu noxou Mosinge.

Ta'aposeli 18:15

Ia mi ano'o utiatila so atongonu uasi. Ngingi ngatulusou no anu vaikala so ualauala o vaikala kitukitu so lo noxinge Taiutasi. Laso ngingi menge ngalovonixu, mi na'a xeli uasi.”

Ta'aposeli 8:9

Ioxe, la itema vile so tuala ne ualasou lexe Saimoni. Anu itema so u'oxonu sa iouiou. Anu utotomu mu'oxonu ilixo ne xe loxo nene'axu muxali la tamitema mikuluke no anu. Ane'i mikuluke axone laso anu mutoxu mo u'itinu lexe anu itema tila.