1 Timoti 5:3 - Ata New Testament

³ Xe loxo tasema ane tamului'a misoisoli mo evile so ino'u su'uli noxou uasi la nasaxila'a laixe.

1 Timoti 5:3 Referans Kwoze

Ta'aposeli 6:1

Ioxe, no voxovoxo ne tamitema mi'una'una noxi'a talopala mo navasi'a mutoxoxa'a. La ane'i se'i noxi'a vaikalai'a Kiliki mimunu­munuxa'a ane'i ane vaikalai'a Ipilu. Mimunumunuxa'a mo mivikala aloxo 'o, “Ai, tasema noxinge ane tamului'a misoisoli ne ngingi ngalavusou ngavelunuxa'a voxo­voxo utotomu to'. Ia ane'i noxixe 'o, ngingi ngavelunuxa'a malaxo uasi.”

1 Pita 2:17

Xe ngataxane'i tamitema mukalusi mo ngasexe­laxa'a tavivinge talopala mo ngamama'u noxou Mosinge mo ngataxanu ualasou itema so u'uli laxunu kanitili.

1 Pita 3:7

Xe noxinge tamulu kalumo, no anu xoluxolungenge ngoli'a tase­mamengi la tangengixa'a laixe mo ngalavu lexe ane'i mamalaxa'asi. Xe ngataxane'i laixe xo ane'i kalumo so ixalisou nene'axu iaiama noxou Mosinge e mauli kaluxu uasi. Mo so axone la mi vile so utanuxu vaikalamengi e so ngalemolu noxou Mosinge uasi.

Tiemisi 1:27

Vote'i ane malemalenga mo mulapu no iou Mosinge anu Maminge so tamulinu masaxa noxou aloxo 'o. Tavu'uline'i tamolomolo ane ta'oloxola xe tasema ane tamului'a misoisoli mo tasu'uline'i no anu tu'utu'umaxu noxi'a. Xe aloxo 'ola, taxolu va'axu no anu ili'ilixo masua so lialia 'o mo so anu utei uxolu noxinge uasi.

1 Tesalonaika 2:6

Xe nexi 'o, nexi ta'aposeliou Kalaisiti, laso loxo tamasaxau la masi talemolu taninexe ne utotomu so ngalomu­nexesi. La uasi, xo oponexi lexe ngingi o tamitema se'i i'itinexi uasi.

Ta'aposeli 9:39

Mivikalanu la Pita mulutu so oli'a milai. Milutu xo xe mixali ne Iopa la ane'i mitelaixu Pita no ngiou ane vasimele Tavita uai no anu. La tasema ane tamului'a misoisoli mukalu mine'e mitulu alai noxou Pita mo mitatama. Mitatama mo mimaxa­maxa'u lakolosi xe lasioti ane Tavita mi'oxonu no voxo loxo mimaulisio.

Luku 7:12

Mulutu xo xe muxali alai mo anu a so u'una no anu aitengaxu vimelusou taoni ne. Sila muxalisi'a tamitema a milala mo mitavulenu vasimolu itema musoli. Mitavulenu la nenu itema musoli xe tatemanu tuala leviani a mimuline'i. Sema ne mulue musoli tatei mo ilie soxu vilesisi a musoli ne kalumo.

Luku 2:37

Mukalu la anu musoli ia ane mixolusi xo mo tau iexe muxali 84 'o. La Ana ne mixoxolu no tasou Mosinge, ilai noalela uasi. Mixolu opone mutuluou mimi noxou Mosingesi la utotomu i'apixe no anu la'ilali mo mivivikala noxou Mosinge.

Matiu 23:13

La Iesua musolonu aloxo 'ola, “Anu masua noxinge ngingi tamitema so lavulavu no anu lavuloto xe ngingi Tapalisi. Ngingi tamitema so vaikalamengi tamaxu vilemo no anu ilixomengi to ne. Xo ngingi ngatatuxa'a tamitema laso vote'i uasi so i'unalai ixolu no voxo so Mosinge molu u'uli laxune'i tamitemaou no tualasou. Ngingi menge nga'unalai uasi xe loxo tamitema a so i'unae la ngatanutanuxa'a to!

Matiu 15:6

Mo no anu anene la ngatanuxu vote'i so tamitema itaxa­ne'i tamami'a tane­ni'a to! Laso ane, ngingi ngalu'enu vaika­laou Mosinge so nga'itinu lavuloto e ngingi menge ngexali­xumo.

1 Timoti 5:2

Xe noxi'a tasema tatiatila la oponeni mama­laxu noxi'a aloxo ane'i tanenine. Xe noxi'a tavuanga kalumo la ilixo noxine malemalenga noxi'a aloxo tavivine tasema u'isalili.

Tioni 1:47

Xe Iesua mumaisou Natanieli unene'e mo a so uxali noxoui, la muvikalasou lexe, “Ngamalei, itema e unene'e 'o anu so Isilaeli kena, noxou la kalavoi sevile uasisi!”

Ta'aposeli 9:41

Mita­lupexa laso Pita mutila'e mitulu. Mukalu la anu mu'avali'a talopala xe tasema tamului'a misoisoli mi'una mo muvikala lexe, “Nga­malei, mimauli”.