1 Timoti 5:10 - Ata New Testament

¹⁰ Xe ilixo noxie aloxo 'o. Sema ane tamitema ivikalasie lexe ane sema so xaixai laixe mo ane misaxila'a tailie laixe. Xe ane milavusou misexelaxa'a mo mitavalixa'a taasila xe loxo talopala me'a no tuala vile mixali la mi'uinu tava'a. Xe loxo tamitema ane mitata­vulenu tu'umaxu la misu'uline'i mo opone mututuluou xaixai aneva lailaixe manina.

1 Timoti 5:10 Referans Kwoze

1 Timoti 6:18

Mo napelototosi'a lexe i'oxonu ili'ilixo laixe so isu'uline'i tamenexi'a. Mo voxo­voxo utotomu ipilipilixinu avo'a noxi'a ane'i ane mimi uasi. Mo loxo ivelevelunui'a la itukala uasi, avo'a temanusi so ilosi'a.

Taitusi 3:8

Vaikala ano'o manina e maninasi. Laso loxo nalemolu la amasaxau lexe xavineniou. Mo so axone la tamitema ane ilopalanu Mosinge la ilaxa'i laixe so i'oxonu ilixo laixesi. Xo axone la ane'i latala ino'u su'uli laixe no anu.

Ta'aposeli 9:36

Ioxe, no tuala vile ne Iopa la sema vile ualasie lexe Tavita a mixoxolu. Io no anu vaikala Kiliki la ilemolu ualasi lexe Tokasi. No anu xoluxolu noxie ane milavusou i'oxonu ilixo laixe so isu'uline'i tamitema ane la'ilalixa'a ilou mimii'a uasi.

Taitusi 3:1

Ioxe, mo aloxo 'ola. Na'avuti­noxu xavutalai'a lexe itaxane'i tatiatila xe taxamani mo ilomuxa'a no anu mi ane laixe so i'oxonu.

Taitusi 2:7

No anu xoluxolu noxine la mi ma'ia na'oxonu ne u'isalili mo so loxo ane'i imaisou la imulinusi. Xe loxo nalulusou Mosinge vaikalaou la napolo va'axu sevile uasi. Mo no anu ilixo noxine la naxolaxola uasi mo so ane'i itaxaneni.

2 Timoti 3:17

Laso axone, la itema so xaixai noxou Mosinge la umomomo no anu xo mimi so xaixai laixe mukalusi a muai no avolu mukalu ne.

Lomu 12:13

Loxo tamitemaou Mosinge u'isalili se'i i'a mimi o la'ilali uasi la ngapitanu avonge so ngasu'uline'i. Xe loxo taasila ixali la ngavu'uline'i laixe. Xe aitengasinge ukisi noxi'a tamitema mukalusi.

Luku 7:44

Xe Iesua muxiu noxie sema la muvikala noxou Saimoni lexe, “Namaisie sema ano'o. Eni e'una no tasine la nalosilo lexa so a'uinu tava'ilo uasi. Ia ane mi'oxonu tava'ilo pita'u no anu iei lexaxu ka milutunu no kisie laxusou.

Matiu 5:16

La anu axonesi, lamanangenge utalo­sou ie'i tamitema mo so imaisou ilixo laixe noxinge. Imaisou laso ane'i i'itinu ualasou Maminge ane uxolu no tualasou lailaixe.

1 Pita 2:12

Muamua'ingenge ulapusi no taine'i tamitema so isivoxo. Xo masi ikalavoisinge lexe ngingi tamitema so susu 'o, ia loxo ilixomengi laixe upala'a no ie'isi la no anu voxo loxo Mosinge une'e 'o la i'itinu ualasouxu.

Ipilu 13:21

Apili­xingengi noxou Mosinge xo anu a ulosinge mimi lailaixe so xoluxolu noxinge u'isalili no anu masaxa noxou. Xe mi ma'ia laixe no iou la anu upolonu noxou Iesua Kalaisiti so u'avutinoxu noxinge. Laso avikalangengi manina aloxo 'o, nenge ta'itinu ualasou Kalaisiti ulai ulai kaluxu uasi.

Ipilu 13:2

Xe loxo taasila ixali la kalakalangenge uasi so ngavu'u­line'i. Aitengasinge ukisi noxi'a xo se'i mivu'uline'i taasila la mika­lavoi lexe tamitemamo, la uasi, ane'i ta'angelo ane.

Ipilu 10:24

Xe takamulinu vote'i so ta'avuti­nixinge ngato'o so tasexela mo ta'oxonu ili'ilixo laixesi.

Taitusi 3:14

Xe napelototosi'a tamitema­menge so ilavu laixe no anu vote'i so su'uli. Laso loxo tamitema isoti no anu mi ma'ia xe isu'uline'i la uxalixu nene'axu laixe ane.

Taitusi 2:14

Anu mu'italonu maulixu so mulotonu lakolisou ili'ilixo noxinge mukalusi ane muxolaxola'u lo noxou Mosinge. Xe mu'ulosinge so texali tamitemaou malemalenga mu'isa­lili. Laso maixene oponenge utata­ma so ta'oxonu ili'ilixo ane laixesi.

Luku 7:38

Mino'u la mine'enu ka mitulu no tumalou lu e Iesua tava'u muai no anu. La mitatama mo iei lexaxu totoloxuou Iesua tava'u mo miasouiasou no anu kisie laxusou. La mimaxa'u sexela noxie noxou mo milutunu ueli tuma'u lailaixe no tava'u ne.

3 Tioni 1:12

Ioxe, noxou vivinge Temitiusi la tamitema mukalusi ipala'anixu lexe ilixou laixe. Xe loxo talomu­sou vaikala anu temanu manina la upalasinoxu ilixou itema ne lexe ulovou. Mo eni kalumo avalaxu vaikala so ilixou ne, mo nini nelavu lexe eni avikala maninasi.

1 Pita 4:9

Mo aitengasinge ukisi noxi'a tami­temasi xe ngakalapu lexe kalaka­langenge uasi.

2 Timoti 3:15

Mo tatei mi ne molomoloxenesio la nesoko'u so nalavulavu no anu lavuku so Mosinge vaikalaou mu'isalili. Lavu­ku ne xavinu so mulosine lavulavu u'asi'asi ane mulosoienixu vote'i so nalopala noxou Kalaisiti Iesua ka nexalisou pamauli noxou.

2 Timoti 2:21

Ioxe, loxo itema u'uinu no anu ili'ilixo masua ane telemolu mukalu 'oe, la anu uxolu loxo lisi ane ikalipalanu so xaixai laixesi. Uxolu ulalaxi so Mosou uno'u ka upamuxanu no anu xaixai aneva laixe mukalusi.

2 Timoti 1:5

Xe eni taleliou lopala maninasou ane uxolu noxine ne. No anu lopala nesi la mutalupexa tei noxie xasine Loisi xe nenine Iunisi. Mo eni alavu manina no opoleli lexe anu a uxolu noxine kalumo.

1 Timoti 5:25

La anu axone kalumo no anu ilixo laixe. Se'i ne upala'a avile xe se'i utalume. Ia umomomo so utalume avile uasi ane, ulai la upala'a kalumo.

1 Timoti 2:10

Xo loxo sema vile ivikala lexe ane imulinu masaxa noxou Mosinge la opone ututuluou mimi so vasimele uasi, ututuluou xaixai noxou Mosingesi.

Kolosi 1:10

Xe no anu muamua'ingenge la ulovou xolu­xolungenge noxou Tatana­nenge mo so u'osasou no anu teletelexu mukalusi. Xe no anu xaixai aneva laixe nga'oxonu la uxalixu nene'axu. Xe no anu lavulavu noxinge so Mosinge la ulelemesi.

Epesusi 2:10

Xo xoluxolu noxinge 'o ne Mosinge molu muxalixu noxou Kalaisiti Iesua. Muxalixu so tamuamua'i no anu ili'ilixo laixe e mulalaxinu tatei so lexe tamulinu.

Ta'aposeli 22:12

La no tuala Tamasikusi ne itema vile a muxoxolu, ualasou lexe Ananaiasi. Anu itema ne mumama'u noxou Mosinge mo oponu mututulu lexe umilunu lavuloto noxou. Taiuta no tuala ne ilavusou itaxanu itema ne.

Ta'aposeli 10:22

La ane'i mivikalanu lexe, “A Koniliasi e tatila noxi'a ta'ami 100 mupalusixe tene'e 'o. Anu ilixo noxou laixe mo umama'u noxou Mosinge. Ane'i Taiuta mukalusi itaxanu mo ivikala lexe anu itema laixe. Anu mupalusixe tene'e xo angelo laixe vile muvikalanu lexe u'avaline nalai no tasou so ulomusou vaikalameni.”

Ta'aposeli 9:39

Mivikalanu la Pita mulutu so oli'a milai. Milutu xo xe mixali ne Iopa la ane'i mitelaixu Pita no ngiou ane vasimele Tavita uai no anu. La tasema ane tamului'a misoisoli mukalu mine'e mitulu alai noxou Pita mo mitatama. Mitatama mo mimaxa­maxa'u lakolosi xe lasioti ane Tavita mi'oxonu no voxo loxo mimaulisio.

Ta'aposeli 6:3

Laso tavivixe, ta'oxonu aloxo 'o. Ngingi menge ngailoune'i tamulu 7 no taingengi 'o. Ngai­loune'i ane'i ane ilixo noxi'a lamanasi mo ane'i ane Ulenu Laixe upamuxane'i mo lavulavui'a. Ukalu laso nenge tapilixine'i no anu xaixai ano'o.

1 Timoti 5:16

Ioxe, loxo sema vile mulue usoli la tatulane Mosinge ta'olu me'a isaxila'e. Ilopala no anu pita noxou Tatananenge uasi xo axone la ialuxu xo tasema tavu'alo ane. Ia loxo ane'i vilevilesi isaxila'a tatulane'i, laso pita usaxi u'isalili noxi'a tasema ane tatulane'i uasi.

1 Timoti 3:7

Xe aloxo 'o. Itema so saxila'u ne anu itema so ualasou laixe noxi'a tamitema noale no anu pita kalumo. Xo loxo mi se'i no anu xoluxoluxu so tamitema isu'anu anaxa'aou la anu u'amo no anu uoi noxou Uluaou ane.

1 Timoti 3:2

Laso itema so uvu'ulinu ne la xoluxoluxu aloxo 'o. Anu ilixo noxou lamanasi mo so mi vile so tamitema ito'omolu no anu uasi. Loxo utaula'i la semau vilesisi. Anu uxolu mo xavutalaou uiave laixe mo uxolaxola uasi, xoluxoluxu ulapu no ie'i tamitemasi. Xe loxo tamitema ine'e no tasou la usaxila'a laixe. Mo lavulavuou no anu vote'i so ulanu Mosinge vaikalaou noxi'a tami­tema.

Matiu 25:17

La anu axone kalumo noxou anu ane muno'u 2,000 kina xo muxalisou 2,000 no latanula.