1 Timoti 4:8 - Ata New Testament

⁸ Xo loxo ta'ekisasaisi so vasi­menge uno'u xavi la anu usu'ulinenge sevile. Ia loxo ta'isalilinoxu xolu­xolunenge no anu masaxa noxou Mosinge la nenge tano'u su'ulisou tatila. Su'uli anene so xoluxolu vaimomo 'o xe no anu ane ili'i kalumo.

1 Timoti 4:8 Referans Kwoze

Matiu 6:33

Laso laixe so ngingi opo­nge­ngi u'oxoxu voxo ane Mosinge molu u'uli laxune'i tamitemaou xe ilixo malemalenga noxou. Xo loxo mimi so xoluxolungenge 'o ne anu a upipilixinu noxinge 'oe.

1 Timoti 6:6

Ikalavoi axone ia lamoli xe mimi ne anu vote'i so xoluxolu laixe uasi. Loxo nenge taxolu se'isisi mo ta'osa noxou Mosinge la anene vote'i so xoluxolu laixe.

1 Tioni 2:25

Xo mi e Kalaisiti muvavalimasou noxinge ano'osi, a so ulosinge mauli kalu­xusou uasi.

Maki 10:30

Mimi e mu'italonu ne uxalisou no latanu tavu'alo e tavu'alo. Xo no anu voxovoxo so vaimomo 'o la Mosinge ulosou tanitani xe tavimovimou tavu'alo xe tanenenu xe ta'olu tavu'alo xe xaixaixu kalumo. Anu uxalisou mimi lailaixe noxou Mosinge axone ia loxo tamitema la ilosou tu'umaxu. Ia loxo voxo olele uxali, la uxalisou mauli kaluxu uasi.

Ipilu 13:9

Laso loxo ngalomusou votovoto iouiou alavua la ngapilixingengi so ulapungengi mamu. Anu laixe so oponenge utuluou iaiamasi xo anusi u'oxonu pakia'inge. Xo ane'i se'i la i'au'au no anu vaivaikalasou la'ilali ia ixalisou su'uli no anu lavuloto axone uasi.

Mupala'a 3:21

Noxi'a tamitema ane iua'uli la alaixi'a so noxi'a tatalupexa no sia kingi noxilo. Iou vilesisi aloxo eni eua'uli mo a noxou Mamilo tatalupexa no anu sia kingi noxou.

Taitusi 3:8

Vaikala ano'o manina e maninasi. Laso loxo nalemolu la amasaxau lexe xavineniou. Mo so axone la tamitema ane ilopalanu Mosinge la ilaxa'i laixe so i'oxonu ilixo laixesi. Xo axone la ane'i latala ino'u su'uli laixe no anu.

Mupala'a 3:12

Noxi'a tamitema ane iua'uli la atulusi'a pumuxa'a a loxo posipo­sixu tasou Mosinge. Mo ixolu se'isisi no anu avile, ixexela uasi. Xe kalumo la akaukavunu ualasou Mosinge noxi'a. Mo akaukavunu ualasou taoni noxou Mosinge. Taoni ne Ielusalemo alavua molu noxou Mosinge no tualasou teitexi ulu'e. Mo akaukavunu ualasilo alavua noxi'a kalumo.

1 Kolini 8:8

Ia Mosinge utongonenge no anu mi loxo ani'ani uasi. Xo loxo ta'ou la anu u'oxo­nenge laixe uasi. Xe loxo ta'ou uasi la anu u'oxonenge masua uasi.

Lomu 8:28

Ioxe, Mosinge molu mu'ava­linge so taxali ta'olu no anu masaxa noxousi laso nenge tase­xelaxu. La talavu aloxo 'o. Mi ma'ia uxalisinge la Mosinge uxa­lixu nene'axu laixe no anu xoluxolu noxinge.

1 Kolini 3:22

Xo eni Polu xe Apolosi xe Pita xe mimi no lialia mukalusi xe mauli ilou soli xe mimi ane uxolu vaimomo 'o xe uxali ili'i, mimi ne so usu'uli­ngengisi.

Matiu 19:29

Xe noxi'a ta'ei ane mipilixinu tasi'a xe tavimovimo'a tamulu xe tasema xe tamami'a xe taneni'a xe ta'ili'a xe xaixa'a xo no anu ualasilo la ixalisou lakolisou upita no latanu e lapilai uasisi. Mo ane'i ixalisou mauli kaluxu uasi kalumo.

Matiu 12:32

Mo itema loxo uvikala masuaou Itema ane molu noxou Mosinge la vote'i uxolusio so susu noxou ne uiasi. Ia itema ane upupuiou Ulenu Laixe la vote'i so susu anene uiasi uasisi. Tina'u so susu anene uxolu vaimomo 'o mo ulai avile no anu voxovoxo ili'i.”

1 Timoti 4:7

Naxiunu tumalineou sitoli vita­vitanisi a loxo tatiatila milavu­sou mi'oxonu. Mo na'oxo aloxo 'o. Na'isalilinoxu xoluxoluxene no anu masaxa noxou Mosingesi.

1 Timoti 6:3

Ioxe, Tatananenge Iesua Kalaisiti mupilixinu vaikala so xoluxolu­nenge mu'isalili no anu Mosinge oponu. Ia tamitema se'i ipolo va'axu mo ilanu vaikala so ilapune'i tamitema no anu vote'i ane ulapu uasi.

1 Timoti 6:5

Mo voxovoxo utotomu ikusukusu'a no anu vaikalasi xo xavutalai'a vuluvulusi mo mi vile manina no anu uasi. Mo ikalavoi lexe loxo i'una no anu xaixai noxou Mosinge la anene vote'i so ixalisou lamoli xe mimi.

2 Timoti 3:5

Tamitema ane xo ne isaxi lexe imulinu ili'ilixo ane Mosinge u'osasou, ia mi ne no anu sosousi, temanu to uasi. Xo xavi manina no anu vaikalaou Mosinge la ixiunu tumali'aou. Laso na'umenu vasi­mene mo naxolu va'axu noxi'a tamitema ane xo ne.

Luku 5:38

Laso maixene tatau uaini alavua no anu lexa vexasou alavuasi.