1 Timoti 4:7 - Ata New Testament

⁷ Naxiunu tumalineou sitoli vita­vitanisi a loxo tatiatila milavu­sou mi'oxonu. Mo na'oxo aloxo 'o. Na'isalilinoxu xoluxoluxene no anu masaxa noxou Mosingesi.

1 Timoti 4:7 Referans Kwoze

1 Timoti 1:4

Mo laixe so ipilixinu ilixo so ingalo mo inana kakau olovoxo ne. Xo loxo 'o io uxalixu tu'utumaxu no taine'i tamitema. Vaivaikala axone usu'u­line'i tamitema so ilopala no anu xaixai noxou Mosinge no taine'i uasi.

2 Timoti 2:16

Ia na'umenu vasimene no anu vaikala lexalexa vitanisi ane Mosinge u'osasou uasi. Xo vaikala axone ulapune'i tamitema no anu ili'ilixo ane upolo va'axu no anu masaxa noxou avile.

Taitusi 2:12

Xe iaiama noxou Mosinge ne ulosoiengixu vote'i so tapilixinu ili'ilixo ane uxilililiou Mosinge oponu. Mo so masama­saxa so mimi so lialia xe no anu vasimenge upamuxanenge uasi. Nenge taxolu no taitaine'i tamitema so lialia 'o ia iaiama noxou ne mulosoiengixu xoluxolu ane mula­pusi mo u'isalili no anu masaxa noxou.

Taitusi 3:9

Ioxe, anene su'uli laixe. Ia mi loxo oto'oto vitanisi no anu vaikala xe nana vuluvulusi xe so ipelesou anaxa'a no anu vaikala kitukitu so lo, la usu'ulinenenge axova? Mi axone nene'axu laixe uasi.

Ipilu 5:14

Ia loxo la'ilali pakia'u ne la anu si'a tamitema tane'i mukalu. Ane'i ilavusou vote'i so itilovosou mi ane laixe xe mi ane masua xo itovoto­vonu utotomu. Anu loxo ipilekitisi no anu.

2 Timoti 2:23

Ia mamu so namulaxu sangali­neou vaikala vuluvulusi ane tamitema me'a ixavutalanusi. Xo mi axone uxalixu oto no anu vaikalasi.

2 Timoti 4:4

Laso itomunu sangali'a no anu vaikala manina ka ikisinu so ilomuxu a'alo e tamitema me'a mixalixusi.

1 Timoti 6:11

Ia loxo nini, la namitemaou Mosinge laso na'umolu mo na'umesou mimi so mamulo ne. Na'umesou anene mo namulinu ilixo aloxo 'o. Xoluxoluxene ula­pusi mo ulovo no anu masaxa noxou Mosinge. Xe lopala noxine ututulu noxousi mo nasexelaxa'a tamenexine. Xe loxo tu'umaxu ma'ia uxalisine la natulu pakia'inesi mo oponeni lexasi noxi'a tamitema mukalusi.

Ta'aposeli 24:16

Laso utotomu opoleli ututulu pakia'u lexe a'oxonu mi vile so amaila no ie'i tamitema o no iou Mosinge uasi.”

1 Timoti 6:20

Uo, Timotio, mi ane Mosinge mupilixinu noxine la nalaxa'inu laixe. Naxolu va'axu no anu vaikala vuluvulusi so lialia. Mo tamitema ane'i i'oxo lexe ane'i takeleva la ane'i i'oxonu vaikala anu uxililiou Mosinge vaikalaou, ia nalomuxa'a mamu.

Taitusi 1:14

Napelototosi'a lexe ilomuxu ngalo noxi'a Taiuta uasi. Xe ilomuanu lo noxi'a tamitema ane ixiunu tumali'aou vaikala manina.

2 Timoti 3:12

Xo manina, tamitema mukalusi ta'ei ane ipita noxou Kalaisiti Iesua mo imasaxau xolu­xoluxa'a ulovou masaxa noxou Mosinge, la itavulenu xililisousi.

1 Timoti 3:16

Mo nenge mukalusi talavu lexe vaikala manina noxou ne anu mi mutiatila. Vaikala ne aloxo 'o. Kalaisiti mupala'a no anu vasimolu loxo itema no ie'i latala. Ulenu Laixe mupala'anixu ilixo noxou lexe malemalengasi. Ta'angelo misaxisou xoluxolu noxou. Tami­temaou mia'aloxu no xale tuatuala. Tatemanu lialia mose'i milopala noxou. Mosinge muno'u mutelaixu no tualasou iaxu.

1 Timoti 2:10

Xo loxo sema vile ivikala lexe ane imulinu masaxa noxou Mosinge la opone ututuluou mimi so vasimele uasi, ututuluou xaixai noxou Mosingesi.

1 Timoti 1:9

Tava'u ne aloxo 'o. Nenge talavu lexe Mosinge muxalixu lo so si'a tamitema tamalemalenga uasi. Anu muxalixu so si'a tamitema so ilixo masumasua mo xililisi. Tamitema anene imama'u noxou Mosinge uasi, opone'i utulu no anu sususi. Lo noxou Mosinge ne si'a tami­tema ane ilixo mo vaikalai'a nunu'iusi mo ane'i ane ive'a tamami'a taneni'a xe tamitema isoisoli.

1 Timoti 4:8

Xo loxo ta'ekisasaisi so vasi­menge uno'u xavi la anu usu'ulinenge sevile. Ia loxo ta'isalilinoxu xolu­xolunenge no anu masaxa noxou Mosinge la nenge tano'u su'ulisou tatila. Su'uli anene so xoluxolu vaimomo 'o xe no anu ane ili'i kalumo.

1 Timoti 6:3

Ioxe, Tatananenge Iesua Kalaisiti mupilixinu vaikala so xoluxolu­nenge mu'isalili no anu Mosinge oponu. Ia tamitema se'i ipolo va'axu mo ilanu vaikala so ilapune'i tamitema no anu vote'i ane ulapu uasi.

1 Timoti 6:5

Mo voxovoxo utotomu ikusukusu'a no anu vaikalasi xo xavutalai'a vuluvulusi mo mi vile manina no anu uasi. Mo ikalavoi lexe loxo i'una no anu xaixai noxou Mosinge la anene vote'i so ixalisou lamoli xe mimi.

2 Timoti 3:5

Tamitema ane xo ne isaxi lexe imulinu ili'ilixo ane Mosinge u'osasou, ia mi ne no anu sosousi, temanu to uasi. Xo xavi manina no anu vaikalaou Mosinge la ixiunu tumali'aou. Laso na'umenu vasi­mene mo naxolu va'axu noxi'a tamitema ane xo ne.