1 Timoti 4:6 - Ata New Testament

⁶ Laso naxolu napela'a tavivinge ne so mimi elemolu 'o. Xo axone la nini namitema so xaixai laixe noxou Kalaisiti Iesua ane. La naxolu na'ani'ani no anu vaikala so lopala na'a nenge mo taneniou lavulavu pumuxu ane a namulinu ne so nano'u xavi no anu.

1 Timoti 4:6 Referans Kwoze

Kolosi 3:16

Xe nga'ita­longengi so vaikalaou Kalaisiti uxolu upalava no tangengi. La ngingi vilevilesi ngavotongengi mo ngapelototo­singe ngato'o no anu vaikala mu'asi'asi. Xe ngalexenu lexe no anu Lavuku so Lexelexe mo lexe ane so u'itinu Mosinge ualasou mo lexe ane Ulenu u'avutinoxu no opongengi so ngavikala laixe noxou Mosinge.

Taitusi 2:1

Ia loxo nini, la napelototo u'isalili mo so xoluxoluxa'a Mosinge ta'olu ulovou vaikala pumuxusi.

Kolosi 4:7

Ioxe, loxo Tikikusi uxali noxinge la ua'alomengi laixe no anu mi ma'ia muxalisilo 'o. Tikikusi ne anu ulavusou uva'isu no anu mi ma'ia tatavulenu 'o, xo anu itema so xaixai laixe noxou Tatananenge mo anu vivinge ane tasexelaxu.

Matiu 13:52

Laso anu muvika­lane'i lexe, “Tamitema so lavulavu no anu lo se'i mixalisou lavulavu no anu voxo so Mosinge molu u'uli laxune'i tamitemaou no tualasou. La ane'i ne loxo mosou tani tatila vile. Anu ulai no tasou iauvaxe noxou so uliulixu mimi lailiaxe e teiteinu xe alavua ula.”

Iuti 1:5

Mi se'i aloxo 'o ngelavusou mukalu ia alemolu so tange­ngioula. Tatei Tatananenge mupa­mauline'i mo mu'umene'i Ta'isilaeli no xale lia ne Isipi, xe ili'i la mumamulone'i ane'i tanoxi'a ane ilopalanu uasi.

2 Tioni 1:9

Loxo itema vile upolo va'axu mo uxolu no anu votovotosou Kalaisiti uasi, la anu upalasi lexe Mosinge uxolu noxou to uasi. Ia loxo itema utalupexa laixe no anu votovotosou Kalaisiti la anu upalasi lexe Maminge ilou Olu a ixolu noxou.

1 Pita 2:2

Xo ngelavu, takeakea ilavusou itata­masou susuxa'a so iiexu. Xe ngingi la ngatatamasou vaikalaou Mosinge malemalenga axonesi xo loxo nga'ani no anu la ngingi ngaleme xo laso xoluxolu noxinge ulomotele no anu pamaulisinge ne.

2 Timoti 4:3

Xo nalomu, voxo une'e la tami­tema latala ilomuanu vaikala ane pumuxu mo manina. Ane'i imasa­xau vaikala ane ukikisou sangali'a xo ixamulinu sixisou no anu vaikala iouiou. Ixamulinu axone laso i'ava'avalia tamitema so ine'e ipili­xinu vaikala ane i'osasou so ilomusousi.

2 Timoti 3:10

Ia nini la nemulileli no anu vote'isou epela'axu Mosinge vaikalaou noxi'a tamitema xe no anu ili'ilixoleli xe no anu mi ane taleli u'oxoxu so a'oxonu. Mo neutitiieli no anu lopala ilou sexela noxilo xe no anu vote'i so opoleli pakia'uou xaixai mo loxo tu'umaxu uxali la atavulenusi.

2 Timoti 1:6

Laso eni amasaxau a'avutinixine no anu mi laixe e Mosinge mupilixinu noxinge no voxo loxo emulaxu avolo noxine tatei. Mupilixinu noxinge la aloxo navusi, laso nini natautauxu so uka alavuala.

1 Timoti 6:3

Ioxe, Tatananenge Iesua Kalaisiti mupilixinu vaikala so xoluxolu­nenge mu'isalili no anu Mosinge oponu. Ia tamitema se'i ipolo va'axu mo ilanu vaikala so ilapune'i tamitema no anu vote'i ane ulapu uasi.

1 Timoti 4:16

Nini nalaxa'i laixe no anu muamua'ixene mo votovoto noxine. Xo loxo natalo uasi la naxalisou nene'axu laixe no anu xoluxolu noxine xe noxi'a ane'i ane ilomuxu vaikalameni.

1 Timoti 1:10

Xe noxi'a tamitema so ilailai noxi'a tasema vitanisi mo tamulu ane ilai noxi'a tamulu. Xe noxi'a ane'i ane ipakaline'i tami­tema xe tamitema so kalaka­lavoi xe ane'i ane i'oxo loloxa'a tame­nexi'a. Anu axone, lo ne anu si'a tamitema ane ilixo noxi'a upolo va'axu no anu vaikalaou Mosinge.

1 Tesalonaika 3:2

Laso tepalusou Timoti mune'e noxinge so u'oxonu pakia'inge mo umama­tolangengi no anu lopala noxinge. Timoti ne anu vivinge ane, anu uva'isu no anu xaixai noxou Mosinge so talanu vaikala laixe so Kalaisiti.

Kolosi 2:19

Tami­tema ane xo ne itoxo laixe noxou Kalaisiti uasisi. Xo anu kisinge manina mo ani'aninenge molu a noxousi. Xe noxousi, la vasimolu pa'upa'usou utoxo laixe no anu vo'uvo'uxu, mo uleme no anu lemexu ane molu noxou Mosingesi.

Pilipai 3:16

Ia ilixo laixe ane a uxoxolu noxinge mukalu la taxolu no anu axonesi.

Epesusi 6:21

Ioxe, eni emasaxau lexe ngala­vusou xoluxolu noxilo 'o. Laso vivinge Tikikusi a ulai noxinge so ua'aloxo. Anu itema so kalakala­xuou xaixai noxou Tatananenge uasi.

2 Kolini 6:4

Nexi tamitema so xaixai noxou Mosinge laso oponexi utulu lexe anu upalasi no ie'i tamitema lexe ilixomexi ulapusi. Xo loxo tu'utu'umaxu o navunavu o mimi so uvila'isixe uxali la tatulu pumunexesi.

2 Kolini 3:6

Anu muxalinexe tamomomo so taxaxaisou konitalaki alavua. Anu konitalaki ne anu mi so vaikala kitukitu se so lo uasi, anu mi so Ulenu. Xo loxo tamitema opone'i no anu vaikala kitukitu se so lo la uxalixu mamulosoi'a. Ia loxo Ulenu la ulosi'a mauli.

1 Kolini 4:17

Masaxa noxilo so singe axone. Laso maixene epalusou Timoti mune'e noxinge ne. Anu kalumo loxo alixeli no anu xoluxoluxu noxou Tatananenge. Eni asexelaxu mo xaixai ma'ia alopalanu so u'oxonu la utotomu u'oxonusi. Mune'e noxinge so ulivunoxu xavutalemengi no anu ilixoleli so xoluxoluxo noxou Kalaisiti. Anene u'isalili no anu vaikalaxeli loxo alavusou alanu no anu pitapita no tuatuala.

Lomu 15:15

Ia vaikalaxeli se'i ekaukavunu 'o anu pakia'u sevile xo eni amama'u so avikala lamana uasi. Eni emasaxau alivu­noxu xavutalamengi no anu mi se'i mutiatila. Xo Mosinge muiaiama noxilo.

Ta'aposeli 20:35

Eni exaxai tatila axone so asu'uline'i tami­tema ane lamolii'a uasi. Emaxa'u noxinge so ngamaisou lexe anu vote'i laixe ane. Xo nenge masi taxavutalanu vaikalaou Tata­nanenge Iesua aloxo 'o, 'Loxo itema vile u'itinenge mi ma'i, la ta'osa sevile. Ia loxo nenge ta'itiou menexinge mi ma'ia la taxamulinu osa tatila.'”

Ta'aposeli 20:31

Laso ngalaxa'i laixe, tangengi­vulusiou pelototo noxilo uasi. Xo exolu no taingengi tau ie tatalu mo kakau olovoxo atalo so avikala lamana noxinge vilevilesi uasi. La ieli lexaxu munixi so emolo lolomumengi.

Luku 1:3

Ioxe, eni exolu ekilolo laixe no anu mi kikitu no anu a'alo noxi'a, musoko'u no tava'u manina mune'e. Laso maixene e'oxo lexe eni kalumo akaukavunu umulinu u'isa­lili. Xe ukalu, la akalanu ulai noxine nini Tiopilusi ne.

Ta'aposeli 1:15

Ioxe, no voxo anene la navasi'a tamitema loxo milopala noxou Iesua mumomomo no anu 120. La Pita mutulu no taine'i la muvikalane'i lexe,

2 Kolini 11:23

Xe i'oxo lexe ane'i tamitema so xaixai noxou Kalaisiti, ne? O eni so avikala loxo alongulongu avile toe. No anu xaixai noxou Kalaisiti la aua'ulixa'a avile. Xo no anu sasaieli xe no anu lalaxu so ekalavusu la aua'ulixa'a ane'i ne avile. Ane'i taxilili mi'otu'otuleli alaxu mulolutusi mo voxo tavu'alo elai alai no anu soli.

Pilipai 2:20

Apalu­sou Timoti xo itema vilela oponu vilesisi noxilo aloxo anu 'o uasi. Xo anu oponu u'oxoxu xoluxolu noxinge manina ane.

Pilipai 2:22

Ia loxo noxou Timoti 'o la ngingi ngelavusou ilixo noxou. Anu upalasi lexe musu'ulileli so texaxaisou vaikala laixe aloxo itema olu usu'ulinu no anu xaixai noxou.