1 Timoti 4:3 - Ata New Testament

³ Xo tamitema ane xo ne ivikala lexe tatavunenge no anu taula'i mo no anu la'ilali iouiou. Ia la'ilali anene Mosinge mukoinu mo so nenge ta'ei talavusou mo talopalanu vaikala manina la tavikala laixe noxou ka ta'ousi.

1 Timoti 4:3 Referans Kwoze

1 Timoti 4:4

Xo mimi mukalusi Mosinge mukoinu ne anu la'ilali laixe to. Tatavunu vile no anu uasi, tano'usi mo tavikala laixesou.

Ipilu 13:4

Xe no anu ngiou no anu taula'i la ngataxanu laixe mo ngailanu mi nuni'u no anu uasisi. Xo tamitema so ilixo nuni'u mo ane'i ane so ixola'u taula'i la Mosinge utilo­vosi'a mo ukoline'i.

Lomu 14:6

Xo itema ane usosovosou voxo lexe mutiatila, la anu tanuou Tatananenge so usosovosou axone. Xe itema ane ulavusou u'ani no anu mimi mukalusi, la anu tanuou Tatananenge no anu kalumo. Xo anu uvikalasou laixe noxou Mosinge kaio u'ou. Xe vile ne u'ou misoposi uasi, anu kalumo tanuou Tatananenge no anu. Xo ani'ani ma'ia u'ou ne anu uvikalasou laixe noxou Mosinge kalumo.

Kolosi 2:16

Laso mamu so itema vile upamuxangengi no anu lavuloto so lexe nga'ou o ngaiexu mi ma'ia xe so voxo tatila so lalotu mo lavilelu so so'io alavua mo no anu Voxo so Ma'ila.

1 Kolini 8:8

Ia Mosinge utongonenge no anu mi loxo ani'ani uasi. Xo loxo ta'ou la anu u'oxo­nenge laixe uasi. Xe loxo ta'ou uasi la anu u'oxonenge masua uasi.

Kolosi 3:17

La no anu mi ma'ia ngalemolu o nga'oxonu la no anu ualasou Tatananenge Iesuasi. Mo no anu ualasousi la ngavikala laixe noxou Mosinge anu Maminge.

1 Kolini 7:28

Laso loxo ngataula'i la mi vile uasi, anu susu uasi. Xe loxo tavuanga itaula'i ne la itaula'isi, isusu uasi ane. Ia eni talelilingenge ngingi loxo ngataula'i axone xo anu masi ialuxu no anu xoluxolu so vasimenge.

Lomu 14:3

Laso ngingi ane nga'ani'ani no anu mimi mukalusi la mamu so ngavikala masua noxi'a ane'i ane i'ou misoposi uasi. Xe ngingi ane nga'ou uasi la mamu so ngavikala masua noxi'a ane'i ane i'ou. Xo ngingi mukalusi ne Mosinge u'osasingesi.

Ipilu 13:9

Laso loxo ngalomusou votovoto iouiou alavua la ngapilixingengi so ulapungengi mamu. Anu laixe so oponenge utuluou iaiamasi xo anusi u'oxonu pakia'inge. Xo ane'i se'i la i'au'au no anu vaivaikalasou la'ilali ia ixalisou su'uli no anu lavuloto axone uasi.

1 Timoti 2:4

Xo anu umasaxau lexe tamitema mukalusi ixalisou lavu­lavu no anu vaikala maninasou mo ixalisou pamauli.

1 Kolini 6:13

Xe ngingi se'i masi ngavikala aloxo 'o, “Loxo tasolinenge la ta'anisi, mo loxo vasimenge ulapunenge no anu mi olele la ta'oxonusi.” Kalavoi ane. Manina, Mosinge mu'oxonu ani'ani so oponenge mo oponenge so ani'ani. Ia loxo vasimenge, la anu so susu olele uasi, anu noxou Tatananengesi. Xe Tatananenge, la anu molu usaxila'u vasimenge. Ia ili'i la Mosinge umamulonu mimi so xoluxolu no anu vasimenge ne.

Lomu 14:17

Xo no voxo so Mosinge molu u'uli laxune'i tamitemaou la ta'oso'oso no anu mi aloxone uasi. Xo no voxo anene oponenge utulu no anu mi ma'ia so ta'ou o taiexu? E uasi. Nenge oponenge utulu no anu ilixo malemalenga mo xoluxolu lalavulusi mo osa'ila ane molu noxou Ulenu Laixesi.

Matiu 15:36

La anu muno'u pileti 7 xe tasinana moso ne mo muvikala laixe noxou Mosinge. Mukalu la anu muse'ise'inu mo mulosi'a tatisaipeliou so ivelunuxa'a tami­tema.

Matiu 14:19

Ioxe, Iesua muvikalane'i tami­tema lexe ita'ota'olu no lia no laxalasi ne. Mukalu la muno'u pileti ta'uve ilou sinana soxu tamei ne. La anu mutala telo no loxotolo mo muvikala laixe noxou Mosinge so la'ilali ne. Mukalu la anu muse'ise'inu pileti ne mo mulosi'a tatisaipeliou so ivelunuxa'a tami­tema latala.

Ta'aposeli 27:35

Muvikala axone mukalu la muno'u pileti mo muvikala laixe noxou Mosinge no laxune'i. Mukalu la muse'inu ka mu'ou.

Tioni 6:23

Mixolu xo la pouti se'i molu ne Taiveliasi mune'e muxali noxi'a no anu apu e Tatananenge muvikala laixesou pileti kaiou mi'ani'ani no anu.

Luku 24:30

Mixolu mo ane'i a so i'ani la anu oli'a mixolu mipita so i'ani no latevolo. Xe anu muno'u pileti ka muvikalasou laixe noxou Mosinge. Mukalu la anu muse'inu mo muvelunuxa'a.

Matiu 15:11

Loxo itema u'ou mi vile so u'una no vasimolu la umomomo so u'oxonu masua no iou Mosinge uasi. Ia mi ane a uxoxolu nonano xe ula no anaxu, la anenesi u'oxonu masua no iou Mosinge.”

1 Timoti 5:14

Laso telexu aloxo 'o. Loxo sema vile mulue usoli ia ane vasimele lexale­xasousio la laixe so itaula'ila. Itaula'i so ivo'one'i ta'ilie xe isaxila'u tani laixe mo so tamitema so xilili la vote'i so isu'anu anaxa'ainge uasi.