1 Timoti 4:16 - Ata New Testament

¹⁶ Nini nalaxa'i laixe no anu muamua'ixene mo votovoto noxine. Xo loxo natalo uasi la naxalisou nene'axu laixe no anu xoluxolu noxine xe noxi'a ane'i ane ilomuxu vaikalameni.

1 Timoti 4:16 Referans Kwoze

Taitusi 1:9

Mo anu itema so ukama­kulunu vaikala manina loxo mulomusou no anu votovoto. Mo so loxo upeloto la upolo va'axu uasi, ulanu vaikala e pumuxu nesi. Xe loxo tamitema ixilili la uko­line'i no anu vaikala ne la saexa'a uxolasi.

Taitusi 2:7

No anu xoluxolu noxine la mi ma'ia na'oxonu ne u'isalili mo so loxo ane'i imaisou la imulinusi. Xe loxo nalulusou Mosinge vaikalaou la napolo va'axu sevile uasi. Mo no anu ilixo noxine la naxolaxola uasi mo so ane'i itaxaneni.

2 Timoti 4:2

Xavineni so navotovo­tosou Mosinge vaikalaou. Mamu so nakalipalanu voxo se'i lexe taimusou u'isalili xe voxo se'i lexe taimusou uasi. Naxolu nalalaxi so nalanu no anu voxovoxo mukalusi. La nale­molu vaikala ane so uto'o­molu opone'i tamitema so susu noxi'a mo ane so uxiunu opone'i. Naxolu oponeni se'isisi manina noxi'a so napelototosi'a mo na'isali­linoxu Mosinge vaikalaou noxi'a.

Epesusi 4:14

Xo tamolomolo ilavu­sou ilomuxa'a tamitema vitanisi. Ia nenge ta'oxo axone uasi, tatilovo laixe. Xo tamitema se'i masi ilalaxinu xavutalai'a so ixilisinenge mo i'oxo lolonenge. Laso loxo talomuxa'a vitanisi, la taxali loxo uaxa ane xasi ilou sivo upamupamuxanu vuluvulusi.

Ipilu 13:9

Laso loxo ngalomusou votovoto iouiou alavua la ngapilixingengi so ulapungengi mamu. Anu laixe so oponenge utuluou iaiamasi xo anusi u'oxonu pakia'inge. Xo ane'i se'i la i'au'au no anu vaivaikalasou la'ilali ia ixalisou su'uli no anu lavuloto axone uasi.

Ipilu 12:15

Xe ngalaxa'ingenge laixe xo loxo 'o io se'i noxinge ine'e alai no anu iaiama noxou Mosinge sika ilapau ilivusi. Xe mamu so vuvulu'u masua uleme no taingengi mo uxalixu nene'axu sixula. Xo axone la uxalixu tu'utu'umaxu tapiena mo susu ne usuku noxinge tavu'alo.

2 Timoti 3:14

Ia loxo nini, la mimi ane nexalisou lavulavu no anu mo nemulaxu pakia'u no taneni, la naxolu no anu anenesi. Xo nini nelavusou xoluxolunexe nexi ane tepela'inexu ne.

Luku 21:34

Laso ngalaxa'i laixe. Xo loxo 'o io ngavaxa ngane'e so ngaie no anu leilei mo ngasipakisi xe opongengi uauavuti so mimi so vasimenge. Loxo mimi axone utetelisingesi xe voxo olele uxali la alaxu vilesisi ukulukengengi ane. Ukulu­ke­ngengi aloxo tami­soposi ikuluke mi ne tamitema ipiliune'i no anu kae.

1 Timoti 4:6

Laso naxolu napela'a tavivinge ne so mimi elemolu 'o. Xo axone la nini namitema so xaixai laixe noxou Kalaisiti Iesua ane. La naxolu na'ani'ani no anu vaikala so lopala na'a nenge mo taneniou lavulavu pumuxu ane a namulinu ne so nano'u xavi no anu.

1 Timoti 1:3

Ioxe, mala'o loxo eni so alutu ne Epesusi so ane'e ne Masetonia polovinisi la epelototosine, mo a alemolu 'ola. Naxoxolu ne Epesu­sisio mo so napelototosi'a tami­tema se'i ne mo na'apixa'a lexe mamu so imulaxu xavutala se'i iouiou no latanu votovoto.

Lomu 16:17

Ioxe tavivilo eni apelototosinge aloxo 'o. Ngingi masi ngalaxa'i laixe noxi'a tamitema se'i no taingengi. Xo ane'i masi ixalixu vaikala ane uxililiou votovoto loxo ngelomusou. I'oxo axone la masi tu'umaxu uxali la pita noxinge umamulo. Laso ngamaloxo'u vaikalai'asi.

2 Timoti 2:10

Laso maixene loxo mi ma'ia uxalisilo la alavusou a'oxo pakia'u opoleli lexe atavulenusi, xo amasaxau asu'uli­ne'i tamitema ane Mosinge muiloune'i lexe tanoxou. Amasa­xau lexe ane'i kalumo ixalisou pamauli e noxou Kalaisiti Iesua mo so i'una no anu xoluxoluxu lailaixe mo iaxu kaluxu uasi.

1 Kolini 9:27

Xe asolonu latilovo ne aloxo 'o. Loxo ane'i, la i'oto so iua'ulixu menexi'a. Ia eni 'o, la atovonu so aua'ulixu masamasaxa no anu vasimelo mo so u'uli laxuleli uasi. Xo loxo a'oxo axone uasi la masi alanu vaikala laixe noxi'a tamitema latala ia Tatana­nenge utilovosilo mo uxexeleli no anu xaixai noxou ne.

Ta'aposeli 6:4

Xo axone la nexi tamulaxu oponexi no anu xaixai noxixe ane so tavivikala noxou Mosinge mo so tavelunu vaika­laou.”

Maki 13:9

Mo Iesua musolonu aloxo 'ola, “Ia ngingi ngalaxa'i laixe. Xo ane'i itulusinge so ikotingenge mo ipua­pua­singe no anu tatasou lavu­loto. Mo tava'u xo ngingi ngaa'aloxo laso itulusinge no laxune'i taxa­mani xe takingi. Itulu­singe laso ngingi ngaa'aloxo noxi'a.

Tiemisi 5:20

La tangengiou vaikala ano'o laixe. Anu ane muxiunu mulivu­noxu vivinge musususu olele, la mupamaulinu no anu soli ane. Mo no anu anene la mu'oxonu vote'i so susu tavu'alo noxou vimou ne Tatananenge uxavutalanula uae. Anu anesi.

Taitusi 2:15

Laso utotomo nalemolu mimi ano'o noxi'a tamitema. Napeloto­tosi'a xe loxo se'i ipolo va'axu la nalovonixi'a no anu xavisi. Masi oponeni lexe ilomuxene uasi, ia mamu so namama'u, navikalasi.

Kolosi 4:17

Xe ngapelototosou Alikipusi lexe, “Xaixai ane nexalisou noxou Tatananenge la nalaxa'inu laixe mo so namo­moxu.”

1 Kolini 9:22

Xe loxo tamitema tane'i mamalaxu so itilovo laixe uasi la eni xoluxoluxo no taine'i axone kalumo. A'oxo axone so alapune'i mo asu'uline'i no anu vaikalaou Kalaisiti kalumo. Laso ane. Loxo axolu no taine'i tami­tema kaini axova la xoluxo­luxo loxo ane'isi. Xo eni akakamulinu vote'i so alapune'i tamitema latala so ane'i ine'e ixalisou pamauli.

Lomu 11:14

Xo aloxo 'o. Eni amasaxau lexe a'avutinoxu opone'i tatemanu tualasilo. Xo loxo imaisou nene'axu xaixai noxilo no taingengi la ane'i imasaxau kalumo. Mo loxo imasaxau la ane'i masi ixalisou pamauli kalumo.

Lomu 2:7

La tamitema se'i ne, opone'i ututuluou ilixo laixe. Xo ane'i opone'i utatamasou vote'i so xoluxolu laixe no tualasou Mosinge. Xe imasaxau lexe anu uvikalasi'a laixe mo uvikala lexe isolila uasi. Laso tamitema axone la anu ulosi'a mauli kaluxu uasi.

Ta'aposeli 26:22

Ia Mosinge musu'ulileli la exolu laixe mo a muxali vaimomo 'o. Laso atutulu 'o mo avikalangengi tatiatila xe tamitema vitanisi. Avikalangengi lamana lexe amulinu xavutala na'a xeli uasi, amulinu vaikalai'a tapolopeti xe Mosisi e milemolu tatei u'isalili.

Vilemoni 1:19

Eni Polu akaukavunu vaikala ano'o no avolo 'o. Eni melo akolinu tina'u ne. Ia no anu tina'uxene so maulixene e uai noxilo 'o, la masi tava'u so alemolu uasi, ne?

1 Tesalonaika 2:16

Ane'i itanutanunexe so talanu vaikala so pamauli noxi'a tamitema noale'ale uasi. Ane'i me'a isu'anu la'oluxu susu noxi'a la anu loxo uana'ana avile. Laso la'ia noxou Mosinge mumomomo mo mulalaxisi.

1 Kolini 1:21

Ioxe, Mosinge mumaxa'u lavu­lavu noxou aloxo 'o. Ane'i tamitema so lavulavu no anu lialia 'o me'a imomomo so ilavusou Mosinge uasi. Ia vaikala e mi'oxo lexe muxovulaulau ne, Mosinge musosovosou lexe anu anesi vote'i so pamauli. Xo aloxo 'o. Nexi talanu vaikalaou laixe xe loxo tamitema ilopalanu, la Mosinge upamauline'i ane.

1 Timoti 4:15

Kalakalaxene uasi, oponeni utuluou mo nasoa no anu xaixai noxine mo so tamitema latala imaisou lexe uiave laixe.