1 Timoti 4:10 - Ata New Testament

¹⁰ Mosinge anu a uma­mauli xe anu mosou pamauli noxi'a tamitema latala. Ia tamitema ane upamauline'i ne, ane'i ane ilopalanusi. Mo loxo nenge, la tetulusou lopala noxinge noxousi. Tetulusou lopala noxinge noxou laso maixene xavinenge mo sasaie­ngeou xaixai noxou.

1 Timoti 4:10 Referans Kwoze

1 Timoti 2:4

Xo anu umasaxau lexe tamitema mukalusi ixalisou lavu­lavu no anu vaikala maninasou mo ixalisou pamauli.

1 Tioni 2:2

Xo anusi a vote'isou tina'unenge so susu mukalu. Ia anu vote'isingesi uasi, anu vote'isi'a tatemanu lialia mukalusi so tina'uxa'a so susu ukalu.

1 Timoti 2:6

Xo anu mupi­lixinu lape umomomo noxi'a tamitema mukalusi. Lape ne, mauli noxousi. Mu'oxo axone xe no voxo loxo Mosinge musosovosou, la a'alosou mupala'a.

Tioni 1:29

Xe no voxo loxo nei'ela la Tioni mumaisou Iesua a umuamua'i une'e noxou la Tioni muvikala lexe, “Ngamalei, anene Sipisipi Ilie noxou Mosinge ane! Anu mosou e so uxexenu susu noxi'a tatemanu lialia.

1 Tioni 4:14

Xe mi ane tesaxisou la tapala'anixu lamana aloxo 'o. Maminge no tualasou mupalusou Olu mune'e no lialia so uxali Itema so Pamauli si'a tatemanu.

Tioni 4:42

La mivivikala noxie sema olele lexe, “A tava'u so talopala aloxo xo no anu vaikalamenila uasi. Nexi mexe telomusou vaikalaousi laso telavu lexe anu ano'osi a Itema so pamaulisi'a tatemanu lialia.”

Tioni 5:24

A avikalangengi manina e maninasi. Loxo itema ulomuxu vaikalaxeli mo ulopala noxou anu ane mupalusilo ene'e 'o la uxalisou mauli kaluxu uasi. Xe no anu voxo so tilovo olele la vaikala so mamulo usu'asou uasisi xo anu muvula mula no anu xoluxolu so soli mo a mu'unalai no anu mauli mukalu.

Ipilu 13:13

Laso ane, nenge masi loxo talai noale no anu kemu kalumo so tapita no anu maila e mutavulenu ne.

1 Pita 1:21

Mu­su'ulingengi la ngingi a ngelopala noxou Mosinge e mutulusou Kalaisiti no anu soli kaio mulosou uala ane u'uli'uli. Laso maixene lopala noxinge utulu pumuxu noxou Mosinge mo ngingi a ngalopalanu ngaxomaiou mimi e muvavali­masou.

Ipilu 11:26

Xo loxo axolu ne Isipi 'o la masi axolu no latanu mimi. Mo loxo a'una noxi'a olele la atavulenu maila no anu ualasou Itema Mosinge musoso­vosou. Ia mi vile uasi, xo lakolisou ane so axalisou ili'i ne lailaixe mo uua'ulixu ano'o avile.”

1 Timoti 6:17

Mo napelototosi'a tamitema ane ixolu no anu mimi latanu lexe mamu so i'itine'i no anu mimii'a ne. Mo mamu so ilopalanu mi ane ukalu paleasi ne. Ilopala noxou Mosingesi xo anu mosou so uitimenge mimi ane uxalixu osa maninasou.

1 Timoti 3:15

Ia talavu uasi, masi mi vile utanuxo so axali palea noxine uasi. Laso maixene ekaukavu 'o so nalavu lexe xoluxoluxa'a Mosinge ta'olu laixe axova. Xo tamitemaou Mosinge ne ane'i tasou ane. Mo pita noxou Mosinge ane umauli ne anu utulu pakia'usi xo anu loxo posi so utavulenu vaikala manina.

Matiu 27:43

Xo mulopala noxou Mosinge la mu'oxo lexe anu Mosinge Olu. Ioxe loxo Mosinge u'osasou la upamaulinu ane.

Matiu 16:16

La Pita mukolinu lexe, “Nini ane so Kalaisiti a. Nini nami­tema e Mosinge ane umamauli musoso­vosou.”

1 Kolini 15:10

Ia vaimomo 'o xoluxoluxo aloxo 'o xo no anu iaiama noxou Mosingesi. Muiaiama noxilo la ulapau vitanisi uasi. Muxalixu nene'axu xo no anu xaixai noxilo la aua'ulixa'a ta'aposeli mukalusi. Ia eni melo uasi, iaiama noxou Mosinge a uxoxolu noxilo so ulosilo xavi no anu xaixai anene.

2 Kolini 1:10

Mole mane la tasolisou ia Mosinge molu mupamaulinexi mo upamaulinexi axonela. Xe nexi lopala na'a nexi utulu noxousi laso talavu lexe mi ma'ia uxalisixe ili'i la anu upamaulinexi no anu axonela kalumo.

1 Timoti 2:3

Mosinge e mosou pamauli ta'olu ivikala noxou axone xo anu laixe no iou mo u'osasou.