1 Timoti 4:1 - Ata New Testament

¹ Ioxe, Ulenu Laixe muvikala lamana lexe no anu voxovoxo unene'e la se'i ixiunu tumali'aou vaikala manina e talopalanu. Xo ane'i ilomuxu mo imulinu vaikala so kalavoi noxi'a ta'angelo tama­sua.

1 Timoti 4:1 Referans Kwoze

2 Pita 2:1

Tatei la tapolopeti kalavoi se'i mi'avuti no taine'i Ta'isilaeli. La anu axonesi, xo tatisa kalavoi se'i masi ixali no taingengi ka ipakisinoxu votovoto kalavoi u'una so umamulonu lopala noxinge. Tamitema anene Tatananenge mupilixinu lapesi'a kalumo ia ane'i ixililiousi mole me'a ixalixu mamulosi'a paleasi.

Iuti 1:18

Ane'i mipela'inge lexe, “No anu kaluxusou voxo la tami­tema so imolo suku ixali la ixiunu tumali'aou masaxa noxou Mosinge kaio imulinu masaxa masua noxi'amo.”

2 Pita 3:3

Ia mi vile mutiatila so ngalamana no anu aloxo 'o. No anu kaluxusou voxovoxo tamitema so imolo suku ixali mo imulinu masaxa masua no opone'isi. Ane'i imolo suku aloxo 'o.

Iuti 1:4

Xo tamitema se'i a mipakisi mi'una'una noxinge ne. Tamitema ane xo ne sosovo so mamulo muxolu noxi'a tateimo xo ixiunu tumali'aou ilixo noxou Mosinge. Ane'i ipilixine'i no anu ilixo masumasua iouiou kaio ixiunu vaikala so iaiama noxou Mosinge so ivalaxu ilixone'i ne. La ixiunu tumali'aou Tilasinge mo Tatananenge vilesisi e Iesua Kalaisiti.

2 Kolini 11:3

Ia eni auali xo axavutalanu vote'i so sineke mu'oxo loloxe Ivi no anu kalakalavoi noxou. Xo mamu so mi vile ulapunu xavutalamengi axone kaio ngaxe­xesou xoluxolu malema­lenga so opongengi u'oxo­xu Kalaisitisi.

2 Timoti 3:13

Ia tami­tema tamasua xe ane'i ane so ikalavoi kaio itulu no anu tani­tanixa'a toxonesi, la isusu xo mole utila avilesi. Ane'i ikakalavoine'i leviani xe ane'i kalumo imalukusou kalakalavoi.

1 Tioni 4:6

Ia nenge la tanoxou Mosingesi, laso tamitema ane ilavusou Mosinge la ilomu­nenge. Io ane'i ane tanoxou Mosinge uasi la ilomunenge to uasi. Laso no anu vote'i anene la talavu lexe Ulenu so vaikala manina o ulenu so kalavoi uxolu noxou itema vile.

Tioni 16:13

Ia loxo anu Ulenu so Vaikala Manina une'e la anu upamuxanu xavutala noxinge mo so ngalavusou vaikala anu temanu manina mukalusi. Anu ulemolu vaikala ane molu u'avutinoxu uasi, ulemolu mi ma'ia ulomusou noxou Mamingesi. Mo anu upela'ingexu mimi ane so uxali ili'i.

1 Tioni 2:18

Ta'alixeli, nenge'a taxoxolu no anu taimusou kaluxusou voxoe'a. Tatei ngingi ngelomusou vaikala lexe Xililiou Kalaisiti uxali sila ane'i taxililiou Kalaisiti tavu'alo a mixali mukalu 'oe. Laso anene upela'inge lexe taxolu no anu taimusou kaluxusou voxo ne.

Mupala'a 2:11

Anu ane, loxo itema sangalou la ulomuxu vaika­­laou Ulenu Laixe anu upilixinu noxinge no anu pitapita. Noxi'a tamitema ane so iua'uli, la ixalisou soli tameisou uasi.”

2 Timoti 4:4

Laso itomunu sangali'a no anu vaikala manina ka ikisinu so ilomuxu a'alo e tamitema me'a mixalixusi.

Mupala'a 20:10

Ioxe, Uluaou u'oxo loloxa'a tamitema axone laso Mosinge usu'anu no anu taxa toxoxu ane navu ilou lavo'o axexaxu u'ani'ani no anu. Taxa e mi vova ilou polopeti kalavoi a ixolu no anu kalumo. La ane'i tatalu ne itavulenu navunavu no aso xe olovoxo ulai ulai xo mole kalu­xusou uasisi.

Mupala'a 3:6

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita.”

Mupala'a 2:29

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pita­pita.”

1 Pita 1:20

Tei manina loxo Mosinge ukoinu lialia uao la musovosou Kalaisiti lumamo no anu xaixai ane so ulotongengi ngalivu noxou. Laso vaimomo 'o no anu kaluxusou voxovoxo 'o la anu mupala'a so usu'ulingengi.

Mupala'a 18:2

La mu'ava tatila lexe, “Taoni tatila ne Vaviloni mumamulo e mumamulosi. Mo a muxali tasi'a ta'angelo e tauluaou, a tanixa'a ta'ulenu tamasua e. Ane'i tangiala tamasua e ani'anixa'a nuni'usi tatatananu tatani ne.

Kolosi 2:18

Mo loxo evile u'itinu no anu mi vile u'oxo lexe umaisou no anu aisaxi ka uvikala lexe ngalu'e­ngengi mo ngamaxa'u mama'u noxi'a ta'angelo la mamu so ngalomuxu. Itema loxo umalo­xo'inge axone la anu umulinu xavutala no anu vasimolusi so u'itinu vitanisi axone.

1 Kolini 10:20

Vaikalaxeli laxu aloxo 'o. Loxo tamitema so isivoxo ilaixu mimi so loxo ilosou momosi'a kalavoi la ane'i ilosou Mosinge uasi ane. Loxo manina la ane'i ilosi'a ta'angelo tamasua ane. Laso opoleli lexe nga'oxo axone uasi xo loxo 'o io ngapita noxi'a ta'angelo tamasua.

Mupala'a 20:8

Xe loxo ula la u'oxonu loloxa'a tatemanu xale tuatuala mukalusi. Tuatuala ne itotokalasou lexe Xoxu xe Maxoxu. La anu upitane'i so ilalaxisou i'oto no anu uo. Ane'i tavu'alo e tavu'alo aloxo io'iio'i no luaki 'o, tamomomo so ta'itisi'a uasisi.

Mupala'a 19:20

Mixolu so i'otoxa'a ia anu oli'a ta'amiou mikasi'a mi vova ilou polopeti kalavoi. Polopeti kalavoi ne anu mosou e mu'oxonu sosovo so xavi no iou mi vova olele. Laso no anu vote'i anene la mu'oxo loloxa'a tamitema so mino'u sosovo noxou mi vova mo mi'itinu mi e musaxi loxo anu. Mikasi'a ilou xe imamaulisio ia misu'ane'i milu'elai no anu taxa e navu ilou lavo'o axexaxu u'ani'ani no anu.

Mupala'a 18:23

Mo lalamo kaxu uxali noxinela uasi. Xe tamitema ilomusou xoline'i mulu olie sema ane so itaula'i uxali noxinela uasi. Mimi noxine ne tasiaxu avile xo tamitema so lailoto noxine ne ane'i tatiatila manina no anu lialia mo nini ne'oxonu loloxa'a tatemanu xale tuatuala mukalusi.”

Mupala'a 13:14

Mosinge mu'italonu so u'oxonu sosovo so xavi axone no iou mi vova ane tei. Mo so axone la anu u'oxonu loloxa'a tatemanu lialia la mupalupalusi'a aloxo 'o. Mupalu­si'a lexe ane'i i'oxonu mi vile ane usaxi loxo mi vova ane tei so i'itinu ualasou. Mi vova e mito'omolu no anu laviso so oto ia mumauli mo tanixu muvesasi.

Mupala'a 9:20

Ioxe, tu'utu'umaxu ne muma­mulone'i laili toxoxu e toxoxu. Ia ane'i loxo mixoxolusio ixiunu opone'i uasi no anu mimi masua loxo me'a mixalixu no avo'avo'a. Xo ane'i mi'itine'i ta'angelo tamasua. Mo mixalixu momosi'a kalavoi no anu koli xe siliva xe valasi. Mo mipuinu lavo'o ilou ovu so lexe momosi'a ia mi axone umauli so umalei o ulomu o umuamua'i uasi to!

Mupala'a 3:22

Anu ane, loxo itema sangalou la ulomuxu vaikalaou Ulenu Laixe anu upili­xinu noxinge no anu pitapita.”

Mupala'a 3:13

Anu ane, loxo itema sangalou la ulomuxu vaikalaou Ulenu Laixe anu upili­xinu noxinge no anu pitapita.”

Mupala'a 2:17

Anu ane, loxo itema sangalou la ulomuxu vaika­laou Ulenu Laixe anu upili­xinu noxinge no anu pitapita. Noxi'a tamitema ane so iua'uli la alosi'a la'ilali mana e uxolu utalume. Mo alosi'a lavo'o kea vilevilesi. No anu lavo'o vilevilesi ne akaukavunu ualaua­lasi'a mo ane'i tamosousi ilavusou, se'ila uasi.”

Mupala'a 2:7

Anu ane, loxo itema sangalou la ulomuxu vaikalaou Ulenu Laixe anu upilixinu noxinge no anu pitapita. Noxi'a tamitema ane so iua'uli, la apilixine'i so i'ani no anu ovu so mauli ane uxolu no xai noxou Mosinge no tualasou.”

1 Kolini 12:11

Xaixai iouiou ne molu noxou vilesisi e Ulenu Laixesi. Anu uvelunu lavulavu so xaixai anene noxinge vilevilesi no anu masaxa noxousi.

Ta'aposeli 28:25

Ane'i opone'i mukalipala axone la mikusukusu'a no anu vaikala ngato'o. Xe ane'i so ilala la vaikalaou Polu kaluxusou aloxo 'o, “Ai, Ulenu Laixe muvikala manina noxi'a ta'ilusu­nenge no anu anaxu polopeti Aisaia aloxo 'o,

Ta'aposeli 17:18

Anu muxolu no loxomala ne la tami­tema so lavulavu se'i mine'e mitaxunu vaikalaou mo so oli'a ikolikoline'i ngato'o. Ane'i ne so laili Epikulia xe Sitoiki. Se'i mivikala lexe, “Ai, itema ano'o uvikala vuluvulusi ane.” Xe se'i mi'oxo lexe, “Anu masi u'itinu ualasou momosi'a tamitema so tuatuala se'i ane.” Ane'i mixovulaulau axone xo milomusou Polu uvotovotosou Iesua lexe Mosinge mu'umenu no anu soli. Milomusou axone ia tane'ilili no anu laxu.

Ta'aposeli 13:2

No voxo vile la tamitema no anu pita ne mixolu so ivikala noxou Mosinge. Opone'i mutulu no anu anene la mixolu maxuveni mo i'ani uasi. Ane'i a ivikala noxou Mosinge sila Ulenu Laixe upala'anixu noxi'a lexe, “Ningi ngatulusi'a Vanavasi ilou Sauli no anu xaixai vile esosovosi'a no anu.”

Mupala'a 16:14

Ta'ulenu ne ane'i ta'angelo tamasua ane ilavusou i'oxonu sosovo so xavi iouiou. Ane'i milailai mipitane'i takingi so xale tuatuala mo so ilalaxi no anu uo. Uo anene so voxo tatila noxou Mosinge e u'uli'uli avile.

Matiu 18:7

Anu masua manina noxi'a laili so lialia 'o xo ane'i ixalixu mimi ane so u'oxone'i tamenexi'a itulaki ka ilapau no anu susu. Laso noxinge, la anu manina lexe mimi uxali so ngatulatulaki no anu. Ia masua noxou itema aneva uxalixu tulaki mo upalusi'a tamenexu no anu susu axone.

Luku 17:1

La Iesua muvikalane'i tatisai­peliou lexe, “Anu manina so mimi uxali so ngatulatulaki no anu. Ia masua noxou itema aneva uxalixu tulaki mo upalusi'a tamenexu no anu susu axone.

Ta'aposeli 20:23

Mi ano'osi mulamana noxilo. Elailai no tuala ne'ei, la Ulenu Laixe upela'ilo lexe lakalavusu mo tu'utu'umaxu a uloxosi so axalisou ili'i.

Ta'aposeli 21:11

Muxali noxixe la muno'u laletiou Polu xe molu musakinu tava'u ilou avolu mo muvikala aloxo 'o, “Ngamalei 'o. Ulenu Laixe upala'anixu lexe Taiuta so Ielusalemo isakinu mosou laleti 'o aloxo 'osi. Ane'i isakinu ka ipilixinu noxi'a tami­tema noale'ale.”

1 Kolini 2:10

Mimi anene mutalume ia Mosinge mupala'anixu noxinge noxou Ulenu Laixe. Xo Ulenu Laixe utongonu mimi mukalusi. Mimi e mu'asi'asi noxou Mosinge kalumo la Ulenu utongonu ane.

1 Kolini 11:19

Ngakalipala se axone la no anu vote'i anene masi upala'a lamana lexe Mosinge u'osasi'a ta'ei no taingengi.

Tiemisi 3:15

Lavulavu ane xo ne anu lavulavu mu'asi'asi e ululu'e no tualasou Mosinge uasi. Anu mi so lialia xe anu mi so tava'u susu no vasimenge xe anu mi noxou Uluaoumo.