1 Timoti 3:3 - Ata New Testament

³ Mo aloxo 'o kalumo. Anu itema so usipaki uasi. Xe anu itema so la'iaxu palea uasi, uxolu oponu lexa noxi'a tamenexu mo uxalixu tu'utu'umaxu uasi. Xe anu itema so oponu ututulu no anu lamoli uasi.

1 Timoti 3:3 Referans Kwoze

Taitusi 1:7

Xo itema so uvu'ulinu pita axone la xoluxoluxu lamanasi no ie'i tamitema xo anu so ulaxa'inu xaixai noxou Mosinge. Anu itema so usoune'i tamitema so imulinu masaxa noxoumo uasi. Anu itema so la'iaxu palea uasi xe itema so usipaki uasi. Xe itema so u'oto uasi mo kalumo oponu ututuluou lamoli ilou mimi so vasimenge uasi.

Taitusi 3:2

Mo ane'i ivikala masuai'a tamenexi'a uasi. Xe ane'i tamitema so i'avutinoxu tu'utu'umaxu uasi, ixolu se'isisi mo opone'i lexa noxi'a tamenexi'a mukalusi.

Epesusi 5:18

Mo mamu so ngaiexu lexa pakia'u mo so ngasipaki xo axone la uvila'i­singe ane. Nga'italongengi so Ulenusi uana'ana noxinge mo upamuxangengisi.

1 Timoti 3:8

Mo axone kalumo noxi'a tami­tema so su'uli. Xo itema so su'uli ne anu uxolaxola uasi, anu oponu utulu no anu xaixai noxousi. Anu itema so uxiuxiunu vaikalaou uasi. Xe anu itema so usipaki uasi mo uisuisuxu lamoli uasi.

Tiemisi 4:1

Laso atali'isinge axo'. Tava'u axova so ngapelesou anangenge mo tu'utu'umaxu a uxolu no taingengi ne? Anu tava'u no anu masamasaxa e u'avuti mo uxalixu oto no vasi­menge, ne?

1 Pita 5:2

Ngingi ngalaxa'ine'i tamite­maou Mosinge laixe xo ane'i loxo tasipisipiou ane mupilixine'i no avonge ne. Laso loxo ngaxaxai so ngasaxila'a la nga'oxonu loxo evile usoungengi no anu uasi. Nga'oxonu xo ngingi menge ngamasaxau xaixai anene mo ngalavu lexe anene masaxa noxou Mosinge. Mo tava'u nga'oxonu so ngano'u lapesou uasi, nga'oxonu no anu osa maninasou no opongengisi.

Ipilu 13:5

Nga'umengengi so ngaxolu lala­vulusi no anu isuisu so lamoli. Mi ma'ia ngeno'u mukalu la opo­ngengi u'osasou xo Mosinge molu muvi­kala lexe, “Eni axiunu tumali­loinge uasi mo apilixingengi so ngaxolu ta'oloxola uasi.”

Taitusi 2:3

Xe noxi'a tasema tatiatila la axone kalumo. No anu ilixo noxi'a la ilu'ene'i mo imulinu masaxa noxou Mosingesi. Xe ixixaoxao so itunana uasi mo ipilixine'i so ixolu iie uaini utotomu uasi. Ixolu la opone'i ututulu so ipelototo no anu vaikala mulapusi.

Mupala'a 1:9

Ioxe, eni avivinge Tioni a xo nenge nenge'a taxolu noxou Iesua. Taxolu noxou laso nenge so taxolu no voxo loxo Mosinge molu u'uli laxune'i tamitemaou. Laso maixene nenge tatavulenu tu'utu'umaxusou ia taxolu se'isisi so taxomaiou. Xo eni elanu vaikalaou Mosinge mo ea'aloxu Iesua laso ane'i mikusailo xe mipalusilo so axoxolu no anu ailani Patimosi 'o.

Iuti 1:11

Anu uxali masua manina noxi'a. Xo mipolo no anu vote'i e noxou Kaini. Xe xavutali'a no anu lapesi laso mivaxasi mipita no anu susu noxou Valamu. Xe mi'oxo pai noxou Mosinge aloxo Kola mu'oxonu laso ixalisou mamulo­sou iou vilesisi loxo anusi.

2 Pita 2:3

Mo ane'i tamitema ne iisuxu mimimengi laso ito'omolu kusingengi mole itaxusousi. Ia tatei la Mosinge mulalaxinu mamulo so ukolinu susu noxi'a mo anu a uloloxa'a, anu uai uasi.

Taitusi 1:11

Ane'i ilavusou ixixaoxao mo ilanu vaikala masumasua so ima­suanu lopala noxi'a tatemanu tanitani. I'oxo loloxa'a axone xo ikamulinu vote'i so ixalisou lamoli o mimi so vasime'a. Laso pakia'ine so na'api­xa'a no anu vaikali'a ne lexe ixolu tasiausi.

1 Tesalonaika 5:14

Mo tavivixe, nexi tamasaxau ta'uvutinixinge aloxo 'o. Ta'ei noxinge ane loxo ipolo va'axu la ngalovonixi'a. Xe ane'i ane opone'i kalaua sevile la ngamamatolane'i. Xe ane'i loxo mamalaxa'a no anu lopala la nga'oxonu pakia'a. Xe noxi'a tavivinge mukalusi la opongengi tu'umaxu noxi'a palea uasi, nga'oxonu se'isisi noxi'a.

Lomu 16:18

Xo ane'i anene tamitema so xaixai noxou Tatananenge Kalaisiti uasi. Ane'i imulinu masamasaxa no anu vasime'asi. Mo ane'i ilavusou ivikala laixe mo ixilisine'i ane'i ane itilovo laixe uasi.

Ta'aposeli 20:33

Xo eni, la aisuxu o alingau lamoliou o mimiou itema vile uasi.

Matiu 21:13

La anu muvikalane'i lexe, “Mosinge vaikalaou uvikala aloxo 'o, 'Anu tasilo 'o anu uxolu so tamitema ine'e ivikala noxilo.' Ia ngingi nge'oxonu muxali loxo tasi'a talasikelisi e so italumeu mimi ipakalinu.”

2 Timoti 3:2

Xo no voxo ne la tamitema me'a imasaxai'amo xe opone'i u'oxoxu lamolisi xe i'itine'i no anu vaivaikalai'a xe itoxa'a xe ipupui. Ane'i ilomuxa'a tamami'a taneni'a uasi xe loxo tamitema isu'uline'i axova la ilemolu laixesou uasi xe imatapianu mimi ane Mosinge u'osasou.