1 Timoti 3:2 - Ata New Testament

² Laso itema so uvu'ulinu ne la xoluxoluxu aloxo 'o. Anu ilixo noxou lamanasi mo so mi vile so tamitema ito'omolu no anu uasi. Loxo utaula'i la semau vilesisi. Anu uxolu mo xavutalaou uiave laixe mo uxolaxola uasi, xoluxoluxu ulapu no ie'i tamitemasi. Xe loxo tamitema ine'e no tasou la usaxila'a laixe. Mo lavulavuou no anu vote'i so ulanu Mosinge vaikalaou noxi'a tami­tema.

1 Timoti 3:2 Referans Kwoze

2 Timoti 2:24

La mamu so uokuvoi noxou Tatananenge anu itema so u'oto mo upelesou anaxu. Anu laixe so oponu lexa noxi'a tamitema mukalusi. Xe loxo se'i i'oxo pai noxou la anu oponu u'avuti uasi, utavulenu mo ukamulinu vote'i so upela'axu ilixo laixesi.

Lomu 12:13

Loxo tamitemaou Mosinge u'isalili se'i i'a mimi o la'ilali uasi la ngapitanu avonge so ngasu'uline'i. Xe loxo taasila ixali la ngavu'uline'i laixe. Xe aitengasinge ukisi noxi'a tamitema mukalusi.

1 Timoti 5:9

Loxo ngakaukavunu ualaua­lasi'a tasema so ngasaxila'a ne, la ngailoune'i tasema ane tamului'a misoisoli kaini aloxo 'o. Sema ane tau ie xe uua'ulixu 60 mo ane mitaula'ixu itema vilesisi.

1 Pita 4:9

Mo aitengasinge ukisi noxi'a tami­temasi xe ngakalapu lexe kalaka­langenge uasi.

1 Pita 5:8

Ngingi ngaxolu xavutalamengi lamanasi mo ngalo laixe. Xo Uluaou Mosinge anu uluamengi kalumo, la anu loxo misoposi vova e laioni. Talaioni ixixao i'unga'unga so ikakamuline'i tami ma'ia so ii'a, la Uluaou anu axonesi xo uxixao ukakamuline'i tamitema so uma­mulone'i.

Ipilu 13:2

Xe loxo taasila ixali la kalakalangenge uasi so ngavu'u­line'i. Aitengasinge ukisi noxi'a xo se'i mivu'uline'i taasila la mika­lavoi lexe tamitemamo, la uasi, ane'i ta'angelo ane.

Taitusi 2:2

Laso noxi'a tamulu tatiatila la napelototosi'a aloxo 'o. Masama­saxa noxi'a upalusi'a uasi. Xe no anu vaikalai'a la isu'asu'anu vuluvulusi uasi mo so axone la tamitema itaxane'i. Mo lopala xe sexela noxi'a ututulu pumuxusi, uxiuxiu uasi.

Pilipai 2:15

Mo so axone la ngingi menge ngapala'aningenge lexe ngingi Mosinge ta'olu ane xolu­xolungenge mulapusi mo lama­nasi. Xo ngingi ngaxolu no tainu laili so ilixo ukilikalu mo xililisi laso laixe so mi vile no anu xoluxolungenge so ito'omengexu uasi. Ngaxolu loxo lalamo no anu isivoxo so lialia 'osi.

1 Pita 4:7

Ioxe, kaluxusou mimi mukalusi a so uxali 'oe. Laso ngatilovo laixe mo ngapamuxanu ilixomengi laixe mo so axone la ngaxolu se'isisi so ngavivikala noxou Mosinge.

Ipilu 3:14

Ia nenge ane lopala na'a nenge manina musoko'u no tava'u mo uxolu avile umo­momo no anu telexu olele, la nenge tamitemaou Kalaisiti maninasou ane.

1 Timoti 4:3

Xo tamitema ane xo ne ivikala lexe tatavunenge no anu taula'i mo no anu la'ilali iouiou. Ia la'ilali anene Mosinge mukoinu mo so nenge ta'ei talavusou mo talopalanu vaikala manina la tavikala laixe noxou ka ta'ousi.

Luku 1:6

La ane'i ilou xoluxoluxa'a malemalenga no iou Mosinge xo ilixo noxi'a mulapusi so mimulinu lavuloto u'isalili no anu masaxa noxou Tatananenge.

Luku 2:36

Ioxe sema aululu vile so pela'a ualasie lexe Ana a mixolu. Ane Vanueli olu no anu laili noxou Asa. Tei ane mitaula'i mo ilou mulue mixolu tau ie 7.

1 Timoti 3:8

Mo axone kalumo noxi'a tami­tema so su'uli. Xo itema so su'uli ne anu uxolaxola uasi, anu oponu utulu no anu xaixai noxousi. Anu itema so uxiuxiunu vaikalaou uasi. Xe anu itema so usipaki uasi mo uisuisuxu lamoli uasi.

1 Timoti 3:12

Itema so su'uli ne utaula'ixe sema vilesisi mo usaxila'u pamili noxou laixe.

1 Timoti 5:10

Xe ilixo noxie aloxo 'o. Sema ane tamitema ivikalasie lexe ane sema so xaixai laixe mo ane misaxila'a tailie laixe. Xe ane milavusou misexelaxa'a mo mitavalixa'a taasila xe loxo talopala me'a no tuala vile mixali la mi'uinu tava'a. Xe loxo tamitema ane mitata­vulenu tu'umaxu la misu'uline'i mo opone mututuluou xaixai aneva lailaixe manina.

1 Timoti 5:22

Mo mamu so napalea so namulaxu avone noxou itema vile so natulusou no anu xaixai noxou Mosinge. Loxo itema vile so nasosovosou la naxolu nautitiou xoluxolu noxou laixe mo so susu utelosou ualasine uasi. Xo loxo 'o io natulusou palea xe ulapau no anu susu la anu loxo usu'asine kalumo.