1 Timoti 3:16 - Ata New Testament

¹⁶ Mo nenge mukalusi talavu lexe vaikala manina noxou ne anu mi mutiatila. Vaikala ne aloxo 'o. Kalaisiti mupala'a no anu vasimolu loxo itema no ie'i latala. Ulenu Laixe mupala'anixu ilixo noxou lexe malemalengasi. Ta'angelo misaxisou xoluxolu noxou. Tami­temaou mia'aloxu no xale tuatuala. Tatemanu lialia mose'i milopala noxou. Mosinge muno'u mutelaixu no tualasou iaxu.

1 Timoti 3:16 Referans Kwoze

Tioni 1:14

Anu Vaikala ne muxolu itema no anu vasimolu, mo mune'e muxolu no tainexi. La temaisou xoluxolu noxou lailaixe mo xaviou misevile la mupala'a lexe anu Olu e vilesisi anu molu noxou Mami­nge. Anu mosou iaiama ilou vaikala anu temanu manina.

Ipilu 1:3

Xe anu a upala'anixu iaxu Mosinge xo lamanaxu molu noxousi. Mo anu iou vilesisi loxo Mosinge u'isalili. Xe no anu xavi no anu vaikalaou la utetelisou mimi mukalusi so uxolu ulovosi. Ioxe, anu muxalixu vote'i so ukalusou tina'u so susu mo uxalixa'a tamitema tamalemalenga. Mu'oxonu xe mukalu la anu a utalupexa no anu avolu tema Kingi Tatila ane uxolu teitexi.

Maki 16:19

Ioxe, Tatananenge Iesua mupelototosi'a mukalu la anu mutelai muxali no tualasou Mosinge. Muxali, la mutalupexa no avolu Mosinge tema.

Lomu 16:25

Ioxe, Mosinge umomomo so u'oxongengi so ngatulu pakia'inge. Ngatulu pakia'inge mo so ngalo­pala no anu vaikala laixe so Iesua Kalaisiti ane evotovotosou noxinge. Xo tateimo la vaikala ne mutalume ia vaimomo 'o mupala'a avile.

Luku 24:4

Mo ane'i a mitulu tane'ilili sila alaxu vilesisi misaxisi'a tamitema tamei lavulutii'a lamanaxu mitulu no pa'ume'a.

Kolosi 1:23

Laso ngingi la ngatulu pumungenge no anu lopala so ngasasalo uasi. Xo ngelomusou vaikala laixe mo mupela'ingexu mi e so ngalopalanu ngaxomaiou, laso ngaxexesou mamu. No anu vaikala laixe nesi eni Polu 'o exali amitema so axaixaisou. Mo votovotosou a mulala muxali no anu xale tuautala mukalusi.

1 Tioni 1:2

Xo Mauli ne mupala'a xe temaisou laso nexi taa'aloxu noxinge. Nexi tapala'anixu Mauli e soko'u mo kaluxu uasi ne xo muxolu noxou Maminge no tuala­sou kaio mune'e mupala'a noxixe 'o.

1 Pita 3:22

Xe vaimomo 'o Kalaisiti ne a mu'u­nalai no tualasou Mosinge mukalu mo a uxoxolu no anu avolu tema noxou Mosinge. Mo ane'i ta'angelo xe ta'ulenu ane xavine'i xe tami ma'ia xavine'i musuku ixolu no laxu xaviou Kalaisiti.

1 Pita 1:12

Ia Mosinge mupela'a lexe vaikala milemolu ne anu so si'a uasi. Pamauli e milemolu ne anu so uxali noxinge a vaimomo 'o. Laso maixene Mosinge mupa­lusou Ulenu Laixe molu no tualasou mulu'e, xe no anu xavi noxousi la tamitemaou mine'e milanu vaikala laixe noxinge. La ane'i ta'angelo talaixe kalumo imasaxau manina so ilamana no anu mimi ane Mosinge mu'oxonu noxinge ne.

Kolosi 2:2

A'oxo axone mo so u'oxo pakia'u tangengi xe so sexala uteinoxu opongengi upita vilesisi. Eni amasaxau lexe ngapalava no anu lavulavu mo so mi vile u'oxonu opongengi uvaxa une'e uasi. Xe ngalavu manina no anu mi e Mosinge mutalumeu ka mupa­la'anixu 'o. Mi e anu Kalaisiti molu.

Kolosi 1:27

Xo anu masaxa noxou Mosinge so upela'ingexu vaikala e muta­lume ne. Vaikala ne anu mi so takulukemolu kena mo ta'osa'i­lasou xo anu lailaixe so usu'uline'i tamitema no anu lailaili mukalusi. Anu aloxo 'o. Kalaisiti a uxolu nonano noxinge ne, laso mimi lailaixe so tualasou Mosinge e ngaxolu ngaxomaiou ne, ngingi ngaxalisou ane.

Kolosi 1:6

Vaikala laixe ne uxaxalixu nene'axu mo a ususuku no xale tuatuala mukalusi. Anu iou vilesisi aloxo musoko'u no taingengi no voxo tei ngelomusou mo ngelavu no anu iaiama noxou Mosinge manina.

Luku 22:43

La angelo vile so tualasou Mosinge mune'e mupa noxou so mu'oxonu pakia'u.

Matiu 3:16

Ioxe, mukelenixu mukalu xe Iesua mulivu muxali no lexa pa'umolu sila loxotolo mua'a la mumaisou Ulenu Laixe noxou Mosinge mulu'e. Anu mulu'e la loxo ngiala e utu la muai noxou.

1 Tioni 3:5

Mo loxo ngelavu, Kalaisiti mune'e mupala'a so ukalusou susu xe noxou la anu susu vile uasi.

Ipilu 12:2

Tasaxi noxou Iesuasi xo anusi tava'u lopala na'a nenge mo anusi uxalixu nene'axu mi e talopalanu taxomaiou. Anu ne mutavulenu maila ia uxavutalanu uasi xe no ovu valautu la mu'italonu so musoli no anu xo oponu mu'oxoxu osa ane uxalisou ili'i 'o. Laso maixene anu a utalupexa no anu sia kingi noxou Mosinge no avolu tema.

1 Timoti 3:9

Xe anu ukasou pakia'u vaikala mu'asi'asi so lopala na'a nenge mo tanu uai laixe lexe utetelisou susu vile no oponu uasi.

Tioni 20:12

Miia'ili sila mimaisi'a ta'angelo tamei lavulutii'a kea a mitalupexa no anu tanixu e vasimolu Iesua muai no anu tei. Vile mutalupexa loxo no kisou xe vile no tava'u.

Matiu 1:23

“Vua­nga vile ane ilai noxou mulu vile uasi la opone. Opone la ivo'onu ilie mulu la tamitema imoxo'u lexe Imanueli.” Uala ne laxu lexe Mosinge a uxolu noxinge 'o.

Mupala'a 7:9

Ioxe, mukalu xe emaleila la emaisi'a tamitema tavu'alo e tavu'alo, ta'itisi'a uasisi. Tamitema ne so xale tuatuala mukalusi xe no anu lailaili latala xe vaikalai'a vilevilesi xe vasime'a iouiou. Ane'i mukalusi mitulu no laxunu sia kingi mo no laxunu Sipisipi Ilie. Xe no vasime'a la lavuluti kea veveni mukalusi. Xe no avo'a la mitetelisou mi loxo xolou voloxu 'o.

1 Pita 1:20

Tei manina loxo Mosinge ukoinu lialia uao la musovosou Kalaisiti lumamo no anu xaixai ane so ulotongengi ngalivu noxou. Laso vaimomo 'o no anu kaluxusou voxovoxo 'o la anu mupala'a so usu'ulingengi.

Ipilu 7:7

Mo loxo telavu, itema so uvikala laixe so xoluxolu la anu ualasou tatila noxou anu ane muvikalasou ne. Anu vote'isou axonesi, umomomo so uxiu uasi.

Epesusi 6:19

Mo ngapilixileli noxou Mosinge kalumo so loxo alulusou vaikala laixe so Tatananenge e mutalume tatei, la upalasisi. Mo kalumo loxo alanu la a'ume uasi.

Epesusi 1:9

Xo aloxo 'o. Tatei la anu umasaxa so u'oxonenge laixe. Mumasaxa axone laso anu mupa­lusou Kalaisiti mune'e noxinge. Anu mune'e laso masaxa laixe noxou singe ne a mupala'a ne.

Xalesia 4:4

Ia loxo voxo e Mosinge musosovosou u'isalili muxalii laso ane, mupalusou Olu. La sema vile mivo'onu kaio muxolu no laxu lo.

1 Kolini 15:47

Itema ane tei ne anu so lialia xo Mosinge muxalixu no anu lialiasi. Ia anu itema tameisou anu molu no tualasou Mosingesi.

1 Kolini 2:7

Xo lavulavu noxou Mosinge u'asi'asi ne, a mutalume tatei. Loxo tautau ie usoko uao la anu mulalaxinu vote'i so xoluxo­lunenge iaxusi lumamo. Mula­laxinu lumamo ia muxolu mutalumesi.

Lomu 10:18

Mo nenge talavu lexe Ta'isilaeli milomusou Vaikala ne mukalu, utalume noxi'a uasi. Xo loxo Mosinge mulemolu no vaikalaou, “Xoline'i tamitemaxeli mulailai no xale tuatuala mukalusi. Mo vaikalai'a muxali no anu teletelexu muka­lu.”

Ta'aposeli 20:28

Ia ngingi ngalaxa'i laixe mo ngautululune'i Mosinge ta'olu laixe xo Ulenu Laixe molu musoso­vosinge so ngasaxila'a. Tami­temaou ne anu molu mulotone'i no anu sialuxu. Tatemanu pita noxou Mosinge ne ane'i loxo tasipisipiou, mo ngingi loxo tamitema so ngasaxila'a.

Xalesia 2:8

Ani, Mosinge mulosou Pita xavi so anu aposeliou noxi'a Taiuta. Xe anu axonesi noxilo, xo mulosilo xavi so eni a aposeliou noxi'a tamitema noale'ale.

Lomu 9:5

Muvavalima tei noxi'a ta'ilusu­ne'i Apala'amuena. La Kalaisiti muxali itema xo nenu mivo'onu no anu laili anene. Mivo'onu la Kalaisiti ne anu Mosinge ane Mu'uli'uli Avile, laso ta'itinu ualasou ulai utalo uasi.

Ta'aposeli 10:34

Ioxe, Pita muvikala aloxo 'o, “Eni tei la alamana uasi. Ia vaimomo 'o eno'u lavulavu. Ai manina, Mosinge oponu vilesisi noxi'a tamitema mukalusi.

Lomu 8:3

Xo lo noxou Mosinge umomomo so ukalusou xavi no anu susu uasi. Xo susu tava'u no vasimenge xavinu musuku. Ia Mosinge mupalusou Olu mune'e mo muxali vasimolu loxo nenge tamitema so susu 'o. Laso noxou Iesua la Mosinge muxalixu vote'i so ukalusou xavi no anu susu tava'u no anu tamitema vasime'a.

Ta'aposeli 14:27

Ilou mixali mukalu la mipitane'i talopala so mia'aloi'a no anu muamua'i noxi'a. La mipala'anixu noxi'a lexe, “Ai, Mosinge mu'oxonu vote'isi'a tamitema noale'ale so ilopala kalumo.”

Tioni 16:28

Xo manina, eni melo noxou Maminge kaio ene'e no lialia 'o. Io eni a so axexesou lialia mo alivu alai noxou Mamingela.”

Tioni 13:3

La Iesua mulavu lexe Maminge mupilixinu mimi mukalusi no avolu so u'uli laxunu. Mo mulavu lexe anu molu noxou Mosinge mune'e xe anu a so ulivu noxou Mosinge.

Luku 24:51

La anu a uvivikalasio sila Mosinge muno'u mulaixu no tualasou.

Mupala'a 17:7

Ioxe, angelo muvikalaleli lexe, “Tanenilili xo ma'ia? Eni apala'a­nixu laxu latilovosie sema. Xe apala'anixu latilovo so mi vova e utavulene 'o, ane kisou 7 mo komonu 10.

Mupala'a 17:5

Xe no alaiei la uala vile latilovo mo laxu uasi'asi muxolu. Kaukavu so uala ne aloxo 'o, “Taoni toxoxu ne Vaviloni. Neni'a tasema so vote'i mukalusi. Mosou ili'ilixo tuma'u masumasua no lialia.”

Ipilu 8:1

Ioxe, tava'u vaikalamenge mukalusi 'o aloxo 'o. Nenge pilisiti tatila axone a uxoxolu. Anu ane mutalupexa no avolu tema no anu sia noxou Kingi Tatila e no tualasou.

2 Tesalonaika 2:7

Xo ilixo so xilili a uxolu mukalu ia upalasi avile uao. Uxoxolu axone xo xe anu ane utanutanuxusio uxexe laso ane.

2 Tesalonaika 1:10

Ia loxo nenge tami­temaou mu'isalili la taxolu ta'itinu ualasou no anu voxo loxo une'e ne. Mo ngingi ngelomuxu vaika­lamexi no taingengi laso ngingi kalumo ngaxolu so nenge'a talo­pala mukalusi tatoxu Tatananenge ne.

Ta'aposeli 1:19

A'alosou muiaveiave noxi'a tamitema ne Ielusalemo, la ane'i milemolu tanixu ne lexe Akelitama. No anu vaikalai'a la anu laxu lexe apu so sialu.

Tioni 17:5

Laso Papao, nalivunixilo so axolu no ieni no anu tanixo mu'uli'uli aloxo nenge nengei texoxolu mi ne lialia uxali uao.

Tioni 15:26

Mosou Su'uli e Ulenu so vai­kala manina, anu uxolu noxou Maminge kaio une'e. Eni apalusou molu noxou Maminge so une'e noxinge. Anu une'e mo ulanu vaikala so uvalavalaxo.

Tioni 6:62

Xe loxo ngamaisou Itema ane molu noxou Mosinge ulivu utelai no tanixu e muxolu no anu tei laso axovae?

Luku 2:32

Xo anu lalamo so upela'a tamitema noale'ale, xe anu so u'itinu ualasi'a tamitemameni Ta'isilaeli.”

Maki 16:5

Mixali mukalu xe mi'unalai no lulu sila mimaisou maulu vile lavalava kea a mutalu­pexa loxo no avonge tema. Mimai­sou maulu ne la ane'i mikuluke kena.

Maki 1:13

Xale lia esi'esi ne so tanixa'a tamisoposi tavovasi. Muxolu ne voxo 40 mo Uluaou mutovotovonu. Mutovoto­vonu xo xe mukalu laso ta'angelo talaixe mine'e misu'ulinu Iesua.

Matiu 28:2

Milai mixali sila mimalei lexe uni'uni toxoxu muxali. Xo angelou Tatananenge vile mulu'e no tuala­sou Mosinge mo mupi­palo'u lavo'o muxexesou lulu anaxu ka mutalu­pexa no latanu.

Matiu 13:11

La anu muvika­lane'i aloxo 'o, “Vaikala so voxo ane Mosinge molu u'uli laxune'i tamitemaou no tualasou ne mutalume tatei. Ia vaimomo 'o Mosinge mupala'anixu noxingesi 'o. Mupala'anixu noxinge ia noxi'a levianila uasi.

Matiu 4:11

Ioxe, laso Uluaou muxexesou. Mukalu la ta'angelo talaixe mine'e so misu'ulinu Iesua.

1 Pita 3:18

Xo tangengi umulinu Kalaisiti kalumo. Anu mulapusi ia muno'u tanixa'a tamitema tamasua. Musoli alaxu vilesisi anesi so ukolinu tina'unenge so susu ka muno'inge tene'e noxou Mosinge. Ane'i tamitema mivau musoli no anu vasimolu ia anu a umamauli no anu xoluxoluxu ulenu.

Lomu 10:12

Ioxe, noxinge Taiuta xe Takiliki ne ienge vilesisi. Tatananenge tamitema mukalusi ne vilesisi. Xe loxo nenge talinga noxou la mimi so usu'ulinenge no anu mulolutu e mulolutu.

Lomu 3:4

Uasi to! Tamitema mukalusi ikalavoi ia Mosinge anusisi uvikala maninasi. Loxo no anu vaikalaou muvikala lexe, “Mosixe nini mene namaxa'ine lexe vaikalameni mulapusi. Mo loxo tamitema ito­vonu so ikotixene la nini naua'u­lixa'a ane.”

Lomu 16:26

Mupala'a avile xo vaikalai'a tapolopeti no anu Mosinge vaikalaou muxali lamana noxi'a tamitema no xale tuatuala. Mi ne muxali loxo Mosinge Kaluxu Uasi mulemolu. Xo tamitema mixali lamana laso milopala mo mi'oxonu ilixo ane anu u'osasou.

2 Kolini 1:19

Xe nexi noxi'a Sailasi mo Timoti texolu no taingengi la tevotongengixu Mosinge Olu e Iesua Kalaisiti. Mo mulamana noxinge lexe ani xe uasi upita noxou kalumo uasi. Noxou, la mi ma'ia ulemolu ne ani no anusi, uxiunu oponu uasi.

1 Pita 1:21

Mu­su'ulingengi la ngingi a ngelopala noxou Mosinge e mutulusou Kalaisiti no anu soli kaio mulosou uala ane u'uli'uli. Laso maixene lopala noxinge utulu pumuxu noxou Mosinge mo ngingi a ngalopalanu ngaxomaiou mimi e muvavali­masou.

1 Tioni 3:8

Mo aloxo 'o. Musoko'u tei tei manina mo mune'e avile 'o la Uluaou usususu utotomu to. Laso loxo itema ulavusou u'oxonu susu la anu noxou Uluaou ane. La tava'u so Mosinge Olu mune'e mupala'a a so umamulonu xaixai noxou Uluaou usu'a avilesi.

Luku 20:44

La Teviti molu mulemolu Itema ane Mosinge musosovosou ne lexe Tatananu. Laso vote'i axova so Tatananu Teviti ne anu muxali ilusunu?”