1 Timoti 3:15 - Ata New Testament

¹⁵ Ia talavu uasi, masi mi vile utanuxo so axali palea noxine uasi. Laso maixene ekaukavu 'o so nalavu lexe xoluxoluxa'a Mosinge ta'olu laixe axova. Xo tamitemaou Mosinge ne ane'i tasou ane. Mo pita noxou Mosinge ane umauli ne anu utulu pakia'usi xo anu loxo posi so utavulenu vaikala manina.

1 Timoti 3:15 Referans Kwoze

1 Pita 2:5

La ngingi kalumo aloxo lavolavo'o ane uma­mauli xe no anu xavi noxou Ulenu Laixe la Mosinge a ututulusou tasou noxinge ne. Mo no anu vote'i anene anu mukalipalangengi lexe ngingi laili pilisiti noxou u'isalili. Laso Ulenu upamuxangengi so ngane'enu mo ngapilixinu mimi lexe noxou Mosinge xe anu u'osasou xo noxou Iesua Kalaisitisi.

1 Tesalonaika 1:9

Laso loxo taxali ne'ei la ane'i me'a ia'alo. Ia'alo so voxo tei texali noxinge lexe nge'osasou vaikala­mexi. La ngexiunu tumalingeou ilixo so nge'itinu momosinge kalavoi mo vaimomo 'o a ngaxolu ngamulinu masaxa noxou Mosinge maninasou e umamauli.

Xalesia 2:9

Xe ane'i ane ualasi'a lexe tatiatila no anu pita e Tiemisi xe Pita xe Tioni ne mitongonu lexe Mosinge muiaiama so mulosilo xaixai ano'o u'isalili. Laso ane'i misixalinexi noxou Vanavasi so imaxa'u lexe nexi noxi'a oponexi vilesisi no anu xaixai noxixe. Mo mipilixinexi axone so nexi taxa­xaisi'a tamitema noale'ale xe ane'i so si'a Taiuta.

Lomu 3:2

Ia xo ma'i? Anene nene'axu laixe tavu'alo. Mi anene nene'axu mutiatila no anu, ane Mosinge mulosinge lo noxou so tasaxila'u.

Matiu 16:16

La Pita mukolinu lexe, “Nini ane so Kalaisiti a. Nini nami­tema e Mosinge ane umamauli musoso­vosou.”

Lomu 9:26

Tei la evikalane'i lexe 'Ngingi tamitemaxeli uasi a.' Ia no anu tanixu e elemolu, la tamitema imoxo'a lexe ane'i ta'olu Mosinge anu umamamauli.”

Ta'aposeli 1:2

Mo mune'e muxali no voxo ane Mosinge muno'u muli­vunoxu no tualasou. Mulivunoxu, ia tei la Iesua mupelototosi'a ta'apo­seli ane muiloune'i tatei. Mupelototosi'a la no anu xavi noxou Ulenu Laixe.

Tioni 14:6

La Iesua mukolinu lexe, “Eni enisisi vote'i mo tava'u vaikala manina mo tava'u mauli. Eni enisisi vote'i so tamitema ilai noxou Mosinge anu Maminge. Vote'i vilela so ipolo no anu uasi.

Matiu 18:18

Eni avikalangengi manina lexe mi ma'ia ngingi ngasakinu no lialia la Mosinge usakinu no tualasou kalumo. Xe mi ma'ia ngalulusou no lialia la Mosinge ululusou no tualasou kalumo.

Mupala'a 7:2

Xe emaleila sila angelo vile molu loxo no aso uxali mune'e. Anu mutetelisou sosovo vile. Sosovo ne anu noxou Mosinge e umamauli. Mune'e la mu'ava tatila noxi'a ta'angelo tami'a e Mosinge mulosi'a xavi so imamulonu lialia ilou luaki.

Ipilu 12:22

Ia loxo ngingi, la ngexali no anu la'olu Saioni mo no anu taoni noxou Mosinge e umamauli. Taoni e Ielusalemo so tualasou. Mo noxi'a ta'angelo i'osa'osa tautauseni e tautausenisi.

Ipilu 3:12

Laso tavivilo ngalaxa'ingenge laixe xo loxova, masi se'i no taingengi isusu no opone'i so ilopala uasi mo ixiunu tumali'aou Mosinge e umamauli.

1 Timoti 6:16

Anusisi kaluxu uasi mo anu mosou xoluxoluxu iaxusi. Nenge tamitema vote'i so talai alai noxou so tasaxisou no iaxu ne uasisi. Anu anusisi ualasou utitilasi mo anu uxolu u'uli'uli avile, kaluxu uasi. Vaikala ano'o maninasi.

1 Timoti 4:10

Mosinge anu a uma­mauli xe anu mosou pamauli noxi'a tamitema latala. Ia tamitema ane upamauline'i ne, ane'i ane ilopalanusi. Mo loxo nenge, la tetulusou lopala noxinge noxousi. Tetulusou lopala noxinge noxou laso maixene xavinenge mo sasaie­ngeou xaixai noxou.

1 Timoti 3:16

Mo nenge mukalusi talavu lexe vaikala manina noxou ne anu mi mutiatila. Vaikala ne aloxo 'o. Kalaisiti mupala'a no anu vasimolu loxo itema no ie'i latala. Ulenu Laixe mupala'anixu ilixo noxou lexe malemalengasi. Ta'angelo misaxisou xoluxolu noxou. Tami­temaou mia'aloxu no xale tuatuala. Tatemanu lialia mose'i milopala noxou. Mosinge muno'u mutelaixu no tualasou iaxu.

1 Timoti 3:2

Laso itema so uvu'ulinu ne la xoluxoluxu aloxo 'o. Anu ilixo noxou lamanasi mo so mi vile so tamitema ito'omolu no anu uasi. Loxo utaula'i la semau vilesisi. Anu uxolu mo xavutalaou uiave laixe mo uxolaxola uasi, xoluxoluxu ulapu no ie'i tamitemasi. Xe loxo tamitema ine'e no tasou la usaxila'a laixe. Mo lavulavuou no anu vote'i so ulanu Mosinge vaikalaou noxi'a tami­tema.

Kolosi 1:5

No voxo loxo vaikala laixe anu temanu manina muxali noxinge tei la ngeno'u lavulavusou nene'axu laixe e so ngaxalisou ili'i. Laso maixene ngingi a ngalopalanu ngaxomaiou mi e Mosinge ulaxa'inu laixe so ulalaxisinge ne.

Epesusi 4:21

Xo tamitema mivotongengi tei xe nge'una noxou Iesua laso vaikalasou manina ne mupalasi noxinge.

Xalesia 3:1

O ngingi Taxalesia ne ngaxovu­laulau ane. Nexi temaxa'u Iesua Kalaisiti noxinge mo anu loxo ngemaisou mulili no ovu valautu no iengi. Axova, evile masi mu'oxo lolongenge so xavutala­mengi mupaulu, ne?

2 Kolini 6:16

Mo axovala, nenge ta'unanu momosi'a kalavoi no anu tasou Mosinge? Uasi to! Xo nenge a tasou Mosinge e umamauli. Mi ne Mosinge mulemolu tatei aloxo 'o, “Eni axolu nonano noxi'a mo amuamua'i no taine'i. La eni axolu a Mosi'a xe ane'i ixolu tami­temaxeli.”

Ta'aposeli 14:15

“Ai tami­temao, loxova so nga'oxonu mi ane xo ne? Nexi 'o nexi tami­temasi, nenge nenge'a ienge vilesisi. Nexi noxou tene'e so taa'alomengixu vaikala laixesi mo so ngapilixinu ili'ilixo vuluvulusi aloxo nga'oxonu 'o. Ngapilixinu mo ngaxiungengi noxou Mosinge ane anusisi a uxoxolusi. Anu Mosinge ane mu'oxonu loxotolo ilou lialia xe luaki oli'a tatemanu.

Tioni 6:69

Xe nexi telopala mo texalisou lavulavu mukalu lexe nini ninisisi ane malemalenga mene noxou Mosingesi.”

Tioni 1:17

Xo manina, no anu vote'i e noxou Mosisi la texalisou lo. Ia noxou Iesua Kalaisiti la texalisou iaiama ilou vaikala anu temanu manina.

Ipilu 9:14

Ioxe, anene vote'i so malemalenga tei. Ia loxo sialuxu Kalaisiti la lailaixe mo uua'ulixu anene laso xaixai no anu uua'ulixu ane tei avile kalumo. Xo Ulenu ane kaluxusou uasi mupa­muxanu so mupilixinu maulixu malemalenga noxou Mosinge. Laso sialuxu uxaxaisou vasime­ngesi uasi, ulai avile no tanenge so u'uinu mo u'oxonu uai laixe. Mo so tatalo no anu xaixai ane mauli no anu uasi mo ta'oxonu xaixai noxou Mosinge e umamauli.

2 Timoti 2:20

Mo avikala aloxo 'ola. Loxo tani ane tiatila la lisi iouiou masi uta'olu ne. Se'i i'oxonu no anu koli xe siliva mo se'i no anu ovu xe pilika. Laso lisi ane lailaixe ne, anu so voxo mutiatilasi ia ane laixe malaxo uasi, la ino'u no anu voxo vitavitanisi 'osi.

1 Timoti 3:5

Xo loxo itema usaxila'u pamili noxou laixe uasi la usaxila'u pita noxou Mosinge axovae?

2 Kolini 6:7

Xe nexi talanu vaikala manina no anu xavi noxou Mosingesi. Mo anu loxo tatetelisou ilixo malemalenga no avoxe tamei so ta'oto no anu mo ta'oxo lato­losou vaikalaou ne.

2 Kolini 3:3

Xe anu upalasi lexe ngingi ne lapasi ane Kalaisiti molu mukaukavunu ka mupolonu no avoxe 'o. Ia anu uno'u mi loxo peni so lapasiou ne uasi, mukaukavunu a noxou Ulenu Laixesi. Xe umakinu vaikala no anu lavo'o alelaxu uasi, mukauka­vunu avile no anu opone'i tami­tema.

Tioni 18:37

Ka Pailati mutali'isoula lexe, “Laso anu manina lexe nini nakingi, ne?” La Iesua muvikalanu lexe, “Nini mene nelemolumo lexe eni akingi. Tava'u so evo'o exali no lialia a so apalapala'anixu vaikala anu temanu maninasi. Xe tamitema mukalusi ane so vaikala anu temanu mani­nasi ne ilavusou ilolomuxosi.”

1 Kolini 3:16

Xo axova, ngalamana no anu mi anene uao? Ngalavu laixe, tasou Mosinge a ngingi ne. Xo Ulenu Mosinge a uxoxolu noxinge.

1 Kolini 10:32

Mo aloxo 'o kalumo. Tange­ngingenge ngato'o. Ngingi Taiuta xe Takiliki xe tatemanu pita noxou Mosinge mukalusi ne, nga'oxonu ilixo ane so uxalixu tu'umaxu no opongengi ngato'o uasi.

1 Timoti 3:14

Ioxe, eni axolu akaukavunu mimi ano'o ulai noxine, ia alopala lexe maxuveni uasi la eni melo alai noxine.

2 Timoti 2:19

Ia Mosinge mutulusou tava'u pita noxou mo anu a ututulu pumuxusi. No anu tava'u ne mukaukavunu vaikala aloxo 'o, “Tatananenge mulavu lexe tami­tema ta'ei ane tanoxou mu'isa­lilisi.” Mo aloxo 'ola, “Tamitema ta'ei mukalusi itavulenu ualasou Tatananenge la ikalipalane'i no anu ilixo masumasua.”

Ipilu 10:21

Xe nenge pilisiti tatila so usaxila'inge nenge tatemanu tasou Mosinge.

1 Pita 4:17

Voxosou Mosinge utilovosi'a tamitema a mune'e alai mukalu. Ioxe, tilovo noxou la uxali tei noxi'a tamitemaou. Laso loxo usoko'u noxinge tamitemaou u'isalili la masi ukalusou axova noxi'a ane'i ane tamitemaou uasi mo mixililiou vaikalaou laixe? Noxi'a ne ialuxu e lapilai uasisi.