1 Timoti 3:1 - Ata New Testament

¹ Ioxe, vaikala alemolu 'o anu maninasi. Loxo itema vile oponu ututulu so uxali itema vile so uvu'ulinu pita la xaixai umasaxau ne lailaixe.

1 Timoti 3:1 Referans Kwoze

Taitusi 1:7

Xo itema so uvu'ulinu pita axone la xoluxoluxu lamanasi no ie'i tamitema xo anu so ulaxa'inu xaixai noxou Mosinge. Anu itema so usoune'i tamitema so imulinu masaxa noxoumo uasi. Anu itema so la'iaxu palea uasi xe itema so usipaki uasi. Xe itema so u'oto uasi mo kalumo oponu ututuluou lamoli ilou mimi so vasimenge uasi.

Ta'aposeli 20:28

Ia ngingi ngalaxa'i laixe mo ngautululune'i Mosinge ta'olu laixe xo Ulenu Laixe molu musoso­vosinge so ngasaxila'a. Tami­temaou ne anu molu mulotone'i no anu sialuxu. Tatemanu pita noxou Mosinge ne ane'i loxo tasipisipiou, mo ngingi loxo tamitema so ngasaxila'a.

1 Pita 5:2

Ngingi ngalaxa'ine'i tamite­maou Mosinge laixe xo ane'i loxo tasipisipiou ane mupilixine'i no avonge ne. Laso loxo ngaxaxai so ngasaxila'a la nga'oxonu loxo evile usoungengi no anu uasi. Nga'oxonu xo ngingi menge ngamasaxau xaixai anene mo ngalavu lexe anene masaxa noxou Mosinge. Mo tava'u nga'oxonu so ngano'u lapesou uasi, nga'oxonu no anu osa maninasou no opongengisi.

1 Timoti 1:15

Eni alemolu vaikala vile manina mo laixe so tamitema mukalusi ilomuxu. Aloxo 'o. Kalaisiti Iesua mulu'e no lialia 'o so upamauline'i tamitema so susu. Xe no taine'i tamitema so susu ne la eni loxo a'uli'uli avile.

1 Pita 2:25

Tatei xoluxolungenge vuluvu­lusi aloxo tasipisipi ivaxa ine'e 'osi. Ia vaimomo 'o ngingi ngelivu ngene'e mukalu noxou Tatanane'i tasipisipi e ulavusou u'oxo latolosou tangengi.

Ipilu 12:15

Xe ngalaxa'ingenge laixe xo loxo 'o io se'i noxinge ine'e alai no anu iaiama noxou Mosinge sika ilapau ilivusi. Xe mamu so vuvulu'u masua uleme no taingengi mo uxalixu nene'axu sixula. Xo axone la uxalixu tu'utu'umaxu tapiena mo susu ne usuku noxinge tavu'alo.

2 Timoti 2:11

Anu vaikala ano'o umomomo manina so talopalanu. Aloxo 'o. Loxo nenge tepita manina noxou so tesoli, la nenge tapita noxou kalumo so taxolu tamauli.

1 Timoti 4:9

Vaikala ano'o ne manina mo laixe so tamitema latala ilomuxu.

Pilipai 1:1

Nexi Polu xe Timoti a. Nexi noxou tamitema so xaixai noxou Kalaisiti Iesua. Takaukavunu lapasi 'o so ulai noxinge tamitemaou Kalaisiti Iesua u'isalili e so taoni Pilipai oli'a tamitema so ivu'ulinu xe tamitema so su'uli no anu pita ne.

Luku 15:10

La Iesua muvikalane'i lexe, “Avikalangengi lexe osa'ila axone uxali no taine'i ta'angelou Mosinge no voxo loxo itema so ilixo masumasua soxu vilesisi uxiunu oponu mo u'isalilinoxu.”

Taitusi 3:8

Vaikala ano'o manina e maninasi. Laso loxo nalemolu la amasaxau lexe xavineniou. Mo so axone la tamitema ane ilopalanu Mosinge la ilaxa'i laixe so i'oxonu ilixo laixesi. Xo axone la ane'i latala ino'u su'uli laixe no anu.

Epesusi 4:12

Kalaisiti mu'itimenge lavulavu lailaixe ne so usu'ulinenge tamitemaou Mosinge no anu xaixai noxou. Mo so axone la nenge e vasimolu Kalaisiti uxali pakia'u.

Ta'aposeli 1:20

Xe Pita muvikala aloxo 'ola, “Teviti mukaukavunu no anu lavuku so Lexelexe aloxo 'o, 'Tanixu ne usivu, evile uxolu nela uasi.' Xe no anu mautunu vilela muvikala lexe, 'Itema vilela uno'u tanixu so u'uli laxune'i tamenexu.'

1 Pita 4:15

Mamu so vile noxinge utavulenu tu'uma­xusou susu vile u'oxonu loxo uvau menexu usoli o upakali o u'oxonu ilixo ukilikalu o u'una no anu mi noxi'a levianimo ka u'avutinoxu tu'umaxu no anu.

1 Tesalonaika 5:14

Mo tavivixe, nexi tamasaxau ta'uvutinixinge aloxo 'o. Ta'ei noxinge ane loxo ipolo va'axu la ngalovonixi'a. Xe ane'i ane opone'i kalaua sevile la ngamamatolane'i. Xe ane'i loxo mamalaxa'a no anu lopala la nga'oxonu pakia'a. Xe noxi'a tavivinge mukalusi la opongengi tu'umaxu noxi'a palea uasi, nga'oxonu se'isisi noxi'a.

Lomu 11:13

Ioxe, eni Polu a. Eni avikala ulai noxinge ngingi tamitema so laili noale'ale. Mosinge musosovosilo eni aposeliou so axaxai no taingengi. Mo eni a'osasou xaixai anene misevile.