1 Timoti 2:7 - Ata New Testament

⁷ Laso anene tava'u so musosovosilo so axali itema so alanu vaikalaou mo a aposeliou. Vaikala ano'o maninasi, akalavoi uasi. Anu mulosilo xaixai so avotone'i tamitema noale'ale no anu vaikala manina mo so ilopa­lanu.

1 Timoti 2:7 Referans Kwoze

Ta'aposeli 9:15

Ia Tatananenge muvikalanu lexe, “Nini nalai. Eni melo esosovosou itema anene so u'oxonu xaixai noxilo. Ili'i la anu ulaixu ualasilo noxi'a Ta'isilaeli mo uxalixu avile noxi'a tamitema noale'ale oli'a takingii'a.

2 Timoti 1:11

Anu mumasaxa'ilo so axaxai­sou vaikala laixe nesi, laso mutulusilo so avotovotosou vaika­laou xe a'oxonu xaixai aposeli xe apela'a tamitemaou no anu vaikala laxu.

Lomu 9:1

Ioxe, eni axolu noxou Kalaisiti, mo avikala manina no anu mi 'o. Ngalomu laixe xo Ulenu Laixe mulavusou opoleli lexe akalavoi uasi.

Lomu 15:16

Muiaiama noxilo mo musosovosilo so eni amitemaou so alaixu vaikala laixe so Kalaisiti Iesua noxi'a tamitema noale'ale. La no anu xaixai noxilo ne la a'oxonu xaixai loxo tapilisiti mi'oxonu. Xo mi ane alaixu noxou Mosinge ne, ane'i tamitema noale'ale. Alanu vaikala laixe noxou Mosinge noxi'a xe loxo amaxa'a noxou Mosinge la u'osasi'a ane. U'osasi'a xo Ulenu Laixe ukalipalane'i lexe noxou mu'isalili.

Xalesia 2:9

Xe ane'i ane ualasi'a lexe tatiatila no anu pita e Tiemisi xe Pita xe Tioni ne mitongonu lexe Mosinge muiaiama so mulosilo xaixai ano'o u'isalili. Laso ane'i misixalinexi noxou Vanavasi so imaxa'u lexe nexi noxi'a oponexi vilesisi no anu xaixai noxixe. Mo mipilixinexi axone so nexi taxa­xaisi'a tamitema noale'ale xe ane'i so si'a Taiuta.

Xalesia 1:20

La no anu vaikalaxeli e alemolu 'o avikala­ngengi no iou Mosinge lexe akala­voingengi uasi.

Xalesia 1:16

Anu mupala'anixu Olu noxilo mo so eni alanu vaikala laixesou noxi'a tamitema noale'ale. Xe no voxo e mupala'anixu noxilo ne la etatali'i noxou itema vile so upela'iloxu uasi.

Lomu 11:13

Ioxe, eni Polu a. Eni avikala ulai noxinge ngingi tamitema so laili noale'ale. Mosinge musosovosilo eni aposeliou so axaxai no taingengi. Mo eni a'osasou xaixai anene misevile.

2 Pita 2:5

Xe noxi'a tamitema so tatei kalumo. Ane'i mixililiou Mosinge la anu iou uvaxauou susu noxi'asi uasi. Anu mumamulone'i no anu anipa tatila e muxalixu so unononu lialia mukalusi. Ia Noa e itema so mulanu vaikala mulapusi oli'a tamitema 7-si Mosinge mu'u­tululune'i.

Xalesia 3:9

Laso maixene tamite­ma ta'ei so ilopala la ixalisou su'uli aloxo itema so lopala e Apala'amu muxalisou.

2 Kolini 11:31

Mosinge anu Momu Tatana­nenge Iesua, ne ta'itinu ualasou kaluxu uasi. Anu molu mulavusou opoleli lexe akalavoi uasi.

Lomu 10:14

Ia ane'i ikatu noxou axova loxo ilopalanu uasi? Xe vote'i axova so ilopalanu loxo ilomusou a'alosou uasi? Xe vote'i axova so ilomusou a'alosou loxo evile ulai so uvotone'i uasi?

Ta'aposeli 26:20

Laso tei la eni evotovoto noxi'a tamitema ne Tamasikusi. Xe mune'e la ene'e ne Ielusalemo xe no xale tuatuala ne Iutea. Mo esuku avile elai noxi'a tamitema noale'ale kalumo. Evoto­voto lexe ane'i ixiunu opone'i mo i'isalilinoxu noxou Mosinge. Xe loxo i'oxo axone la anu uxalixu nene'axu no anu xoluxolu noxi'a.

Ta'aposeli 22:21

Evikala noxou Tatananenge aloxo ne, ia anu muvikalaleli aloxo 'o, 'Uasi, nini nalai. Eni apalusine so nalai noxi'a tami­tema noale'ale.'”

Ta'aposeli 14:27

Ilou mixali mukalu la mipitane'i talopala so mia'aloi'a no anu muamua'i noxi'a. La mipala'anixu noxi'a lexe, “Ai, Mosinge mu'oxonu vote'isi'a tamitema noale'ale so ilopala kalumo.”

Tioni 7:35

Laso ane'i Taiuta mivikalane'i ngato'o lexe, “Itema ano'o u'oxo lexe ulai ne'ei e so taxalisou uasio? Masi ulai noxi'a laili noxinge e ixoxolu no taine'i Takiliki so uvotone'i, ne?

Xalesia 2:16

Ia loxo nenge telavu, vote'i so itema uxali ulapu no iou Mosinge a so umulimulinu lo uasi. Vote'isou a so ulopala noxou Kalaisiti Iesuasi. Laso ane, nexi kalumo telopala noxou Kalaisiti Iesua. Xo talavu lexe vote'i so nexi kalumo taxali talapu no iou Mosinge a so tamulimulinu lo uasi. Nexi vote'isixe kalumo a so talopala noxou Kalaisitisi. Xo umomomo uasisi manina so itema uxali ulapu no iou Mosinge no anu vote'i so lo.

Lomu 1:9

Eni asexelaxu Mosinge misevile mo xavileliou xaixai mulosilo. Xaixai anene so alanu vaikala laixe so Olu. Anu ulavusou opoleli lexe ututulu noxingesi.

1 Kolini 9:1

Ioxe, eni aposeli a. Itema vile u'uli laxuleli uasi. Eni melo emaisou Iesua Kalaisiti anu Tata­nanenge. Emaisou mo anu molu u'uli laxuleli no anu xaixai noxilo mo a muxalixu nene'axu noxinge ne.