1 Timoti 2:6 - Ata New Testament

⁶ Xo anu mupi­lixinu lape umomomo noxi'a tamitema mukalusi. Lape ne, mauli noxousi. Mu'oxo axone xe no voxo loxo Mosinge musosovosou, la a'alosou mupala'a.

1 Timoti 2:6 Referans Kwoze

Matiu 20:28

Mo musolonu aloxo 'ola, “Itema ane molu noxou Mosinge anu kalumo une'e so tamitema i'oxonu xaixai­sou uasi. Anu une'e so u'oxonu xaixaisi'a tamitema. Mo une'e so ulotonu tina'uxa'a so susu no anu mauli noxou.”

1 Pita 3:18

Xo tangengi umulinu Kalaisiti kalumo. Anu mulapusi ia muno'u tanixa'a tamitema tamasua. Musoli alaxu vilesisi anesi so ukolinu tina'unenge so susu ka muno'inge tene'e noxou Mosinge. Ane'i tamitema mivau musoli no anu vasimolu ia anu a umamauli no anu xoluxoluxu ulenu.

Xalesia 4:4

Ia loxo voxo e Mosinge musosovosou u'isalili muxalii laso ane, mupalusou Olu. La sema vile mivo'onu kaio muxolu no laxu lo.

Mupala'a 1:5

Xe noxou Iesua Kalaisiti kalumo. Anu ua'aloxu vaikalaou Mosinge maninasi mo anu u'uli'uli noxi'a tamitema so itulu no anu soli mo anu tilasi'a takingi no lialia mukalusi. Mo kalumo anu musexelanenge mise­vile laso mulotonenge no anu sialuxu so mu'umenenge no anu susu noxinge.

1 Tioni 4:10

Laso ane, anene sexela manina. Anu mi so nenge tesexelaxu Mosinge tei uasisi. Anu molu musexelanenge laso mupalusou Olu soxu ne mo so noxou, la muxalixu vote'isou susu noxinge ukalu.

Taitusi 2:14

Anu mu'italonu maulixu so mulotonu lakolisou ili'ilixo noxinge mukalusi ane muxolaxola'u lo noxou Mosinge. Xe mu'ulosinge so texali tamitemaou malemalenga mu'isa­lili. Laso maixene oponenge utata­ma so ta'oxonu ili'ilixo ane laixesi.

1 Kolini 1:6

Mi ne ngalavu lexe maninasou, xo nexi tea'alomengixu xe opo­ngengi mukasou, laso maixene nene'axu muxali no anu xoluxolu noxinge ne.

1 Timoti 6:15

Anu uxali ulovo no anu voxo Mosinge musosovosou. Nenge ta'itinu uala­sou Mosinge xo anusisi u'uli'uli. Anu Kingi tatila noxi'a takingi mo anu Tatanane'i tatatananu mimi mukalusi.

Epesusi 5:2

Mo ngasexelangenge ngato'o a loxo Kalaisiti musexe­lanenge. Xo anu molu mupilixinu mauli noxou so singe. Mupilixinu mauli noxou mo musoli axone la Mosinge mu'osasou. Mu'osasou a loxo mi u'ela mo tuma'u lailaixe uxali noxou.

1 Pita 2:24

Anu Kalaisiti mutavulenu susu noxinge no anu vasimolu mi ne mulili no ovu valautu. Mu'oxo axone so uxalixu vote'isinge so takalipala no anu susu xe taxolu no anu malema­lengasi. Anu vasimolu mukakaka mo so nenge tapamauli.

Taitusi 1:3

Muvavali­masou axone xo xe no anu voxosou mu'isalilii la musosovosi'a se'i so ipalasinoxu vaikalaou. La Mosinge anu mosou pamauli mupilixinu vaikalaou nesi noxilo so alanu noxi'a tamitema.

2 Kolini 5:21

Xo noxou Kalaisiti la susu vile uasisi. Ia Mosinge muxalixu vote'isinge aloxo 'o. Mupitanu susu noxinge noxou Kalaisiti mo musaxisou lexe anu susu. Mu'oxo axone mo so loxo taxolu noxou la Mosinge usaxisinge lexe nenge tamale­malenga.

Lomu 5:6

Xo aloxo 'o. Tei la nenge pakia'inge uasi so talu'enu Mosinge tanu. Nenge texolu va'axu avile mo ta'oxonu ilixo vile laixe no iou uasi. Ia no voxo loxo Mosinge molu musosovosou, la Kalaisiti musoli­singe.

Tioni 10:15

Anu iou vilesisi aloxo Mamilo ulavusilo 'o mo eni alavusou Mamilo. La eni a'italonu maulixo so si'a tasipisipi.

Tioni 6:51

La pileti umamauli e molu no tualasou Mosinge mulu'e ne a eni 'osi. Loxo itema ena'ei u'ani no anu pileti ano'o la uxolu umauli kaluxu uasi. Pileti ane apilixinu so uxalisou mauli no anu ne a vasimelo 'osi. Xe loxo apilixinu la anene vote'isi'a tatemanu lialia mukalusi kalumo so ixalisou mauli.

Maki 10:45

Mo musolonu aloxo 'ola. “Anu Itema ane molu noxou Mosinge kalumo une'e so tamitema i'oxonu xaixaisou uasi. Anu mune'e so u'oxonu xaixaisi'a tamitema. Mo mune'e so ulotonu tina'uxa'a so susu no anu mauli noxou.”

Mupala'a 5:9

Mitangatuluou la milexenu lexe alavua aloxo 'o, “Nini nalaixe umomomo so nano'u lavuku mo nalokenu sosovo e mutei no anu. Xo ane'i mivene nesoli so sialuxene mulotone'i tamitema milivulivu noxou Mosinge. Tamitema no anu lailaili latala xe vaikalai'a vilevilesi xe vasime'a iouiou xe no xale tuatuala mukalusi.

Ipilu 9:12

Xe anu uno'u sialuxa'a takoti oli'a ta'ili'a takau uasi, mu'unalai no anu sialuxusi. Mu'unalai no anu tanixu Mosinge ne lalaxu uasi, alaxu vilesisi ane. Xo mulotonenge telivu taxolu noxou Mosinge kaluxu uasi.

2 Timoti 1:8

Ioxe, laso namaila so nalanu vaikalasou Tatananenge mamu. Xe eni amitema so lakalavusu xo noxou a, ia mamu so namaila­mulileli. Nini nano'u xavi noxou Mosinge so napita noxilo mo natavulenu tu'umaxusou vaikala laixe kalumo.

2 Tesalonaika 1:10

Ia loxo nenge tami­temaou mu'isalili la taxolu ta'itinu ualasou no anu voxo loxo une'e ne. Mo ngingi ngelomuxu vaika­lamexi no taingengi laso ngingi kalumo ngaxolu so nenge'a talo­pala mukalusi tatoxu Tatananenge ne.

Lomu 16:26

Mupala'a avile xo vaikalai'a tapolopeti no anu Mosinge vaikalaou muxali lamana noxi'a tamitema no xale tuatuala. Mi ne muxali loxo Mosinge Kaluxu Uasi mulemolu. Xo tamitema mixali lamana laso milopala mo mi'oxonu ilixo ane anu u'osasou.

Epesusi 1:17

Alinga noxou Mosinge anu Mosinge nenge'a Tatananenge Iesua Kalaisiti. Anu Maminge e mosou iaxu. Amasaxau lexe Ulenu ulosinge lavulavu mo upela'inge so ngalavu laixe noxou Mosinge.

Epesusi 1:7

Iaiama noxou Mosinge ne mulo­lutu e mulolutu manina, laso maixene muiasou susu noxinge. Muiasou xo taxolu noxou Kalaisiti mo sialuxu mulotonu tina'unenge so susu.

Epesusi 3:5

Xo tatei la Mosinge upala'anixu mi ne noxi'a tatiatilasinge uasi. Ia vaimomo 'o Ulenu Laixe mupala'anixu lamana noxixe ta'aposeli xe tamitema so pela'a ane musosovosixe mu'isalili.

Maki 1:15

La muvikala aloxo 'o, “Taimu mutiatila a muxali 'oe. Voxo so Mosinge molu u'uli laxune'i tamitemaou a mune'e ala'alai mukalu. Ngingi ngaxiunu opongengi mo nga'isalilinoxu no anu Mosinge oponu so susu noxinge. Mo opongengi ukasou vaikalaou laixe lexe maninasou.”

Xalesia 1:4

Anu Kalaisiti mumulinu masaxa noxou Mosinge anu Maminge la molu mupilixinu mauli noxou so ukalusou tina'unenge so susu. Mo so axone la anu u'umenenge no anu xoluxolu so susu no lialia 'o.