1 Timoti 2:4 - Ata New Testament

⁴ Xo anu umasaxau lexe tamitema mukalusi ixalisou lavu­lavu no anu vaikala maninasou mo ixalisou pamauli.

1 Timoti 2:4 Referans Kwoze

2 Pita 3:9

Tava'u ma'ia so Tatananenge uxalixu nene'axu vavalima noxou ne uao? Xo anu uvovoxo vitanisi aloxo tamitema se'i ilemolu 'o? Uasi to, anu uxomaiengi se'isisi xo masaxa noxou lexe vile noxinge umamulo uasi. Oponu lexe ngingi mukalusi ngaxiunu opongengi so susu noxinge mo nga'isalilinoxu noxou.

Taitusi 2:11

Xo aloxo 'o. Iaiama noxou Mosinge mupala'a mukalu mo anu vote'isou pamauli noxi'a tamitema mukalusi.

2 Timoti 2:25

Mo ane'i tamitema so xilili la uxaxaisi'a se'isisi so ulovonixu xavutalai'a. Xo axone la Mosinge masi uxalixu vote'i so ixiunu mo i'isalilinoxu opone'i so susu noxi'a kaio vaikala manina upalasi noxi'a.

1 Timoti 4:10

Mosinge anu a uma­mauli xe anu mosou pamauli noxi'a tamitema latala. Ia tamitema ane upamauline'i ne, ane'i ane ilopalanusi. Mo loxo nenge, la tetulusou lopala noxinge noxousi. Tetulusou lopala noxinge noxou laso maixene xavinenge mo sasaie­ngeou xaixai noxou.

Luku 24:47

Xe no anu ualasou la ane'i tamitemaou ilanu vaikala noxi'a tamitema so xale tuatuala mukalusi. Ilanu vaikala lexe ane'i ixiunu mo i'isalilinoxu opone'i laso Mosinge uiasou tina'uxa'a so susu. Laso ane, xaixai anene ngasoko'u ne Ielusalemo 'o.

Mupala'a 14:6

Ioxe, mukalu la emaisou angelo vilela muvava no tainu loxotolo. La anu muvotovotosou vaikala laixe ane uxolu avile. Muvotovoto mulai noxi'a tatemanu lialia xe noxi'a tamitema so xale tuatuala mukalusi xe noxi'a lailaili muka­lusi xe vaikalai'a vilevilesi xe vasime'a iouiou.

Tioni 14:6

La Iesua mukolinu lexe, “Eni enisisi vote'i mo tava'u vaikala manina mo tava'u mauli. Eni enisisi vote'i so tamitema ilai noxou Mosinge anu Maminge. Vote'i vilela so ipolo no anu uasi.

Matiu 28:19

Laso ngingi ngalai no xale tuatuala mukalusi mo ngalapune'i tamitema mukalusi so ixali tatisaipelixeli. Mo nga'oxonu ilixo so kelele noxi'a no anu ualasou Maminge xe Olu xe Ulenu Laixe.

Taitusi 1:1

Eni Polu a. Eni amitema so xaixai noxou Mosinge xe eni aposeliou Iesua Kalaisiti. Anu mupalusilo so a'oxonu pakia'u lopala noxi'a tamitema ane Mosinge musoso­vosi'a lexe tanoxou. Mo so ilavu­lavu no anu vaikala manina e ulovo u'isalili no anu masaxa noxou.

2 Timoti 3:7

Tasema ne opone'i ututuluou lavulavu so imolo, ia vaikalaou Mosinge temanu anu manina, la upalasi noxi'a uasisi.

Luku 14:23

La anu tilasou muvikalanu lexe, 'Nini nalai noale no anu taoni ka namulinu vote'i aiue xe votevote'i se so xai. Xe naxalisi'a tamitema se'i ne'ei la nalapune'i no anu vaikala lexe ine'e no anu lavilelu mo so tasilo 'o uana'anasi.

Luku 1:77

Xe anu uili'i la upela'axu tamitemaou vote'i so pamauli mo so ilavu lexe tina'uxa'a so susu ukalu axova.

Tioni 17:17

Laso na'isalilinoxu vaikala anu temanu manina noxi'a mo so no anu vote'i anene la nakalipalane'i lexe tamitemameni mu'isalili. Vaikala anu temanu manina ne a vaikalamenisi ane.

Tioni 6:37

Tamotu ta'ei mukalusi Mamilo upilixine'i noxilo la ane'i ine'e noxilosi ane. Xe loxo ine'e noxiloe la vote'i uasi e uasisi so akusai'ala.

Maki 16:15

La muvika­lane'i lexe, “Ngingi ngalailai no xale tuatuala mukalusi mo ngavotone'i tamitema no anu vaikala laixe noxou Mosinge.

Ipilu 10:26

Xo aloxo 'o. Loxo nenge taxalisou lavulavu no anu vaikala e manina ia ili'i loxo taxiu tumalinge so tapolo no anu mi ane talavu lexe sususi, la mi vilela so ulotonu susu noxinge uasi e uasi manina.

Lomu 11:14

Xo aloxo 'o. Eni amasaxau lexe a'avutinoxu opone'i tatemanu tualasilo. Xo loxo imaisou nene'axu xaixai noxilo no taingengi la ane'i imasaxau kalumo. Mo loxo imasaxau la ane'i masi ixalisou pamauli kalumo.

Tiemisi 3:14

Ia loxo opongengi sixula so ngaisungenge ngato'o mo ututuluou uala tatilasi la tava'u so nga'oxo lexe ngingi tamitema so lavulavu to uasi. Xo loxo 'o io nga'itingengi vitanisi mo ngaxililiou vaikala maninasi.

2 Tioni 1:1

Eni amitema so saxila'u a, akaukavunu lapasi ano'o ulai noxine nini nasema ne ngoli'a ta'iline.1 Mosinge muilouneni lexe nini nanoxou mu'isalili mo avika­laneni lexe asexelaxene misevile. Ia enisi uasi, noxi'a ane'i ane ilavusou vaikala anu temanu manina mukalusi isexelangenge kalumo.