1 Timoti 2:3 - Ata New Testament

³ Mosinge e mosou pamauli ta'olu ivikala noxou axone xo anu laixe no iou mo u'osasou.

1 Timoti 2:3 Referans Kwoze

Ipilu 13:16

Mo kalakala­ngenge so nga'oxonu alauna uasi. Xe loxo tamitema isoti no anu mi vile la ngasu'uline'i. Laixe so nga'oxo axone xo ngingi a ngapilixinu mi vilela noxou Mosinge e u'osasou ane.

1 Timoti 1:1

Eni Polu a. Eni aposeliou Kalaisiti Iesua. Mosinge e mosou pamauli ilou Kalaisiti Iesua ane talopalanu taxomaiou me'a mipa­lusilo so exali aposeli aloxo 'o.

1 Pita 2:20

Xo loxo ngasusu xe ivengexu ka ngatavu­lenusi, la anu mi laixe so ualasinge utila no anu axovaio? Ia loxo nga'oxonu ilixo ane laixesi xe ilosinge navunavu ka ngatavu­lenusi, la anene Mosinge u'osasou.

Lomu 14:18

Loxo ngingi ngamulinu ilixo axone mo nga'oxonu xaixai noxou Kalaisiti la Mosinge u'osasou. Mo tamitema imaisou ilixo noxinge axone lexe laixe.

1 Pita 2:5

La ngingi kalumo aloxo lavolavo'o ane uma­mauli xe no anu xavi noxou Ulenu Laixe la Mosinge a ututulusou tasou noxinge ne. Mo no anu vote'i anene anu mukalipalangengi lexe ngingi laili pilisiti noxou u'isalili. Laso Ulenu upamuxangengi so ngane'enu mo ngapilixinu mimi lexe noxou Mosinge xe anu u'osasou xo noxou Iesua Kalaisitisi.

1 Tesalonaika 4:1

Ioxe tavivixe, mo aloxo 'ola. Nexi tepela'ingexu vote'i so mua­mua'ingenge ane ulovou masaxa noxou Mosinge. Mo a ngamulinu ne. Ia nexi tatama so tapelototo­singe no anu ualasou Tatana­nenge Iesua lexe xavingengiou avile.

Kolosi 1:10

Xe no anu muamua'ingenge la ulovou xolu­xolungenge noxou Tatana­nenge mo so u'osasou no anu teletelexu mukalusi. Xe no anu xaixai aneva laixe nga'oxonu la uxalixu nene'axu. Xe no anu lavulavu noxinge so Mosinge la ulelemesi.

Luku 1:47

Xe opoleli u'osa noxou Mosinge e mosou pamauli noxilo.

Pilipai 1:11

Xe ilixo ulapu ane molu noxou Iesua Kalaisiti uxalixu nene'axu mo uana'ana noxinge. Mo so tamitema imaisou la itoxu Mosinge mo i'itinu ualasou.

1 Timoti 5:4

Ia loxo sema vile tailie o taxaixasie ixoxolu la nape­lototosi'a aloxo 'o. Ane'i me'a isaxila'e laixe xo anene masaxa noxou Mosinge. Loxo nenge tasu'uline'i tamaminge o tane­nengi o taxaixasinge la anu u'osasou xo axone la loxo takolinu su'uli tatila mi'oxo noxinge.

Pilipai 4:18

Ia ano'o vaikala lamana lexe mimi e ngekalanu a exalisou avile, usoti no anu ngiou sevile uasisi. Exolu e'ana'ana mole akakamulinu mi vile uasi xo Epavilotitusi muxalixu avonge temanu noxilo. Anu mi ne anu loxo mi vile lailaixe ane ngepi­lixinu lexe noxou Mosinge ka tuma'u laixe muxali noxou mo u'osasousi.

2 Timoti 1:9

Xo Mosinge mupamaulinenge mo mu'avalinge so ukalipalanenge lexe nenge tanoxou u'isalili. Anu mi so xaixai noxinge to uasi, muxali no anu masaxa noxousi. La anene nene'axu iaiama noxou ane mupilixinu noxinge no anu vote'i e noxou Kalaisiti Iesua tei tei manina loxo voxovoxo usoko'u uao.

1 Timoti 4:10

Mosinge anu a uma­mauli xe anu mosou pamauli noxi'a tamitema latala. Ia tamitema ane upamauline'i ne, ane'i ane ilopalanusi. Mo loxo nenge, la tetulusou lopala noxinge noxousi. Tetulusou lopala noxinge noxou laso maixene xavinenge mo sasaie­ngeou xaixai noxou.