1 Timoti 2:2 - Ata New Testament

² Mo ilingau su'ulisi'a takingi oli'a taxamani. Mo so axone la xoluxolunenge se'isisi mo lalavulusi ulovo no anu masaxa noxou Mosinge.

1 Timoti 2:2 Referans Kwoze

1 Tesalonaika 4:11

Mo loxo tepelototosinge mala'o lexe opo­ngengi ututulu so ngaxolu se'isisi mo ngingi menge nga'oxonu xaixai noxinge no avongesi.

Ipilu 12:14

Xavingengi so opongengi vile­sisi noxi'a tamitema mukalusi. Mo xavingengi so xoluxolu noxinge u'isalili no anu masaxa noxou Tatananenge xo tamitema ane mukalipalane'i lexe tanoxousi la isaxisou.

Lomu 12:18

Loxo ngingi vote'i la ngaxalixu tu'utu'umaxu uasi. Laixe loxo ngoli'a tamitema latala ngaxolu laixesi.

Pilipai 4:8

Ioxe tavivilo, vaikalaxeli telexu aloxo 'o. Utotomu xavutalamengi uxoxolu no anu mi ane kalavoi no anu uasi xe mi laixe so tataxanu xe mi ane ulapusi xe mi ane malemalenga xe mi ane so sexelasi xe mi ane tamitema ivikalasou laixesi. Ani, ngaxavutalanu mimi ane lailaixe u'uli'uli xe mimi ane temanu laixe so ta'itinu axonesi.

Ta'aposeli 24:16

Laso utotomu opoleli ututulu pakia'u lexe a'oxonu mi vile so amaila no ie'i tamitema o no iou Mosinge uasi.”

Ta'aposeli 10:22

La ane'i mivikalanu lexe, “A Koniliasi e tatila noxi'a ta'ami 100 mupalusixe tene'e 'o. Anu ilixo noxou laixe mo umama'u noxou Mosinge. Ane'i Taiuta mukalusi itaxanu mo ivikala lexe anu itema laixe. Anu mupalusixe tene'e xo angelo laixe vile muvikalanu lexe u'avaline nalai no tasou so ulomusou vaikalameni.”

Luku 2:25

La no voxo anene itema vile a muxolu ne Ielusalemo ne, ualasou lexe Simioni. Anu xoluxolu noxou mulapusi mo oponu mututuluou masaxa noxou Mosingesi. Anu muxoxomaiou itema Mosinge musosovosou so uaisou tane'i Ta'isilaeli. La no voxo ne Ulenu Laixe a mupamuxanu Simioni ne.

Luku 1:6

La ane'i ilou xoluxoluxa'a malemalenga no iou Mosinge xo ilixo noxi'a mulapusi so mimulinu lavuloto u'isalili no anu masaxa noxou Tatananenge.