Biblia Todo Logo
Bib sou entènèt

- Piblisite -




1 Timoti 1:9 - Ata New Testament

9 Tava'u ne aloxo 'o. Nenge talavu lexe Mosinge muxalixu lo so si'a tamitema tamalemalenga uasi. Anu muxalixu so si'a tamitema so ilixo masumasua mo xililisi. Tamitema anene imama'u noxou Mosinge uasi, opone'i utulu no anu sususi. Lo noxou Mosinge ne si'a tami­tema ane ilixo mo vaikalai'a nunu'iusi mo ane'i ane ive'a tamami'a taneni'a xe tamitema isoisoli.

Gade chapit la Kopi




1 Timoti 1:9
45 Referans Kwoze  

Ia tava'u axova so Mosinge mupilixinu lo 'o? Tava'u xo Mosinge umasaxau lexe upela'i­ngexu susu na'a nenge. La mu'oxonu so lo uxolu xo mo ilusunu Apala'amu e muvavalima noxou uxalii, laso ane. La vote'i so Mosinge mupilixinu lo aloxo 'o. Ta'angelou mipela'uxu itema vile so mutulu nonixi. Mukalu la anu itema ne mupela'ingexu.


Xo loxo Mosinge vaikalaou ulemolu lexe, “Mosinge upamau­line'i tamitema ane talapu no iou, ia vote'isou la tu'utu'umaxu no anu. Laso loxo tamitema talapu kalumo ixalisou la masi noxi'a ane'i ane ixiunu tumali'aou Mosinge mo ixolu no anu sususi la itavulenu tu'umaxu kaini axovao?”


Ioxe, no anu lo, la Mosinge mumulaxu mo so susu upala'a u'oki avile. Susu mupala'a mu'oki axone, ia iaiama kalumo mupala'a mo mu'oki avile.


Xe oponenge lexasi mo xoluxolu­nenge vuluvulusi uasi, tapamu­xanu u'isalilisi. Anu lo vile so u'apinenge no anu mi aloxo 'o uasisi.


Xo nenge tei la texolu texovulaulau mo talomuxu Mosinge vaikalaou uasi. Texovulaulau xo Uluaou mu'oxo lolonenge mo masamasaxa no anu vasimenge mu'avutinoxu osa vita­nisi no oponenge. Texolu opo­nenge sixula mo teisuisu mo tematapianenge ngato'o.


Vaimomo 'o ne susu anu tata­nangengi uasi, xo ngingi ngaxolu no laxu lo uasi. Ngaxolu no anu iaiamasi.


Ane'i ilavusou ikalavoisi'a tamenexi'a xe imata­pianu Mosinge xe itaxane'i tatia­tilasi'a uasi xe itoxa'asi xe ixalixu ili'ilixo alavua masumasua xe utotomu ilomuxa'a tamami'a oli'a taneni'a uasi.


Ia noxi'a ane'i ane ilixone'i loxo ta'a'a xe ane'i so ta'uluxu masua xe ane'i so ilixo nuni'u olele xe ane'i ane ive'a tamitema isoisoli xe ane'i ane i'itinu momosi'a kalavoi xe ane'i ane utotomu ikalakalavoisi, tamitema axone imomomo so i'unalai no taoni uasi manina, ixolu noalesi.


Ia noxi'a ane'i ane i'umolu vaikala manina mo ilopala uasi xe noxi'a ane'i ane i'oxonu mimi ane masua no iou Mosinge xe ive'ave'a tamitema isoisoli xe ilai no anu ilixo nuni'u olele xe i'oxonu ta'uluxu masua xe i'itinu momosi'a kalavoi xe i'oxo loloxa'a tamitema, ane'i mukalusi ilai no anu tualasi'a mulovosi. Xo ane'i ne ixalisou soli tameisou no anu taxa toxoxu e navu ilou lavo'o axexaxu u'ani'ani no anu.”


No anu anaxa'a la ivikala lexe ilavusou Mosinge oponu. Ia no anu xoluxoluxa'a la umaxa'u lexe ane'i ixililiou ane. Xo xoluxoluxa'a ne masua no iou Mosinge. Ane'i ilomuxu vaikalaou to uasi mo imomomo uasi manina so i'oxonu ilixo vile laixe.


Ane'i ne tamosou e milomuanu vaikalou Mosinge no voxo loxo Noa muxolu. Xo tatei ne Mosinge umamulone'i palea uasi muxomai'a se'isi no anu tautau ie loxo Noa muxolu mutulusou lasipi. Ia no anu lasipi ne ane'i tavu'alo i'unalai uasi, ane'i e tamitema 8 mososi mixolu so Mosinge mupamauline'i mu'u­mene'i no tainu lexa tatila.


Mo xo no anu lopalasi laso sema so vote'i e La'apu misu'uline'i tamitema so kililo tamei e mine'e no tuala ne. Misu'uline'i laso no voxo loxo tatemanu tuala ne mimamulo la ane uasi, mixolu laixesi.


Mosou xilili ne upala'a avile. Ioxe, anu uxoxolu xo mole Tatananenge Iesua uvau no anu tauxu. Tatananenge uvau mo ukalusou avile no anu voxo so ulivu mo upala'a.


Ioxe, mo tatei Mosinge muva­valima noxou Apala'amu so lia lexe upilixinu noxou mo ulai avile noxi'a ta'ilusunu. Ia axova? Apa­la'amu mumulinu lo mo so Mosinge muvavalima noxou axone? E uasi. Muvavalima noxou xo mumaisou lopala noxou mo mumoxo'u lexe mulapusi no iou.


Xe no voxo anene la tamitema ipilixine'i tavimovimo'a so ikotixa'a mo ive'a isoisoli. Xe tamitema i'oxo axone noxi'a ta'ili'a kalumo. Mo ane'i se'i la ixililii'a tamami'a taneni'a mo ipilixine'i so tamitema ive'a isoli.


Laso noxinge ane ngelopalanu ne la ngelavusou lexe anu lavo'o lailaixe misevile. Ia noxi'a ane'i ane ilopala uasi la muxali aloxo Mosinge vaikalaou ulemolu lexe, “Lavo'o ane taka­penita mima­tapianu lexe mi so usu'asi, la vaimomo 'o muxali lavo'o lailaixe so utetelisou tani kisou pakia'u.”


Xe mamu so se'i noxinge tamitema so ilixo nuni'u. Xe se'i la tamitema so imatapianu mimi noxou Mosinge a loxo Iso. Xo tanixu laposalaxu ne anu mu'oxo lexe mi vitanisi mo mupilixinu so uno'u lakolisou e la'ilali soxu vilesisi.


Xe opone'i sixulai'a ngato'o. Xe isipaki sika ixolaxola mole anaxa'a utautausi. Xe mimi se'i axone uxolusio. A loxo eveletalosinge mala'o mo a alemolu 'ola. No voxo so Mosinge molu u'uli laxune'i tamitemaou la tamitema so ili'ilixo axone ixolu nonano uasisi.


Xo loxo Ulenu upamuxangengi la ngingi ngaxolu no laxu lo so upamuxangengi uasi ane.


Naxiunu tumalineou sitoli vita­vitanisi a loxo tatiatila milavu­sou mi'oxonu. Mo na'oxo aloxo 'o. Na'isalilinoxu xoluxoluxene no anu masaxa noxou Mosingesi.


Uo, Timotio, mi ane Mosinge mupilixinu noxine la nalaxa'inu laixe. Naxolu va'axu no anu vaikala vuluvulusi so lialia. Mo tamitema ane'i i'oxo lexe ane'i takeleva la ane'i i'oxonu vaikala anu uxililiou Mosinge vaikalaou, ia nalomuxa'a mamu.


Ia na'umenu vasimene no anu vaikala lexalexa vitanisi ane Mosinge u'osasou uasi. Xo vaikala axone ulapune'i tamitema no anu ili'ilixo ane upolo va'axu no anu masaxa noxou avile.


Xo no voxo ne la tamitema me'a imasaxai'amo xe opone'i u'oxoxu lamolisi xe i'itine'i no anu vaivaikalai'a xe itoxa'a xe ipupui. Ane'i ilomuxa'a tamami'a taneni'a uasi xe loxo tamitema isu'uline'i axova la ilemolu laixesou uasi xe imatapianu mimi ane Mosinge u'osasou.


Natulusou itema axone la mi vile no anu xoluxoluxu so tamitema ito'omolu no anu uasi. Loxo utaula'i la semau vilesisi. Xe loxo ta'olu, la lopala noxi'a noxou Kalaisitisi. Mo no anu xoluxo­luxa'a, la nuni'u no ie'i tamitema uasi xe ixililiie'i tamami'a taneni'a uasi.


Xo no taingengi ne tamitema so xilili tavu'alo ixolu ne. Ane'i tami­tema ne ilemolu vaikala vuluvulusi so ixovulaulaunixi'a tamitema. Ane'i tavu'alo ne no anu laili noxi'a Taiuta e opone'i ututulu no anu sosovo so vasimenge.


Mine'e so anu utilovosi'a tamitema muka­lusi kaio ulemolu mamulosi'a tami­tema ane mixililiou ilixo noxou Mosinge mo milai no anu vote'i ane u'osasou uasi. Xe so ukolinu vaikala masumasua tamitema so susu ne milemolu so ixililiou Mosinge.”


Swiv nou:

Piblisite


Piblisite