1 Timoti 1:5 - Ata New Testament

⁵ Ia loxo votovoto noxinge la anu tava'u aloxo 'o. Tava'u e so u'avutinoxu sexela no opone'i tamitema. Isexela axone xo opone'i malemalenga mo tane'i uai laixe mo lopala noxi'a maninasou.

1 Timoti 1:5 Referans Kwoze

1 Timoti 1:19

Natete­lisou lopala noxine ne mo taneni uai laixe xo nalavu lexe susu noxine muiasi mukalu. Xo se'i milopala aloxone ia mune'e la mixiunu tumali'aoula. La no anu lopala noxi'a ne la mimamulo aloxo lasipi umamulo no lipi.

Xalesia 5:22

Ia nene'axu xaixai noxou Ulenu no anu xoluxolunenge aloxo 'o. Ilixo so sexela mo osa mo xoluxolu lalavulusi. Xe anu upamuxanenge so tapalea no anu la'ia uasi mo ta'oxonu alauna ilou ilixo laixe noxi'a leviani. Xe ilopalanenge no anu xaixai ma'ia la ta'oxonu ulovosi.

2 Timoti 2:22

Laso nini, la na'umolu mo na'umesou masamasaxa ane ulavu­sou upalusi'a tamaulu. Anene na'umesou, ia mi ane so oponeni uiaveou a ilixo mulapusi xe lopala xe sexela xe xoluxolu lalavulusi. Ngingi ngoli'a tamitema mukalusi ane opone'i malemalenga so imama'u mo ikatu noxou Tatana­nenge, ngaxolu no anu anenesi.

2 Timoti 1:5

Xe eni taleliou lopala maninasou ane uxolu noxine ne. No anu lopala nesi la mutalupexa tei noxie xasine Loisi xe nenine Iunisi. Mo eni alavu manina no opoleli lexe anu a uxolu noxine kalumo.

2 Timoti 1:3

Eni alemolu laixe noxou Mosinge xo taleli uai laixe no iou so a'oxonu xaixai noxou aloxo ta'ilusuleli mi'oxonu tatei. Xe no anu vaivaikala ane alemolu noxou kakau olovoxo la utotomu axavuta­laneni so apilixineni kalumo.

1 Pita 3:21

La anu axone kalumo ilixo so kelele anu latilovosou pamauli e muxa­lisinge. Anu mi so uxexenu mi masua no anu vasimenge uasi. Anu vavalima noxou Mosinge lexe nenge taxolu tanenge malemalenga no iou, la tava'u xo anu mutulusou Iesua Kalaisiti no anu soli.

1 Pita 3:16

Ia loxo ngakoline'i la ngataxane'i laixe so ngavikala se'isisi noxi'a. Xe nga'oxonu ilixo ulapusi mo so tangengi uai se'isisi mo uto'omengi uasi. Xo loxo nga'oxonu ilixo laixesi so ngamulinu Kalaisiti kaio ipupuie­ngixu la anu upalasi no ie'i tamitema mole ane'i ane ito'o­menge ne itavulenu mailasousi.

1 Pita 1:22

Ioxe, ngingi ngelomuxu vaikala ane temanu manina la no anu vote'i anene nge'uingengi ngexali tamalemalenga no iou Mosinge. Xe ngingi a ngasexelaxa'a tavi­vinge Mosinge ta'olu, laso xavingengiou so ngasexelangenge no opongengi manina.

2 Pita 1:7

Xe ngapitanu no anu ano'ola. Nga'oxonu alau­nasi'a tavivinge talopala mo ngasexelangenge ngato'osi.

Lomu 10:4

Nenge tala­vu mukalu lexe Kalaisiti ne anu ngiou no anu lo xo anu mumo­moxu. Laso ta'ei ilopala noxou la ane'i tamalemalenga no iou Mosinge.

Taitusi 1:15

Xo aloxo 'o. Noxi'a tamitema ane tamalemalenga no iou Mosinge la ani'ani mukalusi malemalengasi. Ia noxi'a ane'i ane ilopala uasi la ane'i nuni'a no iou Mosinge. Laso maixene mi vile malemalenga noxi'a uasi xo xavutalai'a mo tane'i nuni'u avile.

1 Timoti 3:9

Xe anu ukasou pakia'u vaikala mu'asi'asi so lopala na'a nenge mo tanu uai laixe lexe utetelisou susu vile no oponu uasi.

2 Kolini 1:12

Ioxe, ilixoleli laixe vile a'osa so alemolu noxinge aloxo 'o. Eni taleli uai se'isisi xo mi ma'ia e'oxonu no taine'i tamitema la mulapusi mo mulamana. Ia eni melo eno'u lavulavusou mi ne no anu lialia 'o uasi, Mosinge molu muiaiamaxeli so muxalixu noxilo. La mua­mua'ixo no anu anenesi no taine'i tamitema xe no taingengi la anu axone u'isalili.

1 Pita 4:8

Xe mi ane mutiatila, a so xavingengi no anu sexelasinge ngato'o. Xo loxo tamitema isusunixinge ulolutu ia ngasexelaxa'asi, la anu umomomo so usu'asou mi ma'ia mi'oxonu mole usolixu avile.

Tiemisi 4:8

Ngasuku alai noxou Mosinge xe anu usuku une'e alai noxinge ane. Ia ngingi tamitema so susu laso nga'uinu uxexesou avonge. Xe ngingi tamitema so vaikalamengi iou vilemo no anu ilixomengi, laso ngaxalixu opo­ngengi malemalengasi.

Ta'aposeli 23:1

Ioxe, Polu mutulu no laxune'i tatiatila noxi'a Taiuta la iou mumatakisi'a. Mo muvikala aloxo 'o, “Ai tavivilo, eni taleli uai laixe no iou Mosinge uasi. xo emulinu vaikala noxou Mosinge tatei mo mune'e muxali vaimomo 'o.”

1 Tioni 3:3

La tamitema mukalusi ta'ei ilopalanu ixomaiou Kalaisiti la ikalipalane'i no anu susu xo imasaxau xoluxolu malemalenga aloxo anusi.

Ipilu 10:22

Laso nenge talai alai mo oponenge lamana mo lopala noxinge pumuxu avile. Xo Kalaisiti mupeinu sialuxu noxinge so mu'uinu susu ane tanenge muto'omengexu mo mu'uinu vasi­menge no anu lexa malemalenga.

1 Kolini 13:1

Vote'i aloxo 'o. Loxo eni avivi­kala no anu vaikala iouiou noxinge tamitema o vaikalai'a ta'angelo ia loxo asexelaxa'a tamitema uasi, la vaikalaxeli ne mi vitanisi. Eni loxo velo umolo ina vitanisi o latalamu xalusou ane ukuelele vuluvulusi.

Lomu 14:15

Laso loxo nga'ou la'ilali vile no ie'i tavivinge, xe loxo opone'i lexe anene masua no iou Mosinge, la ngingi ngalosi'a tu'umaxu ane. Mo axone la ngasexelaxa'a uasi ane. Xo ngingi nga'ou la ngaxamulinu lexe mi vile uasi. Ia tavivinge ne, anu Kalaisiti musolisi'a kalumo. Laso mamu so ane'i itavulenu tu'umaxusou la'ilalingenge.

Lomu 9:1

Ioxe, eni axolu noxou Kalaisiti, mo avikala manina no anu mi 'o. Ngalomu laixe xo Ulenu Laixe mulavusou opoleli lexe akalavoi uasi.

Ta'aposeli 24:16

Laso utotomu opoleli ututulu pakia'u lexe a'oxonu mi vile so amaila no ie'i tamitema o no iou Mosinge uasi.”

Ta'aposeli 15:9

Mo axone la anu mulosoiengi lexe anu ukalitotonenge noxi'a uasi. Ane'i milopala noxousi laso anu molu mu'uine'i so mixali tamalemalenga no iou. Mu'oxonu noxi'a ne iou vilesisi aloxo nenge 'osi.

Matiu 12:35

Itema ane laixe la oponu ututuluou mimi lailaixe ane uxolu no oponu, laso maixene uxalixu nene'axu laixe. Xe itema ane masua la oponu ututuluou mimi masumasua, laso maixene uxalixu nene'axu masua to ne.

Matiu 5:8

Laixe noxi'a ane'i ane opone'i malemalenga xo ane'i imaisou Mosinge ane.

1 Tioni 3:23

Xo voto noxou aloxo 'o. Nenge talopala noxou Olu Iesua Kalaisiti mo tasexelanenge ngato'osi no anu vote'i e muvotonengexu.

Ipilu 13:18

Xe loxo nexi 'o, ngapilixinexi noxou Mosinge. Xo nexi talavu lexe tanexi uai laixe no iou, ia oponexi ututulu lexe mimi mukalusi ta'oxonu, la no anu vote'i laixesi.

Ipilu 9:14

Ioxe, anene vote'i so malemalenga tei. Ia loxo sialuxu Kalaisiti la lailaixe mo uua'ulixu anene laso xaixai no anu uua'ulixu ane tei avile kalumo. Xo Ulenu ane kaluxusou uasi mupa­muxanu so mupilixinu maulixu malemalenga noxou Mosinge. Laso sialuxu uxaxaisou vasime­ngesi uasi, ulai avile no tanenge so u'uinu mo u'oxonu uai laixe. Mo so tatalo no anu xaixai ane mauli no anu uasi mo ta'oxonu xaixai noxou Mosinge e umamauli.

Xalesia 5:6

Xo loxo itema uxolu noxou Kalaisiti xe sosovo uxolu no anu vasimolu o uxolu uasi, la anene mi vitanisi to. Ia mi ane mutiatila a so lopala noxou itema ne u'avutinoxu sexela no oponusi.

Lomu 12:9

Mo aloxo 'o. Loxo ngasexelaxa'a tamenexinge la ngasexelaxa'a manina, ngakalavoi uasi. Xe ngamatapianu ilixo masua mo ngakamakulunu ilixo laixe pakia'u.

1 Timoti 1:18

Ioxe, alixeli Timoti, eni apelo­totosine u'isalili no anu vaikala so pela'a milemolu tatei so ma'ia uxali no anu xoluxolu noxine. Natulu pakia'ine no anu oto so ulenenge mo nasoa so naua'ulixu mi ma'ia uxililiou lopala noxine.

1 Tioni 3:10

Ioxe, laso vote'i so tatongo lamana noxi'a tamitema lexe ane'i ta'ei Mosinge ta'olu xe ane'i ta'ei Uluaou ta'olu aloxo 'o. Tamitema ane imulinu ilixo mulapusi uasi ane'i tanoxou Mosinge uasisi. Xe ane'i ane imoxo'a tamitema lexe tavimo'a ia isexelaxa'a uasi, ane'i kalumo tanoxou Mosinge uasi.