1 Timoti 1:18 - Ata New Testament

¹⁸ Ioxe, alixeli Timoti, eni apelo­totosine u'isalili no anu vaikala so pela'a milemolu tatei so ma'ia uxali no anu xoluxolu noxine. Natulu pakia'ine no anu oto so ulenenge mo nasoa so naua'ulixu mi ma'ia uxililiou lopala noxine.

1 Timoti 1:18 Referans Kwoze

1 Timoti 4:14

Xe loxo nini Timoti, Ulenu molu mulosine lavulavu so xaixai noxine ne laso kalakalaxene uasi. Mulosine mala'o loxo milemolu vaikala so pela'a so xoluxolu noxine mo tamitema so saxila'u mimulaxu avo'a no kisine.

1 Timoti 6:20

Uo, Timotio, mi ane Mosinge mupilixinu noxine la nalaxa'inu laixe. Naxolu va'axu no anu vaikala vuluvulusi so lialia. Mo tamitema ane'i i'oxo lexe ane'i takeleva la ane'i i'oxonu vaikala anu uxililiou Mosinge vaikalaou, ia nalomuxa'a mamu.

Pilipai 2:22

Ia loxo noxou Timoti 'o la ngingi ngelavusou ilixo noxou. Anu upalasi lexe musu'ulileli so texaxaisou vaikala laixe aloxo itema olu usu'ulinu no anu xaixai noxou.

2 Timoti 4:7

Eni eiave xavileli no anu lesisi so mauli 'o mo exali avile no anu sosovo no telexu. Xe no anu lopala na'a nenge la elaxa'inu laixe.

1 Timoti 1:2

Eni akaukavunu lapasi ano'o ulai noxine Timoti. Nini loxo alixeli manina no anu lopala xo eni melo evotoneni. Eni amasaxau lexe nini naxamulinu iaiama mo mamatola mo xoluxolu lalavulusi noxou Mosinge anu Maminge ilou Kalaisiti Iesua anu Tatananenge.

2 Timoti 1:2

Eni akaukavunu lapasi ano'o ulai noxine Timoti, nini na'alixeli ane asexelaxene misevile. Eni amasa­xau lexe nini naxamulinu iaiama mo mamatola mo xoluxolu lalavu­lusi noxou Mosinge anu Maminge ilou Kalaisiti Iesua anu Tatana­nenge.

1 Timoti 4:4

Xo mimi mukalusi Mosinge mukoinu ne anu la'ilali laixe to. Tatavunu vile no anu uasi, tano'usi mo tavikala laixesou.

Vilemoni 1:10

Enisi a akatu noxine lexe oponeni lexa noxou alixeli Onesi­musi. Eni amomu no anu lopala xo exolu ekalavusu 'o la mune'e noxilo xe evotovotonu, laso mulopala.

Taitusi 1:4

Lapasi ano'o ulai noxine nini Taitusi. Lopala na'a nenge vilesisi mo nini na'alixeli no anu lopala ne. Eni amasaxau lexe nini naxamulinu iaiama mo xoluxolu lalavulusi noxou Mosinge anu Maminge ilou Kalaisiti Iesua anu Mosou Pamauli noxinge.

Ta'aposeli 16:1

Ioxe, Polu ilou Sailasi milutu xo la mixali no tuala ne Tevi mo milai avile ne Lisitila. Xe no tuala ne la lopala vile a muxoxolu, ualasou lexe Timoti. Anu ne sema Iuta vile ilie xe momu so Kiliki. Nenu ne lopala vile kalumo.

1 Kolini 4:17

Masaxa noxilo so singe axone. Laso maixene epalusou Timoti mune'e noxinge ne. Anu kalumo loxo alixeli no anu xoluxoluxu noxou Tatananenge. Eni asexelaxu mo xaixai ma'ia alopalanu so u'oxonu la utotomu u'oxonusi. Mune'e noxinge so ulivunoxu xavutalemengi no anu ilixoleli so xoluxoluxo noxou Kalaisiti. Anene u'isalili no anu vaikalaxeli loxo alavusou alanu no anu pitapita no tuatuala.

1 Kolini 9:7

Xo loxova? Ami vile loxo ulai no anu oto la molu ukamulinu xou la'ilali? O itema vile utounu xai la uno'u xou temanu sevile uasi? O itema vile usaxila'a tasipisipi la utau susune'i so uie uasi? Uasi to! Ane'i latala ixalisou nene'axu xaixai noxi'a ane. Ia nexi uasi?

1 Timoti 1:5

Ia loxo votovoto noxinge la anu tava'u aloxo 'o. Tava'u e so u'avutinoxu sexela no opone'i tamitema. Isexela axone xo opone'i malemalenga mo tane'i uai laixe mo lopala noxi'a maninasou.