1 Timoti 1:16 - Ata New Testament

¹⁶ Mo anene tava'u so Iesua Kalaisiti mupala'anixu iaiama noxou noxilo. Anu ukolinu susu noxilo avile uasi, muxomaieli muxomaieli xo xe elopalae, laso anu oponu so sexela ne mupala'a. Exali loxo pikisa so ulapune'i tamitema mo so ane'i kalumo ilopala noxou mo ixalisou mauli kaluxu uasi.

1 Timoti 1:16 Referans Kwoze

1 Timoti 1:13

Xo manina, eni tatei la etovonu so amasuanu pita noxou mo exililiou vaikalaou mo epupuiou. E'oxo axone ia eni alavu uasi, alopala noxou uao. Laso anu tanuxo misevile mo ukolinu ilixo noxilo ne avile uasi.

Epesusi 2:7

Anu mu'oxo axone so no anu voxovoxo mo tautau ie ili'i la upalapa­lasinoxu iaiama noxou toxoxa'a to e mu'oxonu noxinge. Iaiama e mu'oxonu noxinge noxou Kalaisiti Iesuasi.

Luku 7:47

Laso avikalaneni aloxo 'o. Sema ano'o susu noxie mulolutu, ia tina'uxe muiasi mukalu. Laso maixene isexelaxo tatila 'o. Ia itema ane tina'uxu so uiasi malaxo uasi, la usexelaxo malaxo to uasi.”

2 Pita 3:15

Xe ngamalei, Tatananenge uxolu se'isisi uxomaii'a tamitema, xo oponu ututuluou pamaulisi'a. Mi ne mulosou lavulavusou noxou Polu kalumo xo vivinge e tasexelaxu manina ne mukauka­vunu mulai noxinge ne.

2 Pita 3:9

Tava'u ma'ia so Tatananenge uxalixu nene'axu vavalima noxou ne uao? Xo anu uvovoxo vitanisi aloxo tamitema se'i ilemolu 'o? Uasi to, anu uxomaiengi se'isisi xo masaxa noxou lexe vile noxinge umamulo uasi. Oponu lexe ngingi mukalusi ngaxiunu opongengi so susu noxinge mo nga'isalilinoxu noxou.

1 Pita 3:20

Ane'i ne tamosou e milomuanu vaikalou Mosinge no voxo loxo Noa muxolu. Xo tatei ne Mosinge umamulone'i palea uasi muxomai'a se'isi no anu tautau ie loxo Noa muxolu mutulusou lasipi. Ia no anu lasipi ne ane'i tavu'alo i'unalai uasi, ane'i e tamitema 8 mososi mixolu so Mosinge mupamauline'i mu'u­mene'i no tainu lexa tatila.

Tioni 20:31

Ia mimi ano'o mukaukavu muai aloxo 'o mo so ngingi ngalopala lexe Iesua anu ane so Kalaisiti e Mosinge Olusi. Xe loxo ngalopala la ngaxalisou mauli no anu ualasousi.

Tioni 3:36

Itema aneva ulopala noxou Olu la uxalisou mauli kaluxu uasi. Ia loxo itema ulomuxu Olu uasi la uxalisou mauli uasi mo uxolu no laxu la'ia noxou Mosingesi.

Lomu 6:23

Laso anu ane. Loxo itema uxaxai no anu susu, la lapesou ane solisi. Ia Mosinge uiaiama noxinge so lexe taxolu noxou Kalaisiti Iesua anu Tatana­nenge, la tano'u mauli kaluxu uasi.

Ta'aposeli 13:39

Xo lo noxou Mosisi ne anu umomomo uasi manina so uiasou susu mo uxalixinge malemalenge no iou Mosinge. Ia ane'i ane ilopala noxou Iesuasi la susu noxi'a uiasi mo Mosinge umoxo'a lexe ane'i tamalemalenga no iou ane.

Tioni 6:54

Ia itema ane u'ani'ani no vasimelo mo uiie noxilo la mauli kaluxu uasi uxolu noxou xe no anu kaluxusou voxo eni atulusou umaulisi.

Tioni 6:40

Xo masaxa noxou Mamilo aloxo 'o. Tamitema mukalusi ta'ei isaxi noxou Olu kaio ilopala noxou la ixalisou mauli kaluxu uasi. Xe uxali no anu kaluxusou voxo la eni melo atulusi'a imauli.”

Ipilu 7:25

Anu uxolu axone laso ta'ei ipolo noxou so ilai noxou Mosinge la anu upamauline'i. Upamauline'i la mi ne utalo uasi xo anu a uxoxolu uvalaxa'a noxou Mosinge kaluxu­sou uasi.

2 Tesalonaika 1:10

Ia loxo nenge tami­temaou mu'isalili la taxolu ta'itinu ualasou no anu voxo loxo une'e ne. Mo ngingi ngelomuxu vaika­lamexi no taingengi laso ngingi kalumo ngaxolu so nenge'a talo­pala mukalusi tatoxu Tatananenge ne.

Epesusi 1:12

La musosovosixe so nexi ane tei so telopala noxou Kalaisiti mo so ualasou utilasi.

Epesusi 1:6

Laso nenge ta'itinu iaiama noxou. Xo nenge taxolu noxou Olu ane usexelaxu, laso iaiamasinge mise­vile.

2 Kolini 4:1

Ioxe, Mosinge mu'alaunanexi la mupilixinu xaixai ano'o noxixe laso nexi talavusou tatatosa no anu uasi.

Lomu 15:4

Tatei mikaukavunu vaikala tavu'alo no lavukuou Mosinge. Vaikala ma'ia mikauka­vunu ne anu so upelototosinge. Laso loxo talomuxu la anu u'oxonu oponenge uai se'isisi. Uai se'isisi mo so tatulu pakia'inge mo talopalanu voxo so xoluxolu laixe ili'io.

Tioni 6:37

Tamotu ta'ei mukalusi Mamilo upilixine'i noxilo la ane'i ine'e noxilosi ane. Xe loxo ine'e noxiloe la vote'i uasi e uasisi so akusai'ala.

Tioni 5:24

A avikalangengi manina e maninasi. Loxo itema ulomuxu vaikalaxeli mo ulopala noxou anu ane mupalusilo ene'e 'o la uxalisou mauli kaluxu uasi. Xe no anu voxo so tilovo olele la vaikala so mamulo usu'asou uasisi xo anu muvula mula no anu xoluxolu so soli mo a mu'unalai no anu mauli mukalu.

Luku 23:43

La Iesua mukolinu lexe, “A avika­laneni manina aloxo 'o. Masi 'osi nengei taxolu no tualasou Mosinge lailaixe.”

Luku 15:10

La Iesua muvikalane'i lexe, “Avikalangengi lexe osa'ila axone uxali no taine'i ta'angelou Mosinge no voxo loxo itema so ilixo masumasua soxu vilesisi uxiunu oponu mo u'isalilinoxu.”

1 Kolini 7:25

Ioxe, eni pelototo noxilo sevile so si'a tasixeli. Tatananenge molu uvikala u'isalili so mi ne uasi. Ia eni etilovosou mi ne laso laixe so ngalomuxo. Xo Tatananenge molu ulavusou uiaiama noxilo mo ulosilo vaikala ane maninasi so alanu.