1 Timoti 1:15 - Ata New Testament

¹⁵ Eni alemolu vaikala vile manina mo laixe so tamitema mukalusi ilomuxu. Aloxo 'o. Kalaisiti Iesua mulu'e no lialia 'o so upamauline'i tamitema so susu. Xe no taine'i tamitema so susu ne la eni loxo a'uli'uli avile.

1 Timoti 1:15 Referans Kwoze

Maki 2:17

Xe Iesua mulomusou vaikalai'a ne la muvikalane'i lexe, “Tamitema ipipiena uasi la ilai noxou tokota uasi. Ane'i ane ipipienasi a ilai noxou tokota. Ane'i ane me'a i'oxo lexe ane'i tamalemalenga, la ene'e so a'avali'a uasi. Eni ene'e so a'avali'a ane'i ane ilamana no anu susu noxi'asi.”

Luku 19:10

Xo Itema ane molu noxou Mosinge mune'e so ukakamuline'i mo upamauline'i ane'i ane milusi.”

Tioni 12:47

Loxo itema vile ulomusou vaikalaxeli ia umulinu uasi la eni alemolu mamulosou uasi. Xo eni ene'e no lialia so alemolu mamulosi'a tatemanu uasi, ene'e so apamauline'isi.

Tioni 1:12

Ia noxi'a tamitema ta'ei loxo mi'osa so mi'unanu noxi'a la muiti'a tanixa'a ane so mixali Mosinge ta'olu. Ane'i ne tamosou e ilopalanu ualasousi.

Luku 5:32

Ioxe, ane'i ane me'a i'oxo lexe ane'i tamalemalenga, la ene'e so a'avali'a uasi. Eni ene'e so a'avali'a ane'i ane ilamana no anu susu noxi'a so ixiunu opone'i mo i'isalilinoxu so susu noxi'a ne.”

1 Tioni 3:5

Mo loxo ngelavu, Kalaisiti mune'e mupala'a so ukalusou susu xe noxou la anu susu vile uasi.

1 Timoti 1:13

Xo manina, eni tatei la etovonu so amasuanu pita noxou mo exililiou vaikalaou mo epupuiou. E'oxo axone ia eni alavu uasi, alopala noxou uao. Laso anu tanuxo misevile mo ukolinu ilixo noxilo ne avile uasi.

Matiu 20:28

Mo musolonu aloxo 'ola, “Itema ane molu noxou Mosinge anu kalumo une'e so tamitema i'oxonu xaixai­sou uasi. Anu une'e so u'oxonu xaixaisi'a tamitema. Mo une'e so ulotonu tina'uxa'a so susu no anu mauli noxou.”

1 Kolini 15:9

La ane'i ta'aposeli latala iua'ulixo mo eni amitema alaixe so atavulenu uala aposeli aloxo 'o uasi. Xo tei la elosi'a tatemanu pita noxou Mosinge tu'utu'umaxu.

Tioni 1:29

Xe no voxo loxo nei'ela la Tioni mumaisou Iesua a umuamua'i une'e noxou la Tioni muvikala lexe, “Ngamalei, anene Sipisipi Ilie noxou Mosinge ane! Anu mosou e so uxexenu susu noxi'a tatemanu lialia.

Matiu 9:13

Laso ngingi ngalai ngano'u lavulavu no anu laxu vaikalaou Mosinge vile aloxo 'o, 'Tami ane ngalavusou ngave'a lexe noxilo la amasaxau to uasi. Mi ane a'osasousi a so tangengixa'a tamene­xinge.'” Xe Iesua muvikala aloxo 'ola, “Ane'i ane me'a i'oxo lexe ane'i tamalemalenga, la ene'e so a'avali'a uasi. Eni ene'e so a'avali'a ane'i ane ilamana no anu susu noxi'asi.”

Matiu 1:21

La ane ivo'onu ilie mulu la nini namoxo'u lexe Iesua, xo anu ane so upamauline'i tamitemaou no anu susu noxi'a.”

Ipilu 7:25

Anu uxolu axone laso ta'ei ipolo noxou so ilai noxou Mosinge la anu upamauline'i. Upamauline'i la mi ne utalo uasi xo anu a uxoxolu uvalaxa'a noxou Mosinge kaluxu­sou uasi.

1 Timoti 4:9

Vaikala ano'o ne manina mo laixe so tamitema latala ilomuxu.

Lomu 5:6

Xo aloxo 'o. Tei la nenge pakia'inge uasi so talu'enu Mosinge tanu. Nenge texolu va'axu avile mo ta'oxonu ilixo vile laixe no iou uasi. Ia no voxo loxo Mosinge molu musosovosou, la Kalaisiti musoli­singe.

1 Tioni 3:8

Mo aloxo 'o. Musoko'u tei tei manina mo mune'e avile 'o la Uluaou usususu utotomu to. Laso loxo itema ulavusou u'oxonu susu la anu noxou Uluaou ane. La tava'u so Mosinge Olu mune'e mupala'a a so umamulonu xaixai noxou Uluaou usu'a avilesi.

1 Timoti 3:1

Ioxe, vaikala alemolu 'o anu maninasi. Loxo itema vile oponu ututulu so uxali itema vile so uvu'ulinu pita la xaixai umasaxau ne lailaixe.

Epesusi 3:8

Ai, eni amitema vitanisi no taine'i tamitemaou Mosinge u'isa­lili a. Ia anu muiaiama noxilo so musosovosilo so avotone'i tami­tema noale'ale. Avotone'i no anu vaiakala laixe e mu'asi'asi so Kalaisiti.

Mupala'a 22:6

La angelo muvikalaleli aloxo 'ola, “Vaikala ano'o uxalixu nene'axu mo anu maninasi. Tatananenge anu Mosinge ulavusou u'avutinoxu ulene'i tapolopeti so ilanu vaika­laou. Anusi a mupalusou angelou so upela'a tamitema so xaixai noxou no anu mimi ane a so uxali.

Mupala'a 5:9

Mitangatuluou la milexenu lexe alavua aloxo 'o, “Nini nalaixe umomomo so nano'u lavuku mo nalokenu sosovo e mutei no anu. Xo ane'i mivene nesoli so sialuxene mulotone'i tamitema milivulivu noxou Mosinge. Tamitema no anu lailaili latala xe vaikalai'a vilevilesi xe vasime'a iouiou xe no xale tuatuala mukalusi.

Taitusi 3:8

Vaikala ano'o manina e maninasi. Laso loxo nalemolu la amasaxau lexe xavineniou. Mo so axone la tamitema ane ilopalanu Mosinge la ilaxa'i laixe so i'oxonu ilixo laixesi. Xo axone la ane'i latala ino'u su'uli laixe no anu.

2 Timoti 2:11

Anu vaikala ano'o umomomo manina so talopalanu. Aloxo 'o. Loxo nenge tepita manina noxou so tesoli, la nenge tapita noxou kalumo so taxolu tamauli.

Ta'aposeli 3:26

Pita mulemolu Mosisi vaikalaou axone mukalu la muvi­kala lexe, “Laso maixene Mosinge mutulusou itema so xaixai noxou mo mupalusou muxali noxinge tei so uxiungengi no anu vote'i so susu ngamulinu 'o.”

Tioni 3:36

Itema aneva ulopala noxou Olu la uxalisou mauli kaluxu uasi. Ia loxo itema ulomuxu Olu uasi la uxalisou mauli uasi mo uxolu no laxu la'ia noxou Mosingesi.

Mupala'a 21:5

La anu ane mutalupexa no anu sia kingi muvikala aloxo 'o, “Ngama­lei, eni a axalixu mimi mukalusi alavuala.” La mu'oxo lexe, “Nakau­kavunu vaikala ano'o xo anu uxalixu nene'axu mo anu mani­nasi.”

1 Tioni 5:11

La ano'o vote'i so Mosinge mupala'anixu lexe vaikalaou ne maninasou. Anu mulosinge mauli kaluxu uasi la tava'u mauli kaluxu uasi ne a noxou Olusi.

1 Timoti 1:19

Natete­lisou lopala noxine ne mo taneni uai laixe xo nalavu lexe susu noxine muiasi mukalu. Xo se'i milopala aloxone ia mune'e la mixiunu tumali'aoula. La no anu lopala noxi'a ne la mimamulo aloxo lasipi umamulo no lipi.

Matiu 18:10

Laso ngingi ngalaxa'i laixe lexe ngingi ngamatapiane'i ta'aliku moso 'o uasi. Xo eni avikalangengi lexe ta'angelo so isaxila'a a utotomu isaxisou iou Mamilo no tualasou.

Ta'aposeli 11:18

Taiuta talopala ne milomusou vaikalaou Pita laso ane'i opone'i lelemesou mo ivikala mi vilela uasi. Ane'i mi'itinu Mosinge ualasou mo mivikala lexe, “Ai vaimomo 'o nenge talamana. Mosinge mu'oxonu vote'i so tamitema noale'ale kalumo loxo ixali lamana no anu susu noxi'a la ixalisou pamauli.”

Ta'aposeli 11:1

Ioxe, ta'aposeli oli'a tavimovimo'a no anu lopala so tuatuala ne Iutea milomu lexe tamitema noale'ale kalumo a milomuxu vaikalaou Mosinge.

Luku 15:2

La Tapalisi oli'a tamitema so lavulavu no anu lavuloto opone'i tu'umaxu mo mimunumunuxu lexe, “Itema ano'o uvaitami noxi'a tamitema so ili'ilixo masumasua mo oli'a ipita i'ani'ani to!”

Lomu 11:14

Xo aloxo 'o. Eni amasaxau lexe a'avutinoxu opone'i tatemanu tualasilo. Xo loxo imaisou nene'axu xaixai noxilo no taingengi la ane'i imasaxau kalumo. Mo loxo imasaxau la ane'i masi ixalisou pamauli kalumo.

1 Timoti 6:13

Eni pelototo pakia'u vile so alemolu noxine ia enisisi uasi. Alemolu no iou Mosinge e mosou mauli xe no iou Kalaisiti Iesua e mutulu muvikala lamana no laxunu Ponitiasi Pailati. Pelototo aloxo 'o.

Matiu 18:11

Xe loxo Itema ane molu noxou Mosinge la anu mune'e so upamauline'i ane'i ta'ei milusi.