1 Timoti 1:14 - Ata New Testament

¹⁴ Tatananenge ukolinu ilixo noxilo ne uasi mo iaiama noxou noxilo mulolutu e mulolutu. Xo Kalaisiti Iesua ne anusisi tava'u lopala mo sexela la anu mu'avu­tinoxu no opoleli.

1 Timoti 1:14 Referans Kwoze

2 Timoti 1:13

Timoti, nini taneniou vaikala lailaixe ane nelomusou noxilo la navulunu noxi'a tamitema axonesi. Mo nalanu no anu lopala ilou sexela ane taxalisou noxou Kalaisiti Iesua.

1 Kolini 15:10

Ia vaimomo 'o xoluxoluxo aloxo 'o xo no anu iaiama noxou Mosingesi. Muiaiama noxilo la ulapau vitanisi uasi. Muxalixu nene'axu xo no anu xaixai noxilo la aua'ulixa'a ta'aposeli mukalusi. Ia eni melo uasi, iaiama noxou Mosinge a uxoxolu noxilo so ulosilo xavi no anu xaixai anene.

1 Pita 1:3

Nenge'a ta'itinu ualasou Mosinge e Mosou xe Momu Tatananenge Iesua Kalaisiti xo anu mu'alauna­singe misevile aloxo 'o. Anu mutulusou Iesua Kalaisiti no anu soli la no anu vote'i anene muxa­lixu mauli alavua noxinge. Laso maixene nenge'a talopalanu taxomaiou mauli ane tasiauxula uasi.

2 Kolini 13:14

Eni amasaxau lexe ngingi mukalusi ngaxamulinu iaiama noxou Tatananenge Iesua Kalaisiti xe sexela noxou Mosinge. Mo amasaxau lexe Ulenu Laixe u'oxonu opongengi uxolu vilesisi. Anu anesi.

Lomu 16:20

Xo anu voxo alaimanasi so Mosinge ukalusou xavinu Uluaou. Ukalasou mo anu Uluaou uxolu no langenge ane. Laixe, xo Mosinge u'oxonu xoluxolu noxinge lalavulusi mo iaiama noxou Tatananenge Iesua uxoxolu noxinge.

1 Tioni 4:10

Laso ane, anene sexela manina. Anu mi so nenge tesexelaxu Mosinge tei uasisi. Anu molu musexelanenge laso mupalusou Olu soxu ne mo so noxou, la muxalixu vote'isou susu noxinge ukalu.

1 Tesalonaika 1:3

Tavivi­kala noxou Mosinge anu Maminge la talemolu osa xo talavusou xoluxolu noxinge aloxo 'o. Ngelopalanu Mosinge laso muxa­lixu ili'ilixo laixe, xe ngasexelangenge ngato'o laso sasaienge no anu xaixai so su'uli xe ngalopalanu ngaxomaiou lailivu noxou Tatananenge Iesua Kalaisiti laso ngaxolu pumu­ngenge.

2 Kolini 8:9

Xo ngingi ngelavu mukalu no anu iaiama noxou Tatananenge Iesua Kalaisiti. Anu muxolu no latanu mimi avile ia anu muxali loxo oloxola vitanisi so usu'ulingengi. Mo so no anu vote'i so mu'oloxola axone la anu mumulangenge no anu latanu mimi avile.

Mupala'a 22:21

La amasaxau lexe ngingi mukalusi ngaxamulinu iaiama noxou Tatana­nenge Iesua. Manina misevile. Anu anesi.

1 Tesalonaika 5:8

Ia nenge tamitema so aso la taxolu xavutalamenge lamanasi xo anu loxo taxolu no oto. Taxolu no oto laso tasu'asinge no anu lopala ilou sexela so uutulu­lunenge a loxo ta'ami ivaxanu lasioti aini so uutululunu lutune'i. Xe talopalanu taxomoaiou voxo so Tatananenge upamaulinenge no anu mamulo. Axone la anu loxo utanunenge no anu oto e taxolu no anu 'o a loxo ati aini utanuxu kisi'a ta'ami.

Ta'aposeli 15:11

Uasi to! Nenge tala­mana lexe Mosinge mupamauli­nenge xe ane'i kalumo no anu vote'i vilesisi. Vote'i e no anu iaiama noxou Tatananenge Iesuasi.”

1 Kolini 3:10

Ioxe, atilovo aloxo 'o. No anu iaiama noxou Mosinge la mulosilo lavulavu so aloxo kapenita laixe. La eni elovonixu tani tanixu ka eta'olunu lavolavo'o so tani tava'u. Ia vaimomo 'o la se'ila a ixaxai so isivitanoxu tani e esoko'u ne. Laso avikala aloxo 'o. Tamitema ta'ei ixaxai no tani e esoko'u tava'u ne, la ilaxa'i laixe.

2 Kolini 4:15

Evikala axone xo elavu lexe mimi ane uxaxalisixe 'o ne so su'ulisinge. Mo so axone la iaiama noxou Mosinge ane uxaxala noxi'a tamitema tavu'alo la u'avutinixi'a so vaikalasou laixe ilemolu ne ulolutu mo u'itinu Mosinge uala­sousi.

Xalesia 1:13

Ngingi ngelomusou a'alosou xoluxolu noxilo tatei so emulinu ili'ilixo no anu lopala noxi'a Taiuta. Xe elolutu so elosi'a tatemanu pita noxou Mosinge tu'utu'umaxu mo etovonu so epaxelelene'i.

1 Timoti 2:15

Laso anu tava'u so tasema itavulenu navunavu no anu lavulo'o. Ia ane'i ixalisou pamauli loxo ilopala. Mo axone la ixoxolu no anu sexela mo ilixo malemalenga mo ixolu no anu xolaxola uasi, ixolu se'isisi.

1 Timoti 4:12

Manina, nini namaulusi ia mamu so tamitema itaxaneni uasi no anu mi anene. Nini naxali loxo pikisa noxi'a talopala no anu vote'i aloxo 'o. Vaikalameni ilou muamua'ixene ulapusi. Xe sexela ilou lopala noxine pakia'usi. Xe xoluxolu noxine malemalengasi.

1 Timoti 6:11

Ia loxo nini, la namitemaou Mosinge laso na'umolu mo na'umesou mimi so mamulo ne. Na'umesou anene mo namulinu ilixo aloxo 'o. Xoluxoluxene ula­pusi mo ulovo no anu masaxa noxou Mosinge. Xe lopala noxine ututulu noxousi mo nasexelaxa'a tamenexine. Xe loxo tu'umaxu ma'ia uxalisine la natulu pakia'inesi mo oponeni lexasi noxi'a tamitema mukalusi.

2 Timoti 2:22

Laso nini, la na'umolu mo na'umesou masamasaxa ane ulavu­sou upalusi'a tamaulu. Anene na'umesou, ia mi ane so oponeni uiaveou a ilixo mulapusi xe lopala xe sexela xe xoluxolu lalavulusi. Ngingi ngoli'a tamitema mukalusi ane opone'i malemalenga so imama'u mo ikatu noxou Tatana­nenge, ngaxolu no anu anenesi.

Taitusi 2:2

Laso noxi'a tamulu tatiatila la napelototosi'a aloxo 'o. Masama­saxa noxi'a upalusi'a uasi. Xe no anu vaikalai'a la isu'asu'anu vuluvulusi uasi mo so axone la tamitema itaxane'i. Mo lopala xe sexela noxi'a ututulu pumuxusi, uxiuxiu uasi.

Matiu 20:9

Laso ane'i ane misoko'u mixaxai no anu 5 kiloko se no o'olovoxo ne la mino'u kina vilevilesi.