1 Timoti 1:1 - Ata New Testament

¹ Eni Polu a. Eni aposeliou Kalaisiti Iesua. Mosinge e mosou pamauli ilou Kalaisiti Iesua ane talopalanu taxomaiou me'a mipa­lusilo so exali aposeli aloxo 'o.

1 Timoti 1:1 Referans Kwoze

Taitusi 1:3

Muvavali­masou axone xo xe no anu voxosou mu'isalilii la musosovosi'a se'i so ipalasinoxu vaikalaou. La Mosinge anu mosou pamauli mupilixinu vaikalaou nesi noxilo so alanu noxi'a tamitema.

Kolosi 1:27

Xo anu masaxa noxou Mosinge so upela'ingexu vaikala e muta­lume ne. Vaikala ne anu mi so takulukemolu kena mo ta'osa'i­lasou xo anu lailaixe so usu'uline'i tamitema no anu lailaili mukalusi. Anu aloxo 'o. Kalaisiti a uxolu nonano noxinge ne, laso mimi lailaixe so tualasou Mosinge e ngaxolu ngaxomaiou ne, ngingi ngaxalisou ane.

Ta'aposeli 9:15

Ia Tatananenge muvikalanu lexe, “Nini nalai. Eni melo esosovosou itema anene so u'oxonu xaixai noxilo. Ili'i la anu ulaixu ualasilo noxi'a Ta'isilaeli mo uxalixu avile noxi'a tamitema noale'ale oli'a takingii'a.

Iuti 1:25

Mosinge anu mosou pamauli­singe xo muxalixu a noxou Iesua Kalaisiti anu Tatananenge. Laso nenge ta'itinu ualasou xo anusi iaxu mo anu kingi u'uli'uli mo xaviou ilou ualasou uua'ulixu mimi muka­lusi. Tei no anu voxovoxo la anu uxoxolu, xe uxoxolu vaimomo, xe uxoxolu ili'i kaluxu uasi. Vaikala ano'o maninasi. Anu anesi.

1 Pita 1:3

Nenge'a ta'itinu ualasou Mosinge e Mosou xe Momu Tatananenge Iesua Kalaisiti xo anu mu'alauna­singe misevile aloxo 'o. Anu mutulusou Iesua Kalaisiti no anu soli la no anu vote'i anene muxa­lixu mauli alavua noxinge. Laso maixene nenge'a talopalanu taxomaiou mauli ane tasiauxula uasi.

1 Timoti 1:12

Eni alemolu laixe noxou Kalaisiti Iesua anu Tatananenge. Anu mutilovosilo lexe xaixai ma'ia upilixinu noxilo la eni opoleli ututuluousi. Laso anu molu mu'oxo pakia'ilo mo mumulaxo no anu xaixai noxou.

Xalesia 1:1

Eni aposeli Polu a. Tamitema ipalusilo aloxo 'o uasi xe itema vile utulusilo no anu xaixai ano'o uasi. Eni exali a aposeli xo noxou Iesua Kalaisiti ilou Mosinge anu Maminge e mutulusou Kalaisiti no anu soli.

2 Kolini 1:1

Eni Polu a. Eni aposeliou Kalaisiti Iesua xo no anu masaxa noxou Mosingesi. Nexi noxou vivinge Timoti a takaukavunu lapasi 'o so ulai noxinge tatemanu pita noxou Mosinge ne Kolini ne. Xe ulai noxi'a tamitemaou Mosinge u'isalili ta'ei ixoxolu no xale tuatuala no Akaia polovonisi.

2 Pita 1:1

Ioxe, eni Saimoni Pita a. Eni amitema so xaixai noxou Iesua Kalaisiti mo a aposeliou. Eni akaukavunu lapasi 'o ulai noxinge ngingi ane ngexalisou lopala manina iou vilesisi noxixe 'o. Vote'i so ngexalisou lopala ne a no anu ilixo mulapusi noxou Iesua Kalaisiti e Mosinge xe mosou pamaulisinge.

1 Timoti 2:7

Laso anene tava'u so musosovosilo so axali itema so alanu vaikalaou mo a aposeliou. Vaikala ano'o maninasi, akalavoi uasi. Anu mulosilo xaixai so avotone'i tamitema noale'ale no anu vaikala manina mo so ilopa­lanu.

2 Tesalonaika 2:16

Tatananenge Iesua Kalaisiti ilou Mosinge anu Maminge misexelanenge mo milosinge mamatola kaluxusou uasi mo miiaiamanenge. Laso ngingi ngaxolu lopala noxinge pakia'u so ngaxomaiou voxo olele.

1 Kolini 1:1

Eni Polu a. Eni aposeliou Iesua Kalaisiti a xo Mosinge mu'avalilo no anu masaxa noxou. Nexi noxou vivinge Sosotenisi taxolu 'o mo oponexi vilesisi no anu lapasi 'o.

1 Tioni 4:14

Xe mi ane tesaxisou la tapala'anixu lamana aloxo 'o. Maminge no tualasou mupalusou Olu mune'e no lialia so uxali Itema so Pamauli si'a tatemanu.

1 Pita 1:21

Mu­su'ulingengi la ngingi a ngelopala noxou Mosinge e mutulusou Kalaisiti no anu soli kaio mulosou uala ane u'uli'uli. Laso maixene lopala noxinge utulu pumuxu noxou Mosinge mo ngingi a ngalopalanu ngaxomaiou mimi e muvavali­masou.

Taitusi 3:6

Xo no anu xaixai noxou Iesua Kalaisiti anu Itema so Pamauli la anu munixi'u Ulenu Laixe noxinge laso tepalava noxou.

Taitusi 3:4

Texolu axone ia Mosinge anu mosou pamauli tanunenge misevile la sexela noxou singe tamitema mupala'a.

Taitusi 2:13

La taxolu tautitiou mi lailaixe e talopalanu taxomaiou. Mi e taxomaiou ne, voxosou Mosinge U'uli'uli anu Itema so Pamauli e Iesua Kalaisiti so upala'a no anu iaxu.

Taitusi 2:10

Mo ipulumaou mimii'a uasi. Xe loxo tavosi'a ilopalane'i no anu mi ma'ia la ane'i i'oxonu laixesi. Laso axone la no anu xoluxoluxa'a mukalusi la i'itinu vaikalaou Mosinge e mosou pamauli no ie'i tamitema.

1 Timoti 4:10

Mosinge anu a uma­mauli xe anu mosou pamauli noxi'a tamitema latala. Ia tamitema ane upamauline'i ne, ane'i ane ilopalanusi. Mo loxo nenge, la tetulusou lopala noxinge noxousi. Tetulusou lopala noxinge noxou laso maixene xavinenge mo sasaie­ngeou xaixai noxou.

1 Timoti 2:3

Mosinge e mosou pamauli ta'olu ivikala noxou axone xo anu laixe no iou mo u'osasou.

Xalesia 1:11

Xo tavivilo, eni avikalangengi manina lexe vaikala laixe e evotongengixu mala'o ne anu mu'avuti noxi'a tamitema uasi.

1 Kolini 9:17

Loxo eni melo a'oxonu no anu masaxa na'a xeli la masi ngalosilo lapesou. Ia uasi, eni melo ailounu xaixai ano'o uasi. Tatananenge molu mupilixinu noxilo so alanu vaikalasou laixe 'o.

Lomu 1:1

Eni Polu a. Eni amitema so xaixai noxou Kalaisiti Iesua. Anu molu mutulusilo so axali aposeliou mo musosovosilo so alanu vaikala laixe noxou Mosinge.

Luku 1:47

Xe opoleli u'osa noxou Mosinge e mosou pamauli noxilo.

Luku 2:11

Xo no anu taoni noxou Teviti la sema vile mivo'o mo ilie ne anu so upamau­lingengi. Anu ane Mosinge muso­so­vosou so Kalaisiti mo anu Tatananenge ane.