Wongeela Yohaannis 10:3 - Waadaa Haarawa

³ balbala eegaan isaaniif balbala ni bana, hoolonni isaa'llee qooniqqa isaa ni dhagayan, inni'llee hoolota isaa akka maqaa isaaniitiin isaan ni waama, isaan eemara'aa'llee gara alaa titti, isaan ni baasa.

WAADAA LAMMATAA

³ Hoolonnillee laagaa isaa hin dhagayan, innillee hoolota ufii maqaa isaaniitiin waamee, isaan fudhata.

Kitaaba Woyyuu

³ Hoolonnillee laagaa isaa hin dhagayan; innillee hoolota ufii maqaa isaaniitiin waamee isaan fudhata.

Wongeela Yohaannis 10:3 Referans Kwoze

2 Gara Ximotewoosii 2:19

Garuu, «Gooftaan worra ka isaa ta'an ni beeka» akkuma kana, «Ka maqaa Goofta'aa waamu marrinuu hamaa irraa haa fagaatu!» chaaphaan jedhu ka irraa jiru, ka hin sochoone hundeen Waaqaa jabaatee ni jiraata.

Wongeela Yohaannis 10:4

Hoolota isaa eega yaaseen duubatti'llee, dura dura isaaniitiin ni deema, hoolonni'llee qooniqqa isaa waan beekaniif, isa ni horddofan.

Wongeela Yohaannis 10:16

Gobbuu kana keessaa ka hin ta'in hoolota bira'aa ni qaba, isaan'llee fidu'utu narraa mala, isaan'llee qooniqqa kiyya ni dhagayan, gobbuu tokko'llee ni ta'an, tisseen'llee tokko ni ta'a.»

Wongeela Yohaannis 10:14

Tisseen mishaan ana, ani hoolota tiyya ni beeka, hoolonni tiyya'llee ana ni beekan.

Mudhata Yohaannisii 3:20

kunoo! Ani balbala dhaabadhee ni dhadhaya, eennu'llee qoonqqa kiyya dhagayee balbala yoo naaf bane, gara isaa aseenee isa woliin ni nyaadha, inni'llee ana woliin ni nyaata,

Mudhata Yohaannisii 7:17

teessicha jidduu Hoolichi jiru'llee tissee isaanii ni ta'a, gara burqqaa bishaan jireennaa'llee isaan ni eemara, Waaqinni'llee imimmaan isaanii mara ija isaanii irraa, isaaniif ni haqa.»

Gara Worra Rooma'aa 8:30

Durssee worra murtteesse ni waame, worra waamee'llee ni qulqulleesse, worra qulqullaayomsse'llee isaan ni kabaje.

Wongeela Yohaannis 6:45

Kitaabban nabiyyootaa titti, ‹namoonni marrinuu Waaqa irraa ka baratan ni ta'an› jedhamee barreeffamee jira, kanaaf Waaqa Abbaa irraa dhagayee ka barate marrinuu gara kiyya ni dhufa.

Wongeela Yohaannis 6:37

Ka Waaqinni Abbaan naaf kennu marrinuu gara kiyya ni dhufa, ka gara kiyya dhufu'llee gonkumaa gara alaa titti isa hin ari'uun.

Mudhata Yohaannisii 20:15

Ka maqaan isaa kitaaba jireennaa irratti barreeffamee hin argamin marrinuu, gara garba ibiddaa titti ni gatame.

Gara Worra Qolasaayisii 4:3

kanaan woliin'llee Waaqinni dubbii isaatiif balbala akka nuuf banuu fi waayee isaatiin hidhamee bakka ani itti argamu kanatti, dhossaa Kristosii lallabu'uuf akka dandda'u nuuf'llee kadhadhaa.

Gara Worra Filiphisiiyusii 4:3

Ati'llee ka achi jirttu waahelli amanamaan hujii kiyyaa, dubarttoota kanniin akka isaan gargaartuuf si ni kadhadha, dubarttoonni kunniin anaan woliin Kleeminxoosii fi worra maqaan isaanii kitaaba jireennaa irratti barreeffaman kaaniin waahellan hujii kiyyaa woliin ta'u'uun, karaa wongeela itti woliin gayu'uutiin qabssaayanii jiran.

1 Ergaa Phexiros 1:12

nabiyyoonni kunniin'llee ni tajaajilan ka turan isin malee mataa isaanii akka hin turin isaaniif ibisamee jira, ka isin tajaajilan'llee sami'ii ka ergame karaa Hafuura Qulqullu'uutii ka amma namoonni wongeela isinitti himan dubbatan ibisu'uun ture, waan kana maleyikkoonn'llee argu'uuf ni hawwan ture.

1 Gara Worra Qorontoosii 16:9

Balballi baldhaan hujii baayi'ee ufi keessaa qabu naaf banamee jira, mormittoonni garuu baayi'eewwan.

Wongeela Yohaannis 10:9

Balballi ana, ka karaa kiyyaan aseenu ni fayya, ni aseena, ni baya, bakka oolu'llee ni argata.

1 Ergaa Yohaannis 4:6

Nu'u ka Waaqaati, worri Waaqa beeku marrinuu nu'u ni dhagaya, worri ka Waaqaa hin ta'in garuu nu'u hin dhagayu. Hafuura dhugaaalessaa fi hafuura dharaalessaa addaan baafinne ka beekinnu'llee kanaan.

3 Ergaa Yohaannis 1:14

Yeroo dhiyo'otti si argu'uuf abddii ni taasisa, yeroo sanitti jechaa jechaan woliin ni haasofnna.