Wongeela Maatewos 6:2 - Waadaa Haarawa

² «Kanaaf hiyyeesotaa yeroo arjjoomttantti, fakkeessitoonni bakka woligayii isaaniitii fi karaa mara irratti akkuma raawwatan, muldhachu'uuf hin raawwatinaa, dhugamaan isinitti ni hima, isaan gatii isaanii durssanii fudhatanii jiran.»

WAADAA LAMMATAA

² «Eegasuu isin hennaa hiyyeeyyi'iif arjoomtan, akka worra uf tuulanii nama biratti ulfinna ittiin argatu'uuf jedhanii, mana sagadaatii fi karaa irrattillee uf mudhisu'uuf akkuma godhan, hin godhinaa'a. Ani dhugamaan isiniin jedha isaan gatii ufii argataniiran.

Kitaaba Woyyuu

² «Eegasuu isin hennaa hiyyeeyyi'iif arjoomtan, akka worra uf tuulanii nama biratti ulfinna ittiin argatu'uuf jedhanii mana sagadaatii fi karaa irrattillee uf mudhisu'uuf godhan hin godhinaa'a. Ani dhugamaan isiniin jedha isaan gatii ufii argataniiran.

Wongeela Maatewos 6:2 Referans Kwoze

Wongeela Maatewos 6:5

Yeroo kadhattantti akka worra fakeessitootaa hin ta'inaa! Isaan naminni akka isaanii arguuf jedhanii bakkeewwan woligayii isaatii fi karaa mara bira dhaabatanii, kadhachuu ni jaalatan. Dhugamaan isiniin jedha, isaan gatii isaanii durssanii argatanii jiran.

Wongeela Maatewos 6:16

Yesus'llee itti aanssee akkana ni jedhe, «Yeroo soomttanitti namoonni soomuun isaanii akka isaanii beekaniif, akka worra fuula isaanii jijjiiranii akka fakkeessitootaa, fuula keessan hin qaamessinaa, dhugamaan isiniin jedha, isaan gatii isaanii fudhatanii jiran.

Wongeela Yohaannis 5:41

«Ani ulfinna nama irraa hin barbaadu.

Gara Ibirootaa 13:16

Waan mishaa raawwachu'uu fi waan qabddan kaanniiniif qooduu hin irraafatinaa, Waaqinni ka gammadu ciinccaa akkanaatiin.

Wongeela Luqaas 20:46

«Uffata dhedheeraa uffatanii asii fi achi naanayuu, bakka gaba'aa titti nagaya kabajaa fudhachuu, bakka woligayi'ii titti'llee barcumaa ulfinnaa, bakka afeerri'itti'llee bakkee kabajaa worra jaalatan, barsiisota seeraa irraa ufi eeggadhaa.

Wongeela Yohaannis 7:18

Mataa isaa irraa ka dubbatu ulfinna mataa isaa ni barbaada, ulfinna ka isa ergee ka barbaadu garuu inni dhugaalessa, sobinni'llee keessa hin jiru.

1 Ergaa Phexiros 4:11

Ka barsiisu akka waan dubbii Waaqaa barsiisuu titti haa barsiisu, ka tajaajilu'llee huminna Waaqinni isaa kennuun haa tajaajilu, bifa kanaan'llee Waaqinni karaa Yesus Kristositiin waan maraanuu ni galateeffatama, ulfinnaa fi angoon, baraa haga baraa titti'llee isaaf haa taatu, Ameen.

Gara Worra Efesoonii 4:28

In hata ka ture ammaa achitti hin hatin, kana irra hiyyeesotaa kennu'uuf qarshii akka qabaatu, harka isaatiin waan mishaa haa hojjatu.

Gara Worra Galaatiyaa 2:10

Garuu hiyyeesota jidduu isaanii jiran akka yaadanuuf yaboo nuun ni jedhan, kun'llee waan ani hisataan raawwadhe.

Hujii Ergamootaa 10:4

Guuttatee gara maleyikkichaa laaleeti nayu'uun, «Yaa Gooftaa! Maali'i?» ni jedhe. Maleyikkichi'llee akkana jedheen, «Kadhannaan keetii fi arjjoomnni hiyyeesotaaf taasfttu'llee yaadannoo mishaa ta'ee, gara Waaqaa ol deemee jira,

1 Gara Ximotewoosii 6:18

Akkuma kana hujii mishaa akka hojjataniif, hujii misha'aan'llee dureeyyii akka ta'aniif, arijjoomu'uu fi waan qaban'llee qooduuf qophaayota akka ta'aniif, isaan ajaji.

Gara Worra Rooma'aa 12:8

Kennaan teenna gorssuu yoo ta'e haa gorssinuu, kennaan teenna arjjoomuu yoo ta'e onne'een haa arjjoomnnuu, kennaan teenna bulchuu yoo ta'e, jabeennaan haa bulchinuu, kennaan teenna garaa laafnna yoo ta'e, kanuma gammachu'uun haa raawwannuu.

Hujii Ergamootaa 24:17

«Yerusaalemii eega bayanii woggaan baay'een eega dabrreen duubatti, qarshii gargaarssa namoota keennaaf ta'uu fi kennaa Waaqaaf kennamu qabadhee ni dhufe.

Hujii Ergamootaa 10:31

akkana'llee naan jedhe, ‹yaa Qorneelewos! Waaqinni kadhannaa kee dhagayee jira, arjjoomnni hiyyeesotaaf raawwatte'llee si yaadamee jira,

Hujii Ergamootaa 10:2

Inni'llee maatii isaa mara woliin Waaqaa ka Waaqeffatuu fi nama sodaatu ture, hiyyeesotaaf'llee arjjooma baayi'ee ni kenna ture, gara Waaqaa'llee yeroo mara kadhannaa isaa ni dhiyeessa ture.

Hujii Ergamootaa 9:36

Iyyoophee'llee Xaabiitaa ta jedhamttu amanttuu takkatu jira ture, hiikkaan maqaa isi'ii'llee afaan Giriikiitiin Dorkaas hiikkaan isaa'llee kuruphee jechu'u, isiin'llee waan mishaa raawwachu'uu fi hiyyeesotaa arjjoomuu, hujii isi'ii ka yeroo maraa ta taasffatte ni turtte,

Wongeela Yohaannis 13:29

Yihudaan qarshii qabaa waan tureef barattoota keessa tokko tokkoon isaanii Yesus, «Waan ayyaanaaf nu barbaachisu biti yookiin hiyyeesotaaf arjjooma kenni» waan isaan jedhe, isaanitti fakkaatee ture.

Wongeela Yohaannis 5:44

Isin ufii keessan wol irraa ulfinnaa ka barbaaddan, Waaqa tokko irraa ulfinna argamu garuu ka hin barbaanne, attamitti amanu'uuf dandeettan ree?

Wongeela Luqaas 6:42

Akkuma kana guddeelcha ija kee keessa jiru uduu hin argin obboleessa keetiin, ‹yaa obboleessa kiyya, mee huuba ija tee keessa jiru si haa baasuu› jechu'uu attamitti dandeetta? Ati yaa fakkeessaa nana, durssiitii guddeelcha ija kee keessa jiru baasi, kanaan duubatti huuba ija obboleessa keetii keessa jiru baasu'uuf, qulqulleesitee laalu'uuf ni dandeetta.»

Wongeela Maarqoos 12:39

Isaan'llee bakka woligayii isaanii titti barcumaa ulfinnaa, bakka afeerri'iitti'llee bakka kabajaa ni filatan.

Gara Filiimona 1:7

Yaa obboleessa kiyya! Waayee keetiin onneen amanttootaa waan haareffameef, gammachuu ol aana'aa fi jajabeenna'llee naaf kennee jira.

1 Gara Worra Tasaloonqee 2:6

Isin irraa'llee ta'ee kaanniin nama kamiin irraayyuu nu ulfinna hin barbaanne.

Hujii Ergamootaa 11:29

Kanaaf amanttoonni Anxookiyaa jiraatan obboleeyyan Yihudaa jiraataniif, tokkoon tokkoon isaanii akka danddeettii isaaniitiin buusii wolitti baasu'uun, gargaarssi akka ergamuuf ni murteessan.

Wongeela Luqaas 13:15

Gooftaan Yesus'llee akkana jechu'uun ni deebiseef, «Isin fakkeessitoota nana, isin keessaa hoo tokko tokkoo keessan guyyaa Sanbbataatiin qotiyyoo isaa bakka itti cufamee baasee, yookiin harree isaa bakka itti hidhamee hiikee, gara bakka bishaan itti obaasuu ni fidaanii mitii?

Wongeela Luqaas 12:56

Isin fakkeessitoota nana, bifa arddi'iitii fi sami'ii laalu'uun waan ta'u ni beekitan, eegaa bara ammaa kanatti waan ta'u maali'iif hin beekinnee?»

Wongeela Luqaas 12:33

Waan qabddan maraa gurgura'aatii qarshii hiyyeesotaaf kennaa, korojoo hin moofinne ka qarshi'ii'llee qopheeffattanii, qarshii keessan bakka hattuun bira gayuu hin dandeenne, bakka biliin'llee itti hin nyaannee fi gonkumaa bakka itti hin dhuminne, Mootummaa Sami'ii kaayaa.

Wongeela Luqaas 11:43

Isin Fariisonni isinii uunsha'a! Bakka wolgayi'ii keessa barcumaa ulfinnaa irra taa'uu ni jaalatan, akkuma kana bakka yaa'ii'iitii fi bakka gabaya'aa titti, akka naminni marri gad jedhee nagaya isin gaafatuuf, ni barbaadan.

Wongeela Luqaas 11:41

Burcuqqo'oo fi qorii keessan keessa waan jiru hiyyeesotaaf kennaa, kanaan duubatti wonitti marrinuu qulqulluu isiniif ni ta'a.»

Wongeela Luqaas 6:24

«Isin durreeyyiin garuu, mijaayinna keessaniif waan ta'u maraa, amma argattanii jirttaniitii, Isinii uunsha'a!

Wongeela Maarqoos 7:6

Inni garuu akkana jechu'uun isaanii ni deebise, «Isin fakkeessitoota nana! Isaayaas waayee keessan, ‹ummanni kun afaanuma qofaan ana kabaja malee, onnee isaatiin ana irraa ka fagaatee!

Wongeela Maatewos 24:51

Tajaajilaa san'llee gooftaan isaa ni adabaan, kutaa carraa isaa'llee worra fakkeessitootaa woliin ni taasisa, achitti'llee booyaa fi ilkaan qaruun ni ta'a.»

Wongeela Maatewos 23:6

bakka afeerri'ii titti bakkee kabajaa, bakka wolgayi'ii isaanii titti'llee barcumaa jalqabaa, qabachuu ni jaalatan.

Wongeela Maatewos 22:18

Yesus garuu hameenna isaanii beekee, «Isin fakkeesitoota nana! Waayee maali'iitiif ana qormaattan?

Wongeela Maatewos 16:3

yoo bari'u ganama ammoo ‹samiin duumessa ta'ee diimatee jiraatii adha ni rooba› jettan, bifa sami'ii adda baasuu ni beekittan, garuu malikata bifa baraa adda baasuu hin dandeettan.]

Wongeela Maatewos 15:7

isin sareeganttoota nana! Isaayaas waayee keessan akkana jechu'uun raaginni dubbate sirri'i,

Wongeela Maatewos 7:5

Ati fakkeessaa nana! Durssiitii gudeelcha ija kee keessa jiru baasi, saniin duubatti'llee, huuba ija obboleessa keetii keessa jiru baasu'uuf, qulqulleessitee ni argita.»

Wongeela Maatewos 5:18

Dhugaa isiniin jedha, sami'ii fi arddiin haga dabrrantti seerri marrinuu ni raawwatama malee, seera keessaa taraarriin takka yookiin tuqaan takkattiin hin diigamttu.

Wongeela Maatewos 6:3

Ati garuu kennaa arjjoomaa yeroo arjjoomttutti, waan harki kee ka mirgaa raawwatu, harki kee ka bita'aa hin beekin.

Wongeela Maatewos 23:5

Hujii isaanii mara ka raawwatan akka namoonni isaanii arganiif jedhaniit, qudhaamman isaanii ni babaldhisan, handaara uffata isaanii ka kadhanna'aa ni dheeresan,

1 Gara Worra Qorontoosii 13:3

Waan qabu maraa hiyyeesotaaf yoo qoode, foon kiyya'llee uduu hin hafin ibiddaan akka gubatu dabarssee uduu kennee, jaalala yoo hin qabaatin, womaayyuu ana hin fayyadu.