Wongeela Maatewos 4:10 - Waadaa Haarawa

¹⁰ Yeroo sanitti Yesus, «Gooftaa Waaqa keetiif sagadi, isuma qofa'llee Waaqeffadhu! jedhamee barreeffamee jiraatii, ati sheexanni narraa fagaadhu!» jedheen.

WAADAA LAMMATAA

¹⁰ Hennaa san Yesuus, «Ati seexana, narraa fagaadhu! kitaaba Woyyuu keessatti, ‹Waaqa Gooftaa keetii sagadi, isuma callaa kaddaami› jedhamee barreeffameera» jedheen.

Kitaaba Woyyuu

¹⁰ Hennaa san Yesuus, «Ati seexana! na irraa fagaadhu! kitaaba Woyyuu keessatti, ‹Waaqa Gooftaa keetii sagadi; isuma callaa waaqeffadhu› jedhamee barreeffameera» jedheen.

Wongeela Maatewos 4:10 Referans Kwoze

Wongeela Luqaas 4:8

Yesus'llee, «Waaqa Gooftaa kee qofaaf sagadi! Isuma qofa'llee Waaqeffadhu! Jedhamee barreeffamee jira» jechu'uun ni deebiseef.

Ergaa Yaaqoob 4:7

Kanaaf Waaqaaf bitamaa, daabiloosiin garuu mormma'aanii, inni'llee isin irraa ni dheessa.

1 Ergaa Phexiros 5:9

Biyya lafaa mara irra ka jiran obboleeyyan teessan rakkinna bifa kanaa akka fudhatan beeku'uun, amanti'iin jabaadha'aatii mormma'aanii.

Wongeela Maatewos 16:23

Yesus garuu ufi irra garagalee Phexirosiin, «Ati sheexana nana! Waan namaa malee ka Waaqaa waan hin yaadinneef, ati anaaf gufu'u» jedheen.

Wongeela Maarqoos 1:13

Gammoojjii sanitti'llee sheexanaan qormaatama'aa guyyaa afurtamaaf ni ture, bineensota bosonaa woliin'llee ni ture, maleyikkoonni'llee ni tajaajilaniin.

Wongeela Luqaas 10:18

Yesus'llee akkana isaaniin ni jedhe, «Sheexanni akka bakakka'aa titti darbamee sami'ii yoo bu'u ni argeen,

Wongeela Luqaas 11:18

Kanaaf sheexanni ufii isaatii qoodamee gargar ka bayu yoo ta'e, mootummaan isaa attamitti jabaatee dhaabachu'uuf danda'aa? Isin garuu, ‹inni hafuurota ka baasu Bi'el Zebuliin› naan jettan.

Wongeela Luqaas 13:16

Kunoo, fiixaa Abrahaamii ka taate dubarttiin tun woggaa kudha saddeetii guutuu, sheexanaan hidhamttee sarddama'aa jiraattee jirtti, eegaa, bakka isiin hidhamttee ittiin makkaraarttuu guyyaa Sanbbataatiin hiikamuun isi'iin irraa hin maluu ree?»

Wongeela Luqaas 22:3

Yeroo sanitti barattoota isaa kudha lamaan keessaa tokko ka ta'e, Yihudaa nama biyya Asiqortu'uu titti Sheexanni ni gale.

Wongeela Luqaas 22:31

Itti aansee'llee Yesus akkana ni jedhe, «Simoon! Simoon! Kunoo, akkuma qotee bulaan qamadii hafarssee ibbiqiin adda baasu, akkuma kana sheexanni isin hafarssu'uuf ni barbaade.

Wongeela Yohaannis 13:27

Yihudaan'llee fuudhaa eega fudhateen duubatti, bakkumatti seexanni isaa keessa ni bule, Yesus'llee Yihuda'aan, «Raawwachu'uuf waan yaadde dafiitii raawwadhu!» jedheen.

Hujii Ergamootaa 5:3

Phexiros garuu akkana ni jedheen, «Yaa Anaaniyaas! Hafuura Qulqulluu akka sobdduu fi gurgurttaa lafaa irraa'llee wolakkaa akka hanbifattuuf Sheexanni si taasise, maali'iitiif gara onnee keetii aseene?

Hujii Ergamootaa 26:18

Ija isaanii akka isaanii banttuu fi dukkana keessaa gara ifaa titti akka isaan baafttuuf, bulchiinsa sheexanaa jalaa'llee gara Waaqaa titti akka isaan deebifttuuf si ni taasisa, isaan'llee sababa anatti amanuu isaaniitiin dhiifama cubbuu ni argatan, worra filataman jiddu'utti'llee qabiyyee ni qoodaman.

1 Gara Worra Qorontoosii 5:5

cubbu'uun ka guuttame foon nama kanaa akka diigamuuf, sheexanaaf dabarsitanii isa keennuun isin irraa ni mala. Kana'llee ka raawwattan Gooftaan Yesus guyyaa murti'iif itti dhufutti, lubbuun nama kanaa akka fayyituuf.

1 Gara Worra Qorontoosii 7:5

Kadhanna'aan jabaachu'uuf lamaan keessanuu woliigalttanii yeroo murttaayeetti yoo ta'e malee, gargar bayu'uun tokko ka bira'aa mirga isaa ka fuudhaa fi heerumaa hin dhoogatin. Sababa kanaan'llee mataa keessan toowachuu dadhabiddanii Sheexanni akka isin hin qoranneef, deebi'aatii woliin jiraadhaa.

2 Gara Worra Qorontoosii 2:11

Kana'llee ka raawwadhu hujii sheexanaa ka dabaa waan beekinuuf, akka Sheexanni nu hin sobinneef jedheeti.

2 Gara Worra Qorontoosii 11:14

Kun'llee waan nama dinqisiisuu miti, Sheexanninuu maleyikkaa ifaa fakkaachu'uuf, mataa isaa ni jijjiira.

2 Gara Worra Qorontoosii 12:7

Kanniin wonittoota ol aanota natti mulidhatan irraa ka ka'een akka ufi hin dhaadinnef, foon kiyya akka qore'ee titti ka woraanu makkaraarnni naaf ni kenname, kun'llee barataa sheexanaa ta'u'uun ana gad qabee makkaraarssu'uun, akka ani ufi hin dhaadinne ana taasisa.