Wongeela Maatewos 22:10 - Waadaa Haarawa

¹⁰ Tajajilttoonni'llee gara kara'aa deemanii nama argatan mara hamaaleyyi'ii fi mishaawwaniif'llee wolitti ni qaban, kanaaf galmma cidhaa afeeramittootaan ni guuttame.

WAADAA LAMMATAA

¹⁰ Hojjattoonni isaa sunniin gara kara'aa bayanii nama argan maraa worra hama'aa fi mishaallee wolitti qaban. Namnillee mana cidhaa ol guute.

Kitaaba Woyyuu

¹⁰ Hojjattoonni isaa sunniin gara kara'aa bayanii nama argan maraa worra hama'aa fi mishaallee wolitti qaban; namni mana cidhaa ol guute.

Wongeela Maatewos 22:10 Referans Kwoze

Mudhata Yohaannisii 7:9

Kanaan duubatti ni laale, namoota haalaan baayi'e'ee ni arge, isaan'llee ummataa fi gosa maraa, worraa fi afaan adda addaa ka dubbatan irraa kan wolitti bayan ni turan, isaan kun uffata adii uffatanii, baala muka meexxi'ii harka isaanii titti qabatanii, teessoo isaatii fi Hoolicha durana dhaabatanii jiran ni ture,

1 Ergaa Yohaannis 2:19

Isaan numa jiddu'uu bayan. Haata'u malee isaan durumaanuu gara keennaa hin turre. Gara keennaa uduu ta'anii jiraataniitii, nu'uun woliin'llee jabaatanii ni jiraatan turan. Garuu marrinuu gara gosa keennaatii ta'uu dhabuun isaanii akka beekkamuuf, nu jiddu'uu fooyamanii bayanii jiran.

2 Gara Worra Qorontoosii 12:21

Deebi'ee gara keessan yoo dhufu Waaqinni kiyya yookiin isin duranatti ana ni salphisa jedhee ni sodaadha, asiin durana cubbuu hojjatanii battummaa raawwatan kanaan, sagaagalaa fi gad dhiifammummaan waayee namoota gara Waaqaa hin deebi'iniitiif, gadda irratti ni kufa jedhee ni sodaadha.

Wongeela Maatewos 25:10

Shamarran gowwoota bobayaa bitu'uuf yeroo deemanitti, ka fuudhu ni gale. Shamarran qophaayanii turan'llee ka fuudhu woliin, gara galmma afeerrii cidhaa ni aseenan, balballi'llee ni cufame.»

Mudhata Yohaannisii 5:9

Faarfannaa haarawa'llee akkana jedhu'uun ni faarssan, «Dhiiga keetiin gosa maraa fi afaan mara irraa, gosaa isaanii mara irraa fi ummata mara keessaa, namoota Waaqaaf bitu'uuf, ati waan qalamitteef, kitaaba kaldho'oo maramaa fudhachu'uu fi chaaphaawwan'llee banu'uuf, ka siin male taatee jirta.

Wongeela Maatewos 13:38

qonni biyya lafaa kana, firiin mishaan ijoollee Mootummaa Waaqaati, ingirdaanni ijoollee sheexanaa.

Wongeela Maatewos 9:15

Inni'llee akkana jechu'uun isaanii ni deebise, «Ka fuudhu isaan woliin yoo jirutti, jaalonni gadduun isaan irraa ni malaa ree? garuu yeroon ka fuudhu isaan biraa itti fudhatamu ni dhufa, yeroo sanitti ni sooman.

Wongeela Maatewos 22:9

Kanaaf gara karaa maraa deema'aatii nama argattan mara, gara afeerrii cidhichaa Waamaa.› »